ਲੰਡਨ (23 ਫਰਵਰੀ, 2016): ਭਾਰਤੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੱਲੋਂ ਆਪਣੀ ਪਿਛਲੀ ਬਰਤਾਨੀਆ ਫੇਰੀ ਸਮੇਂ ਬਰਤਾਨੀਆ ਦੇ ਨਾਗਰਕਿ ਕੁਝ ਸਿੱਖਾਂ, ਸੰਸਥਾਵਾਂ ਅਤੇ ਟੀਵੀ ਚੈਨਲਾਂ ਖਿਲਾਫ ਕਰਵਾਈ ਕਰਨ ਲਈ ਦਿੱਤੇ ਕਾਗਜ਼ਾਤ ਬਾਰੇ ਬਾਰਤਨਵੀ ਸਰਕਾਰ ਵੱਲੋਂ ਦਿੱਤੇ ਸਪੱਸ਼ਟੀਕਰਨ ਤੋਂ ਸਿੱਖਾਂ ਵਿੱਚ ਨਰਾਜ਼ਗੀ ਜ਼ਾਹਿਰ ਕੀਤੀ ਜਾ ਰਹੀ ਹੈ।
ਬਰਤਾਨਵੀ ਸਰਕਾਰ ਵਲੋਂ ਦਿੱਤੇ ਸਪੱਸ਼ਟੀਕਰਨ ਸਬੰਧੀ ਬਰਤਾਨਵੀ ਸਿੱਖਾਂ ਵਿਚ ਦੋਵੇਂ ਦੇਸ਼ਾਂ ਦੀਆਂ ਸਰਕਾਰਾਂ ਵਿਰੁੱਧ ਭਾਰੀ ਰੋਸ ਪਾਇਆ ਜਾ ਰਿਹਾ ਹੈ । ਦਲ ਖ਼ਾਲਸਾ ਦੇ ਫਾਊਾਡਰ ਮਨਮੋਹਨ ਸਿੰਘ ਖ਼ਾਲਸਾ ਨੇ ਕਿਹਾ ਹੈ ਕਿ ਜੇ ਭਾਰਤ ਵਲੋਂ ਡੋਜ਼ੀਅਰ ਨਹੀਂ ਦਿੱਤਾ ਗਿਆ ਸੀ ਤਾਂ ਅਜਿਹੀਆਂ ਖ਼ਬਰਾਂ ਨਸ਼ਰ ਕਰਨ ਵਾਲੇ ਮੀਡੀਆ ਨੂੰ ਕਿਉਂ ਨਹੀਂ ਰੋਕਿਆ ਗਿਆ ।
ਇਹ ਖ਼ਬਰਾਂ ਸਿਰਫ ਭਾਰਤ ‘ਚ ਹੀ ਨਹੀਂ ਬਲਕਿ ਯੂ.ਕੇ. ਵਿਚ ਪ੍ਰਸਾਰਿਤ ਹੋਣ ਵਾਲੇ ਭਾਰਤੀ ਮੂਲ ਦੇ ਟੀ.ਵੀ. ਚੈਨਲਾਂ ‘ਤੇ ਵਾਰ-ਵਾਰ ਨਸ਼ਰ ਕੀਤੀਆਂ ਗਈਆਂ, ਜਦ ਕਿ ਇਨ੍ਹਾਂ ਚੈਨਲਾਂ ਵਲੋਂ ਸਿੱਖਾਂ ਦੀਆਂ ਪ੍ਰਾਪਤੀਆਂ ਬਾਰੇ ਹਰ ਖ਼ਬਰ ਨੂੰ ਨਜ਼ਰ ਅੰਦਾਜ਼ ਕੀਤਾ ਜਾਂਦਾ ਹੈ ।
ਸਿੱਖ ਫੈੱਡਰੇਸ਼ਨ ਯੂ.ਕੇ. ਇਸ ਸਬੰਧੀ ਸ਼ੈਡੋ ਮੰਤਰੀ ਐਾਡੀ ਬਰਨੈਹਮ ਨਾਲ ਵੀ ਮੁਲਾਕਾਤ ਕਰ ਰਹੀ ਹੈ । ਸਿੱਖ ਫੈੱਡਰੇਸ਼ਨ ਯੂ.ਕੇ. ਦੇ ਭਾਈ ਅਮਰੀਕ ਸਿੰਘ ਨੇ ਕਿਹਾ ਹੈ ਕਿ ਉਹ ਇਸ ਪੱਤਰ ਤੋਂ ਸੰਤੁਸ਼ਟ ਨਹੀਂ ਤੇ ਇਸ ਦੀ ਹੋਰ ਜਾਂਚ ਕਰਨ ਦੀ ਲੋੜ ਹੈ ।
