ਚੰਡੀਗੜ੍ਹ: ਮੀਡੀਆ ਦੀਆਂ ਰਿਪੋਰਟਾਂ ਮੁਤਾਬਕ ਆਮ ਆਦਮੀ ਪਾਰਟੀ ਦੇ ਇਕ ਕਾਰਜਕਰਤਾ ਦਾ ਬਾਦਲ ਦਲ ਦੇ ਆਗੂ ਵਲੋਂ ਗੋਲੀ ਮਾਰ ਕੇ ਕਤਲ ਕਰ ਦਿੱਤਾ ਗਿਆ ਹੈ। ਧਰਮਕੋਟ ਦੇ ਭਿੰਡਰਕਲਾਂ ਪਿੰਡ ਵਿਖੇ ਦੋਵਾਂ ਧਿਰਾਂ ਦਾ ਜ਼ਮੀਨ ਦਾ ਝਗੜਾ ਸੀ, ਜਿਥੇ ਇਹ ਘਟਨਾ ਐਤਵਾਰ (25 ਸਤੰਬਰ) ਸ਼ਾਮ ਨੂੰ ਘਟੀ।
ਹਿੰਦੁਸਤਾਨ ਟਾਈਮਜ਼ ਮੁਤਾਬਕ ਘਟਨਾ ਉਦੋਂ ਘਟੀ ਜਦੋਂ ਸਾਬਕਾ ਸਰਪੰਚ ਜਗਸੀਰ, ਆਪਣੇ 15 ਸਾਥੀਆਂ ਸਣੇ ਜਗਰੂਪ ਦੇ ਖੇਤਾਂ ‘ਚ ਗਿਆ ਅਤੇ ਖੇਤ ਜੋਤਣ ਲੱਗ ਗਿਆ। ਜਦੋਂ ਜਗਰੂਪ ਨੇ ਇਤਰਾਜ਼ ਕੀਤਾ ਤਾਂ ਦੋਸ਼ੀ ਨੇ ਉਸਤੇ, ਉਸਦੇ ਭਾਣਜੇ ਪ੍ਰਿਤਪਾਲ ਸਿੰਘ ਅਤੇ ਪਿਤਾ ਜੌਰਾ ਸਿੰਘ ‘ਤੇ ਗੋਲੀ ਚਲਾ ਦਿੱਤੀ।
ਜਗਰੂਪ ਅਤੇ ਪ੍ਰਿਤਪਾਲ ਨੂੰ ਲੁਧਿਆਣਾ ਦੇ ਦਇਅਨੰਦ ਮੈਡੀਕਲ ਕਾਲਜ ਭੇਜਿਆ ਗਿਆ ਜਿਥੇ ਜਗਰੂਪ ਦੀ ਮੌਤ ਹੋ ਗਈ।
ਘਟਨਾ ਦੀ ਜਾਣਕਾਰੀ ਮਿਲਣ ‘ਤੇ ‘ਆਪ’ ਆਗੂ ਹਰਵਿੰਦਰ ਸਿੰਘ ਫੂਲਕਾ ਅਤੇ ਰਮੇਸ਼ ਗ੍ਰੋਵਰ ਘਟਨਾ ਵਾਲੀ ਥਾਂ ‘ਤੇ ਗਏ ਅਤੇ ਘਟਨਾ ਦੀ ਨਿੰਦਾ ਕੀਤੀ।
ਆਮ ਆਦਮੀ ਪਾਰਟੀ ਦੇ ਸੀਨੀਅਰ ਆਗੂ ਐਡਵੋਕੇਟ ਹਰਵਿੰਦਰ ਸਿੰਘ ਫੂਲਕਾ ਨੇ ਦੱਸਿਆ ਕਿ ਉਹ ਸਿਟੀ ਸਾਊਥ ਮੋਗਾ ਪੁਲਿਸ ਥਾਣੇ ਗਏ ਸੀ ਐਫ.ਆਈ.ਆਰ. ਦਰਜ ਕਰਵਾਉਣ। ਉਨ੍ਹਾਂ ਦੋਸ਼ ਲਾਇਆ ਕਿ ਪੁਲਿਸ ਸਹਿਯੋਗ ਨਹੀਂ ਕਰ ਰਹੀ।
