ਜੰਮੂ (18 ਦਸੰਬਰ, 2014): ਭਾਜਪਾ ਦੇ ਸਾਬਕਾ ਪਾਰਲੀਮੈਂਟ ਮੈਂਬਰ ਨਵਜੋਤ ਸਿੱਧੂ ‘ਤੇ ਚੋਣ ਪ੍ਰਚਾਰ ਦੇ ਇੱਕ ਰੋਡ ਸ਼ੌਅ ਦੌਰਾਨ ਹਮਲਾ ਹੋ ਗਿਆ। ਜਿਸ ਵਿੱਚ ਉਸਦੇ ਡਰਾਈਵਰ ੍ਰਵੀ ਸਿਮਘ ਦੇ ਦੱਟਾਂ ਲੱਗੀਆਂ, ਜਿਸ ਕਰਕੇ ਉਸਨੂੰ ਹਸਪਤਾਲ ਵਿੱਚ ਦਾਖਲ ਕਰਵੲ ਦਿੱਤਾ ਗਿਆ ਹੈ। ਇਸ ਹਮਲੇ ਵਿੱਚ ਪੰਜ ਪੁਲਿਸ ਮੁਲਾਜ਼ਮਾਂ ਦੇ ਜਖਮੀ ਹੋਣ ਦੀਵੀ ਖਬਰ ਹੈ।
ਅੱਜ ਜਿਉਂ ਹੀ ਜੰਮੂ ਦੇ ਗਾਂਧੀ ਨਗਰ ਵਿਧਾਨ ਸਭਾ ਹਲਕੇ ਵਿਚ ਨਵਜੋਤ ਸਿੱਧੂ ਦੇ ਰੋਡ ਸ਼ੋਅ ਖ਼ਤਮ ਹੋਣ ਵੇਲੇ ਕੁਝ ਅਣਪਛਾਤੇ ਨੌਜਵਾਨਾਂ ਵੱਲੋਂ ਪਥਰਾਅ ਕੀਤਾ ਗਿਆ, ਜਿਸ ਵਿਚ ਰੈਲੀ ਵਾਸਤੇ ਬਣਾਈ ਹੋਈ ਸਟੇਜ ਅਤੇ ਸਿੱਧੂ ਦੀ ਕਾਰ ਨੂੰ ਨੁਕਸਾਨ ਪਹੁੰਚਿਆ, ਪਰ ਉਨ੍ਹਾਂ ਦਾ ਬਚਾਅ ਹੋ ਗਿਆ ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਕੁਝ ਨੌਜਵਾਨ ‘ਸਿੱਧੂ ਵਾਪਸ ਜਾਓ’ ਦੇ ਨਾਅਰੇ ਲੱਗਾ ਰਹੇ ਸਨ ਤਾਂ ਉਸ ਵੇਲੇ ਉਹ ਗਰੁੱਪ ਉਤੇਜਿਤ ਹੋ ਗਿਆ, ਜਿਸ ਕਾਰਨ ਉੱਥੇ ਧੱਕਾ-ਮੁੱਕੀ ਸ਼ੁਰੂ ਹੋ ਗਈ ।
ਦੂਜੇ ਪਾਸੇ ਆਮ ਲੋਕਾਂ ਨੇ ਇਸ ਨੂੰ ਸਿੱਧੂ ਵੱਲੋਂ ਕੀਤੀ ਹੋਈ ਗੁਰਬਾਣੀ ਦੀ ਨਿਰਾਦਰੀ ਦਾ ਨਤੀਜਾ ਦੱਸਿਆ ਙਕਿਉਂਕਿ ਹਮਲਾਵਰ ਨੌਜਵਾਨ ਸਿੱਖੀ ਸਰੂਪ ਵਿੱਚ ਸਨ ਨਵਜੋਤ ਸਿੰਘ ਸਿੱਧੂ ਨੂੰ ਵਾਰ-ਵਾਰ ਫ਼ੋਨ ਕਰਨ ‘ਤੇ ਉਹ ਮਿਲ ਨਹੀਂ ਸਕੇ, ਜਿਸ ਕਾਰਨ ਉਨ੍ਹਾਂ ਦਾ ਪੱਖ ਨਹੀਂ ਰੱਖਿਆ ਜਾ ਸਕਿਆ ।
ਸਬੰਧਿਤ ਥਾਣੇ ਦੇ ਮੁੱਖ ਅਫਸਰ ਸਤਵਾਰੀ ਕੁਲਜੀਤ ਚੌਧਰੀ ਨੇ ਕਿਹਾ ਕਿ ਇਹ ਹਮਲਾ ਨਵਜੋਤ ਸਿੱਧੂ ਵੱਲੋਂ ਗੁਰਬਾਣੀ ਨੂੰ ਤੋੜ ਮਰੋੜ ਕੇ ਪੇਸ਼ ਕਰਨ ਤੋਂ ਨਰਾਜ਼ ਸਿੱਖ ਨੌਜਵਾਨਾ ਵੱਲੌਂ ਕੀਤਾ ਗਿਆ ਹੈ।
ਹਮਲੇ ਸਬੰਧੀ ਸਿੱਧੂ ਨੇ ਪੰਜਾਬ ਦੀ ਮੌਜੂਦਾ ਬਾਦਲ ਸਰਕਾਰ ‘ਤੇ ਦੋਸ਼ ਲਾਇਆ ਹੈ ।ਉਨ੍ਹਾਂ ਕਿਹਾ ਕਿ ਬਾਦਲ ਸਰਕਾਰ ਮੇਰੀ ਲੋਕਪਿ੍ਅਤਾ ਤੋਂ ਸੜਦੀ ਹੈ ਜਿਸ ਕਾਰਨ ਉਨ੍ਹਾਂ ਅਜਿਹੀ ਕੋਝੀ ਹਰਕਤ ਕੀਤੀ। ਉਨ੍ਹਾਂ ਬਾਦਲ ਸਰਕਾਰ ‘ਤੇ ਪੰਜਾਬ ‘ਚ ਭਾਈ-ਭਤੀਜਾਵਾਦ, ਭਿ੍ਸ਼ਟਾਚਾਰ ਨੂੰ ਵਧਾਉਣ ਅਤੇ ਜਮੀਨਾਂ ‘ਤੇ ਨਾਜਾਇਜ਼ ਕਬਜ਼ੇ ਕਰਨ ਜਿਹੇ ਦੋਸ਼ ਲਾਏ । ਉਨ੍ਹਾਂ ਸ: ਬਾਦਲ ਨੂੰ ਕਈ ਗੰਭੀਰ ਮੁੱਦਿਆਂ ‘ਤੇ ਬਹਿਸ ਕਰਨ ਲਈ ਵੀ ਲਲਕਾਰਿਆ ।
ਜੰਮੂ ਕਸ਼ਮੀਰ ਚੋਣਾਂ ਦੌਰਾਨ ਪਿੱਛਲੇ ਤਿੰਨ ਦਿਨਾਂ ਵਿੱਚ ਇਹ ਦੂਜੀ ਵਾਰ ਹੈ ਜਦ ਸਿੱਧੂ ਨੂੰ ਗੁਰਬਾਣੀ ਦੀ ਬੇਅਦਬੀ ਕਰਨ ਦੇ ਮਾਮਲੇ ਵਿੱਚ ਸਿੱਖਾਂ ਦੇ ਤਿੱਖੇ ਰੋਹ ਦਾ ਸਾਹਮਣਾ ਕਰਨਾ ਪਿਆ।
