ਅੰਮ੍ਰਿਤਸਰ ( 25 ਮਾਰਚ, 2016): ਅਕਾਲੀ ਦਲ ਦੇ ਪ੍ਰਧਾਨ ਦੀ ਨੰਗੇ ਸਿਰ ਤਸਵੀਰ ਨੇ ਹਰ ਸਿੱਖ ਨੂੰ ਹਲੂਣਾ ਦਿਤਾ ਹੈ। ਅਸੀਂ ਹਰ ਇਨਸਾਨ ਦੀ ਜਾਤੀ ਜ਼ਿੰਦਗੀ ਦੇ ਵਿੱਚ ਦਖਲਅੰਦਾਜੀ ਦੇ ਖਿਲਾਫ ਹਾਂ ਅਤੇ ਕਿਸੇ ਦੇ ਹੋਲੀ ਖੇਡਣ ਉਤੇ ਸਾਨੂੰ ਕੋਈ ਇਤਰਾਜ ਨਹੀਂ ਪਰ ਜੇਕਰ ਉਹ ਵਿਅਕਤੀ ਇਕ ਰਾਜਨੇਤਾ ਹੈ ਅਤੇ ਉਹ ਵੀ ਅਕਾਲੀ ਪਾਰਟੀ ਦਾ ਪ੍ਰਧਾਨ ਹੈ ਤਾਂ ਫਿਰ ਉਸਦਾ ਨੰਗੇ ਸਿਰ ਜਾ ਦਸਤਾਰ ਬਿਨਾਂ ਪਬਲਿਕ ਵਿੱਚ ਤਿਉਹਾਰ ਮਨਾਉਣਾ ਕਿਸੇ ਵੀ ਕੀਮਤ ਉਤੇ ਸੋਭਦਾ ਨਹੀਂ।
ਸੁਖਬੀਰ ਦੀ ਇਸ ਹਰਕਤ ਨਾਲ ਸਿਖਾਂ ਦੀ ਦਸਤਾਰ ਦੀ ਸ਼ਾਨ ਲਈ ਦੁਨੀਆਂ ਭਰ ਵਿੱਚ ਲੜੇ ਜਾ ਰਹੇ ਸੰਘਰਸ਼ ਦੀ ਇਖਲਾਕੀ ਹਾਰ ਹੈ। ਸੁਖਬੀਰ ਦੀ ਇਸ ਹਰਕਤ ਨਾਲ ਯਕੀਨਨ ਫਰਾਂਸ ਦੇ ਸਿਖਾਂ ਨੂੰ ਵੱਡਾ ਝਟਕਾ ਲੱਗੇਗਾ ਜੋ ਆਪਣੇ ਸਰਕਾਰੀ ਦਸਤਾਵੇਜ਼ਾਂ ਉਤੇ ਦਸਤਾਰ ਵਾਲੀ ਫੋਟੋ ਲਿਵਾਉਣ ਲਈ ਸਾਲਾ ਤੋਂ ਲੜ ਰਹੇ ਹਨ।
ਸਖਬੀਰ ਹੁਣ ਵੀ ਅਕਾਲੀ ਦਲ ਦਾ ਪ੍ਰਧਾਨ ਬਣੇ ਰਹਣਗੇ ਇਸ ਦਾ ਫੈਸਲਾ ਤਾਂ ਅਕਾਲੀ ਵਰਕਰ ਹੀ ਕਰਨਗੇ ਪਰ ਉਸਨੇ ਸਿੱਖ ਦੇ ਮਾਣ ਅਤੇ ਦਸਤਾਰ ਦੀ ਸ਼ਾਨ ਨੂੰ ਸੱਟ ਜ਼ਰੂਰ ਮਾਰੀ ਹੈ। ਸੁਖਬੀਰ ਨੂੰ ਚਾਹੀਦਾ ਹੈ ਕਿ ਉਹ ਅਕਾਲ ਤਖਤ ਤੇ ਜਾ ਕੇ ਹੱਥ ਜੋੜ ਕੇ ਵਾਹਿਗੁਰੂ ਪਾਸੋਂ ਖਿਮਾ ਯਾਚਨਾ ਕਰੇ ਅਤੇ ਆਪਣੀ ਭੁੱਲ ਬਖਸ਼ਾਵੇ।
