ਪਟਿਆਲਾ: ਯੂਨੀਵਰਸਿਟੀ ਗਰਾਂਟ ਕਮਿਸ਼ਨ ਨੇ ਯੂਨੀਵਰਸਿਟੀਆਂ ਵਿੱਚ ਖੋਜ ਆਧਾਰਿਤ ਪ੍ਰੋਗਰਾਮ ਦੇਣੇ ਬੰਦ ਕਰ ਦਿੱਤੇ ਹਨ। ਇਸ ਤਹਿਤ ਪੰਜਾਬੀ ਯੂਨੀਵਰਸਿਟੀ ਵਿਚ ਪੁੱਜਣ ਵਾਲੇ 140 ਸੰਸਥਾਵਾਂ ਦੇ 908 ਈ.ਈ. ਜਰਨਲ ਬੰਦ ਹੋ ਜਾਣਗੇ।
ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਦੀ ਲਾਇਬ੍ਰੇਰੀ ਦੇ ਮੁੱਖੀ ਡਾ. ਜਗਤਾਰ ਸਿੰਘ ਨੇ ਦੱਸਿਆ ਕਿ ਇਨਫਲੀਬੀਨੈੱਟ ਵੱਲੋਂ ਸਾਡੇ ਕੋਲ ਪੱਤਰ ਆਇਆ ਹੈ।ਉਨ੍ਹਾਂ ਪੰਜਾਬੀ ਯੂਨੀਵਰਸਿਟੀ ਦੇ ਸਾਰੇ ਵਿਭਾਗਾਂ ਦੇ ਮੁਖੀਆਂ ਨੂੰ ਪੁੱਛਿਆ ਹੈ ਕਿ ਈਈ ਜਨਰਲਾਂ ਦੀ ਉਨ੍ਹਾਂ ਦੇ ਵਿਭਾਗਾਂ ਨੂੰ ਕਿੰਨੀ ਕੁ ਲੋੜ ਹੈ? ਜਿਸ ਤਹਿਤ ਕਈ ਮੁਖੀਆਂ ਵੱਲੋਂ ਇਹ ਜਨਰਲ ਜਾਰੀ ਰੱਖਣ ਲਈ ਕਿਹਾ ਹੈ ਪਰ ਕੁਝ ਇਕ ਨੇ ਰੀਵੀਓ ਕਰਨ ਲਈ ਕਹਿ ਦਿੱਤਾ ਹੈ।
ਮਿਲੀ ਜਾਣਕਾਰੀ ਅਨੁਸਾਰ ਯ.ੂਜੀ.ਸੀ. ਅਧੀਨ ਚਲ ਰਹੇ ਇਨਫਲੀਬੀਨੈੱਟ ਸੈਂਟਰ ਅਹਿਮਦਾਬਾਦ ਵੱਲੋਂ ਵੱਖ ਵੱਖ ਵਿਿਸ਼ਆਂ ਦੇ ਜਨਰਲ ਤਿਆਰ ਕਰਨ ਵਾਲੇ ਪਬਲਿਸ਼ਰਾਂ ਨਾਲ ਸੰਪਰਕ ਕਰਕੇ ਸਾਰੇ ਜਨਰਲਾਂ ਦਾ ਮੁੱਲ ਉਤਾਰ ਕੇ ਉਹ ਜਨਰਲ ਭਾਰਤ ਦੀਆਂ ਯੂਨੀਵਰਸਿਟੀਆਂ ਨੂੰ ਭੇਜੇ ਜਾਂਦੇ ਸਨ, ਜਿਨ੍ਹਾਂ ਦਾ ਅਕਸੈਸ ਹਰੇਕ ਯੂਨੀਵਰਸਿਟੀ ਦੀ ਲਾਇਬ੍ਰੇਰੀ ਕੋਲ ਹੀ ਕੋਡ ਰਾਹੀਂ ਉਪਲਬਧ ਹੁੰਦੀ ਹੈ, ਇਸ ਦੀ ਸਾਰੀ ਪੇਮੈਂਟ ਯੂਜੀਸੀ ਵੱਲੋਂ ਗਰਾਂਟ ਦੇ ਰੂਪ ਵਿਚ ਦਿੱਤੀ ਜਾਂਦੀ ਸੀ।
ਉਨ੍ਹਾਂ ਕਿਹਾ ਕਿ ਲਾਇਬ੍ਰੇਰੀ ਨਾਲ ਸਬੰਧਿਤ ਮੀਟਿੰਗ ਅਗਲੇ ਮਹੀਨੇ ਹੋਵੇਗੀ ਜਿਸ ਵਿਚ ਤਹਿ ਹੋਵੇਗਾ ਕਿ ਜਰਨਲ ਬੰਦ ਕਰਨੇ ਹਨ ਜਾਂ ਨਹੀਂ, ਜੇਕਰ ਜਾਰੀ ਰੱਖਣੇ ਹਨ ਤਾਂ ਸਾਨੂੰ 35 ਲੱਖ ਰੁਪਏ ਤੁਰੰਤ ਭਰਨੇ ਪੈਣਗੇ।
ਇਸ ਸਬੰਧੀ ਡੀਨ ਰਿਸਰਚ ਡਾ. ਜਸਪਾਲ ਕੌਰ ਧੰਜੂ ਨੇ ਕਿਹਾ ਹੈ ਕਿ ਜੇਕਰ ਰਿਸਰਚ ਜਰਨਲ ਦੀ ਅਕਸੈਸ ਬੰਦ ਹੋ ਜਾਂਦੀ ਹੈ ਤਾਂ ਰਿਸਰਚ ਨੂੰ ਕਾਫੀ ਨੁਕਸਾਨ ਹੋਵੇਗਾ, ਇਸ ਲਈ ਉਹ ਵਾਈਸ ਚਾਂਸਲਰ ਨਾਲ ਸਲਾਹ ਕਰਕੇ ਕਦਮ ਉਠਾਉਣਗੇ।
