ਇਸਲਾਮਾਬਾਦ, ਪਾਕਿਸਤਾਨ (11 ਸਤੰਬਰ 2014 ): ਪਾਕਿਸਤਾਨ ਦੇ ਪੇਸ਼ਾਵਰ ਸੂਬੇ ਵਿੱਚ 6 ਸਤੰਬਰ ਨੂੰ ਦੋ ਅਣਪਛਾਤੇ ਹਮਲਾਵਰਾਂ ਵੱਲੋਂ ਗੋਲੀਆਂ ਮਾਰ ਕੇ ਕਤਲ ਕੀਤੇ 28 ਸਾਲਾ ਸਿੱਖ ਨੌਜਵਾਨ ਦੇ ਸ਼ੱਕੀ ਕਾਤਲਾਂ ਦੇ ਸੱਕੈਚ ਅੱਜ ਪੁਲਿਸ ਨੇ ਜਾਰੀ ਕੀਤੇ ਹਨ।
ਮ੍ਰਿਤਕ ਹਰਜੀਤ ਸਿੰਘ ਇਥੇ ਕਰਿਆਨੇ ਦੀ ਦੁਕਾਨ ਚਲਾਉਂਦਾ ਸੀ । ਮੋਟਰ ਸਾਈਕਲ ਸਵਾਰ ਹਮਲਾਵਰ ਸੰਘਣੇ ਨੋਦੀਆ ਬਾਜ਼ਾਰ ਸਥਿਤ ਉਸ ਦੀ ਦੁਕਾਨ ‘ਤੇ ਆਏ ਤੇ ਦੁਕਾਨ ਦੇ ਬਾਹਰ ਖੜੇ੍ਹ ਹਰਜੀਤ ਸਿੰਘ ਨੂੰ ਗੋਲੀਆਂ ਮਾਰ ਕੇ ਦੌੜ ਗਏ । ਉਸ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ ।
ਗੁਲਬਰਗ ਪੁਲਿਸ ਥਾਣੇ ਦੇ ਥਾਣੇਦਾਰ ਰਿਆਜ਼ ਅਲੀ ਸ਼ਾਹ ਨੇ ਦਸਿਆ ਕਿ ਮਿ੍ਤਕ ਦਬਗਰੀ ਦਾ ਰਹਿਣ ਵਾਲਾ ਸੀ । ਇਥੇ ਵਰਣਨਯੋਗ ਹੈ ਕਿ ਲੰਘੇ ਵੀਰਵਾਰ ਉੱਤਰ ਪੱਛਮੀ ਖੈਬਰ-ਪਖਤੂਨਖਵਾ ਰਾਜ ਵਿਚ ਵੀ ਅਣਪਛਾਤੇ ਹਮਲਾਵਰਾਂ ਨੇ ਇਕ ਸਿੱਖ ਦੀ ਛੁਰੀ ਮਾਰ ਕੇ ਹੱਤਿਆ ਕਰ ਦਿੱਤੀ ਸੀ।
