ਕੈਲੀਫੋਰਨੀਆ: ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਅਤੇ ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੂੰ ਪੰਜਾਬ ਦੇ ਕੈਪਟਨ ਵਜੋਂ ਅਮਰੀਕੀਨ ਅਤੇ ਕੈਨੇਡੀਆਨ ਸਿੱਖਾਂ ਨੇ ਨਾਕਾਰ ਦਿੱਤਾ ਹੈ। ਮਨੁੱਖੀ ਅਧਿਕਾਰ ਸੰਸਥਾ ਸਿਖਸ ਫਾਰ ਜਸਟਿਸ ਨੇ ਅਮਰੀਕਾ ਤੇ ਕੈਨੇਡਾ ਸਥਿਤ ਭਾਈਚਾਰੇ ਨੂੰ ਪੁੱਛਦਿਆਂ ਸੋਸ਼ਲ ਮੀਡੀਆ ‘ਤੇ ਪੋਲ ਕਰਵਾਈ ਸੀ ਕਿ ਕੀ ਉਹ ਅਮਰਿੰਦਰ ਸਿੰਘ ਨੂੰ ‘ਪੰਜਾਬ ਦਾ ਕੈਪਟਨ’ ਮੰਨਦੇ ਹਨ ਜਾਂ ‘ਪੰਜਾਬ ਦਾ ਗ਼ਦਾਰ’ ।
ਐਸ. ਐਫ. ਜੇ. ਦੀ ਉਪੀਨੀਅਨ ਪੋਲ ਉਕਤ ਕਾਂਗਰਸੀ ਆਗੂ ਵਲੋਂ ਹਾਲ ਵਿਚ ਜਾਰੀ ਕੀਤੇ ਗਏ 3 ਬਿਆਨਾਂ ‘ਤੇ ਆਧਾਰਿਤ ਸੀ। ਉਕਤ ਬਿਆਨ ਜੂਨ 1984 ਵਿਚ ਸ੍ਰੀ ਹਰਿਮੰਦਰ ਸਾਹਿਬ ‘ਤੇ ਫੌਜੀ ਹਮਲਾ, ਨਵੰਬਰ 1984 ਦੀ ਸਿੱਖ ਨਸਲਕੁਸ਼ੀ ਅਤੇ ਭਾਰਤੀ ਸੰਵਿਧਾਨ ਵਿਚ ਸਿੱਖਾਂ ਦੇ ਰੁਤਬੇ ਨਾਲ ਸੰਬੰਧਿਤ ਸੀ । ਸਿੱਖ ਭਾਈਚਾਰੇ ਦੇ 96 ਫੀਸਦੀ ਮੈਂਬਰਾਂ ਨੇ ਅਮਰਿੰਦਰ ਸਿੰਘ ਦੇ ਖਿਲਾਫ ਵੋਟ ਪਾਈ ।
ਅਮਰੀਕਾ ਅਤੇ ਕੈਨੇਡਾ ਵਿਚ ਕੈਪਟਨ ਅਮਰਿੰਦਰ ਸਿੰਘ ਦਾ ਕਾਨੂੰਨੀ ਤਰੀਕੇ ਨਾਲ ਟਾਕਰਾ ਕਰਨ ਤੋਂ ਇਲਾਵਾ ਮਨੁੱਖੀ ਅਧਿਕਾਰ ਸੰਸਥਾ ਸਿਖਸ ਫਾਰ ਜਸਟਿਸ ਨੇ ਐਲਾਨ ਕੀਤਾ ਕਿ ਸ਼ਿਕਾਗੋ, ਟੋਰਾਂਟੋ, ਵੈਨਕੂਵਰ, ਲਾਸ ਏਾਜਲਸ ਅਤੇ ਨਿਊਯਾਰਕ ਵਿਚ ਕਾਂਗਰਸੀ ਕਾਨਫਰੰਸਾਂ ਵਾਲੀਆਂ ਥਾਵਾਂ ਦੇ ਬਾਹਰ ‘1984 ਨਸਲਕੁਸ਼ੀ ਯਾਦਗਾਰ ਸਮਾਰੋਹ’ ਕਰਵਾਏ ਜਾਣਗੇ ।
ਐਸ. ਐਫ. ਜੇ. ਦੇ ਕਾਨੂੰਨੀ ਸਲਾਹਕਾਰ ਅਟਾਰਨੀ ਗੁਰਪਤਵੰਤ ਸਿੰਘ ਪੰਨੂ ਨੇ ਕਿਹਾ ਕਿ ਸਿੱਖ ਵੱਖਵਾਦੀਆਂ ਵਿਚ ਕਾਂਗਰਸ ਪਾਰਟੀ ਪ੍ਰਤੀ ਬੇਹੱਦ ਗੁੱਸਾ ਹੈ, ਕਿਉਂਕਿ ਉਹ ਸ੍ਰੀ ਹਰਿਮੰਦਰ ਸਾਹਿਬ ‘ਤੇ ਹਮਲੇ ਅਤੇ 1984 ਸਿੱਖ ਨਸਲਕੁਸ਼ੀ ਲਈ ਜ਼ਿੰਮੇਵਾਰ ਹਨ ।
ਅਮਰਿੰਦਰ ਨੂੰ ਅਮਰੀਕਾ ਅਤੇ ਕੈਨੇਡਾ ਵਿਚ ਸਿੱਖ ਭਾਈਚਾਰੇ ਦੇ ਭਾਰੀ ਗੁੱਸੇ ਦਾ ਸਾਹਮਣਾ ਕਰਨਾ ਪਵੇਗਾ, ਕਿਉਂਕਿ ਉਹ ਕਾਂਗਰਸ ਦੀ ਪ੍ਰਤੀਨਿਧਤਾ ਕਰਦੇ ਹਨ ਤੇ ਟਾਈਟਲਰ ਨੂੰ ਬਚਾਅ ਰਹੇ ਹਨ, ਜੋ ਕਿ ਨਵੰਬਰ 1984 ਵਿਚ ਕਾਤਲ ਦੱਸਦਿਆਂ ਦੀ ਅਗਵਾਈ ਕਰਨ ਲਈ ਜ਼ਿੰਮੇਵਾਰ ਹੈ ।
ਭਾਰਤ ਵਿਚ ਕੈਨੇਡਾਈ ਨਾਗਰਿਕਾਂ ਦੇ ਤਸ਼ੱਦਦ ਅਤੇ ਫਰਜ਼ੀ ਹਤਿਆਵਾਂ ਵਿਚ ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਦੀ ਸ਼ਮੂਲੀਅਤ ਲਈ ਉਸ ਖਿਲਾਫ ਗਿ੍ਫਤਾਰੀ ਵਾਰੰਟ ਜਾਰੀ ਕਰਵਾਉਣ ਲਈ ਸਿੱਖ ਸੰਸਥਾ ਨਿੱਜੀ ਤੌਰ ‘ਤੇ ਅਪਰਾਧਿਕ ਮੁਕੱਦਮਾ ਵੀ ਚਲਾਏਗੀ ।
