ਨਵੀ ਦਿੱਲੀ ( 8 ਫਰਵਰੀ, 2015): ਭਾਰਤੀ ਜਨਤਾ ਪਾਰਟੀ ਨੇ ਦਿੱਲੀ ਹੋ ਹਟੀਆਂ ਚੋਣਾਂ ਵਿੱਚ ਦੋ ਸਿੱਖ ਉਮੀਦਵਾਰਾਂ ਨੂੰ ਪਾਰਟੀ ਉਮਦਿਵਾਰਾਂ ਵਜੋਂ ਚੋਣ ਮੈਦਾਨ ਵਿੱਚ ਉਤਾਰਿਆ, ਇਸਤੋਂ ਇਲਾਵਾ ਬਾਦਲ ਦਲ ਦੇ ਤਿੰਨ ਸਿੱਖ ਉਮੀਦਵਾਰਾਂ ਨੇ ਵੀ ਭਾਜਪਾ ਦੇ ਚੋਣ ਨਿਸ਼ਾਨ ‘ਤੇ ਚੋਣ ਲੜੀ ਹੈ।
ਆਰਪੀ ਸਿੰਘ, ਹਲਕਾ ਰਜਿੰਦਰ ਨਗਰ: ਆਰਪੀ ਸਿੰਘ ਸਾਲ 2013 ਵਿੱਚ ਹਲਕਾ ਵਿਧਾਇਕ ਵਜੋਂ ਚੋਣ ਜਿੱਤ ਚੁੱਕੇ ਹਨ।ਉਹ ਭਾਜਪਾ ਦੇ ਸਕੱਤਰ ਹਨ ਅਤੇ ਪਾਰਟੀ ਪ੍ਰਧਾਨ ਅਮਿਤ ਸ਼ਾਹ ਦੀ ਟੀਮ ਦੇ ਵੀ ਮੈਬਰ ਹਨ।ਉਹ ਸੀਨੀਅਰ ਭਾਜਪਾ ਆਗੂ ਅਤੇ ਭਾਰਤ ਦੇ ਵਿੱਤ ਮੰਤਰੀ ਅਰੁਣ ਜੇਤਲੀ ਦੇ ਵੀ ਨਜਦੀਕੀ ਹਨ।
ਐੱਮ ਐੱਸ ਧੀਰ, ਹਲਕਾ ਜੰਗਪੁਰਾ: ਐੱਮ ਐੱਸ ਧੀਰ ਬਾਦਲ ਦਲ ਤੋਂ ਆਮ ਆਦਮੀ ਪਾਰਟੀ ਵਿੱਚ ਚਲੇ ਗਏ ਸਨ ਅਤੇ ਸਾਲ 2013 ਵਿੱਚ ਚੋਣ ਜਿੱਤਕੇ ਵਿਧਾਨ ਸਭਾ ਦੇ ਸਪੀਕਰ ਬਣੇ ਸਨ।
ਕਾਂਗਰਸ ਵੱਲੋਂ ਚੋਣ ਲੜ ਰਹੇ ਸਿੱਖ ਉਮੀਦਵਾਰ:
ਪ੍ਰਹਿਲਾਦ ਸਿੰਘ ਸ਼ਾਹਨੇ, ਹਲਕਾ ਚਾਂਦਨੀ ਚੌਂਕ: ਮੁਲਸਮਾਨਾਂ ਦੀ ਭਾਰੀ ਹਮਾਇਤ ਨਾਲ ਚਾਰ ਵਾਰ ਵਿਧਾਨ ਸਭਾ ਚੋਣ ਜਿੱਤ ਚੁੱਕੇ ਹਨ, ਜਦਕਿ ਇਸ ਹਲਕੇ ਵਿੱਚ ਸਿੱਖ ਵਸੋਂ ਜਿਆਦਾ ਨਹੀਂ ਹੈ।
ਤਾਰਵਿੰਦਰ ਸਿੰਘ ਮਰਵਾਹ, ਹਲਕਾ ਜੰਗਪੁਰਾ: 15 ਸਾਲਾਂ ਤੋਂ ਹਲਕਾ ਵਿਧਾਇਕ ਅਤੇ ਸ਼ੀਲਾ ਦੀਕਸ਼ਤ ਦੀ ਸਰਕਾਰ ਵਿੱਚ ਪਾਰਲੀਮਾਨੀ ਸਕੱਤਰ ਰਹਿ ਚੁੱਕੇ ਹਨ। ਇਸ ਸਮੇਂ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਅੰਤਰਿੰਗ ਮੈਂਬਰ ਹਨ ਅਤੇ ਉਹਨਾਂ ਦੀ ਆਪਣੀ ਪਾਰਟੀ ਦਾ ਨਾਮ ਹੈ ਕੇਂਦਰੀ ਗੁਰੂ ਸਿੰਘ ਸਭਾ।
ਸੁਰਿੰਦਰ ਪਾਲ ਸਿੰਘ ਬਿੱਟੂ, ਹਲਕਾ ਤੀਮਾਰਪੁਰ: ਸਿੱਖ ਕਤਲੇਆਮ ਦੇ ਦੋਸ਼ੀ ਜਗਦੀਸ਼ ਟਾਇਟਲਰ ਦਾ ਸ਼ਗਿਰਦ ਜੋ ਕਿ 2008 ਤੋਂ 2013 ਤੱਕ ਵਿਧਾਨਸਭਾ ਦਾ ਮੈਂਬਰ ਰਹਿ ਚੁੱਕਿਆ ਹੈ।
