ਚੰਡੀਗੜ੍ਹ: ਪੰਜਾਬ ਦੇ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਵਲੋਂ ਐਤਵਾਰ ਨੂੰ ਜਾਰੀ ਇਕ ਲਿਖਤੀ ਬਿਆਨ ਵਿਚ ਕਿਹਾ ਗਿਆ ਕਿ ਆਮ ਆਦਮੀ ਪਾਰਟੀ ਦੀ ਅਖੌਤੀ ਰੈਲੀ ਅਤੇ ਘੇਰਾਓ “ਇਕ ਵੱਡਾ ਫਲਾਪ ਸ਼ੋ” ਸੀ। ਉਨ੍ਹਾਂ ਜ਼ਿਕਰ ਕੀਤਾ, “ਪੰਜਾਬ ਦੇ ਦਰਿਆਈ ਪਾਣੀਆਂ ਦੇ ਮਸਲੇ ’ਤੇ ਧੋਖਾ ਦੇਣ ਅਤੇ ਸਸਤੇ ਸਟੰਟ ਕਰਨ ਕਰਕੇ ਹੀ ਉਨ੍ਹਾਂ ਦੀ ਰੈਲੀ ਨਾਕਾਮ ਰਹੀ ਹੈ”।
ਬਾਦਲ ਨੇ ਆਪਣੇ ਬਿਆਨ ਵਿਚ ਕਿਹਾ, “ਆਪ ਦੇ ਲੁਭਾਵਣੇ ਗੀਤਾਂ, ਅਸ਼ਲੀਲ ਚੁਟਕਲਿਆਂ, ਡਰਾਮੇਬਾਜ਼ੀਆਂ ਅਤੇ ਸਸਤੀ ਕਲਾਬਾਜ਼ੀਆਂ ਨੂੰ ਹੁਣ ਪੰਜਾਬ ਦੇ ਲੋਕ ਪਸੰਦ ਨਹੀਂ ਕਰਦੇ, ਖਾਸ ਕਰਕੇ ਕਿਸਾਨ। ਆਮ ਆਦਮੀ ਪਾਰਟੀ ਨੂੰ ਆਪਣੇ ਤੰਬੂ ਚੁਕ ਕੇ ਸਰਕਸ ਦੀ ਸਮਾਪਤੀ ਦਾ ਐਲਾਨ ਕਰ ਦੇਣਾ ਚਾਹੀਦਾ ਹੈ।
ਉਨ੍ਹਾਂ ਦੋਸ਼ ਲਾਇਆ ਕਿ ਪੰਜਾਬ ਦੇ ਆਪ ਆਗੂ ਬਦਨਾਮ ਉਨ੍ਹਾਂ ਗ਼ੈਰ-ਪੰਜਾਬੀ ਕਲਾਕਾਰਾਂ ਦੇ ਹੱਥੋਂ ਕੰਟਰੋਲ ਹੋ ਰਹੇ ਹਨ ਜਿਹੜੇ ਆਪਣੇ ਹੀ ਰਾਜਾਂ ਵਿਚ ਭ੍ਰਿਸ਼ਟਾਚਾਰ, ਅਪਰਾਧਿਕ ਅਤੇ ਅਨੈਤਿਕ ਕੰਮਾਂ ਕਰਕੇ ਨਫਰਤ ਦੇ ਪਾਤਰ ਬਣੇ ਹੋਏ ਹਨ। ਇਹ ਗ਼ੈਰ-ਪੰਜਾਬੀ ਆਗੂ ਜਿਹੜੇ ਪਾਰਟੀ ਨਾਲੋਂ ਵੀ ਤਾਕਤਵਰ ਬਣੇ ਹੋਏ ਹਨ, ਉਨ੍ਹਾਂ ਨੂੰ ਰਾਜ ਦੀ ਭਲਾਈ ਵਿਚ ਕੋਈ ਦਿਲਚਸਪੀ ਨਹੀਂ ਅਤੇ ਨਾ ਹੀ ਉਹ ਪੰਜਾਬੀ ਅਣਖ ਅਤੇ ਸਭਿਆਚਾਰ ਨੂੰ ਸਮਝਦੇ ਹਨ।
ਸਬੰਧਤ ਵੀਡੀਓ: ਆਮ ਆਦਮੀ ਪਾਰਟੀ ਦਾ ਚੰਡੀਗੜ੍ਹ ’ਚ ਵਿਰੋਧ ਅਤੇ ਬਾਦਲ ਦੀ ਕੋਠੀ ਦਾ ਘੇਰਾਓ (ਮੁੱਖ ਅੰਸ਼)
ਵੱਡੇ ਬਾਦਲ ਨੇ ਕਿਹਾ, “ਪੰਜਾਬ ਦੇ ਆਪ ਆਗੂ ਆਪਣੇ ਗ਼ੈਰ-ਪੰਜਾਬੀ ਆਕਾਵਾਂ ਦੇ ਮਗਰ ਲੱਗ ਕੇ ਪੰਜਾਬ ਨੂੰ ਬਦਨਾਮ ਕਰਨ ਲੱਗੇ ਹਨ। ਉਹ ਦਿਨ ਰਾਤ ਇਸੇ ਕੰਮ ’ਚ ਲੱਗੇ ਹਨ ਕਿ ਪੰਜਾਬ ਦੇ ਨੌਜਵਾਨ ਬਿਹਾਰੀਆਂ, ਬੰਗਾਲੀਆਂ ਅਤੇ ਯੂ.ਪੀ. ਵਾਲਿਆਂ ਤੋਂ ਬਹੁਤ ਪਿੱਛੇ ਹਨ। ਅੱਜ ਆਪ ਆਗੂਆਂ ਨੂੰ ਇਹ ਪਤਾ ਕਰਨਾ ਚਾਹੀਦਾ ਹੈ ਕਿ ਪੰਜਾਬ ਦੇ ਨੌਜਵਾਨ ਅਤੇ ਕਿਸਾਨ ਉਨ੍ਹਾਂ ਵਲੋਂ ਕੀਤੇ ਗਏ ਧੋਖੇ ਬਾਰੇ ਕੀ ਸੋਚਦੇ ਹਨ?
ਇਹ ਵੀ ਪੜ੍ਹੋ: ਮੁੱਖ ਮੰਤਰੀ ਬਾਦਲ ਆਪ ਆਗੂਆਂ ਨੂੰ ਆਪਣੇ ਘਰ ਦੇ ਬਾਹਰ ਮਿਲੇ; ਵਰਕਰਾਂ ਨੂੰ ਚੰਡੀਗੜ੍ਹ ਤੋਂ ਬਾਹਰ ਰੋਕਿਆ
ਮੁੱਖ ਮੰਤਰੀ ਨੇ ਕਿਹਾ ਕਿਸਾਨਾਂ ਦੀਆਂ ਖੁਦਕੁਸ਼ੀਆਂ ਦਾ ਵਰਤਾਰਾ ਸਿਰਫ ਪੰਜਾਬ ਤਕ ਹੀ ਸੀਮਤ ਨਹੀਂ. “ਇਹ ਬਹੁਤ ਹੀ ਗੁੰਝਲਦਾਰ ਮਸਲਾ ਹੈ, ਇਸਦਾ ਹੱਲ ਸਿਰਫ ਇਹੀ ਹੈ ਕਿ ਖੇਤੀਬਾੜੀ ਨੂੰ ਲਾਹੇਵੰਦ ਧੰਦਾ ਬਣਾਇਆ ਜਾਵੇ। ਇਸ ਲਈ ਸਹੀ ਤਰੀਕਾ ਸਵਾਮੀਨਾਥਕ ਫਾਰਮੂਲਾ ਹੀ ਹੈ ਜਿਸ ਮੁਤਾਬਕ ਕਿਸਾਨਾਂ ਨੂੰ ਪੈਦਾਵਾਰ ਦੀ ਲਾਗਤ ਤੋਂ ਵੱਧ ਤੋਂ ਵੱਧ ਵੇਚ ਮੁੱਲ (ਐਮਐਸਪੀ) 50% ਮੁਨਾਫੇ ਨਾਲ ਦਿੱਤਾ ਜਾਵੇ। ਕਿਉਂਕਿ ਖੇਤੀ ਵਿਚ ਜ਼ਮੀਨ ਦੀ ਕੀਮਤ, ਪਰਿਵਾਰ ਦੇ ਸਾਰੇ ਜੀਆਂ ਵਲੋਂ ਯੋਗਤਾਨ, ਲੇਬਰ ਆਦਿ ਨੂੰ ਲਾਗਤ ਦੇ ਤੌਰ ’ਤੇ ਆਦਿ ਨੂੰ ਐਮ.ਐਸ.ਪੀ. ਵਿਚ ਨੂੰ ਨਹੀਂ ਜੋੜਿਆ ਜਾਂਦਾ।
