ਨਵੀਂ ਦਿੱਲੀ (3 ਜੁਲਾਈ 2014): ਭਾਰਤ ਦੀ ਸਾਬਕਾ ਪ੍ਰਧਾਨ ਮੰਤਰੀ ਇੰਦਰਾਂ ਗਾਂਧੀ ਦੇ ਕਤਲ ਤੋਂ ਬਾਅਦ ਦਿੱਲੀ ਵਿਚ ਵਾਪਰੇ ਸਿੱਖ ਕਤਲੇਆਮ ਦੇ ਕੇਸ ਵਿੱਚ ਇਕ ਮੁੱਖ ਦੋਸ਼ੀ ਗਿਰਧਾਰੀ ਲਾਲ ਦੀ ਜਮਾਨਤ ਲਈ ਸੁਣਵਾਈ ਨੂੰ ਹਾਈ ਕੋਰਟ ਵਲੋਂ ਬੀਤੇ ਦਿਨ ਸਵੀਕਾਰ ਕਰ ਲਿਆ ਹੈ ਜਿਸ ਦੀ ਅਗਲੀ ਸੁਣਵਾਈ 7 ਜੁਲਾਈ ਨੂੰ ਹੋਣੀ ਹੈ ।
ਇਸ ਬਾਰੇ ਜਾਣਕਾਰੀ ਦੇਦੇਂ ਹੋਏ ਅਪਣੇ ਨਿਜੀ ਵਿਦੇਸ਼ ਦੌਰੇ ਤੋ ਪਰਤੇ ਬੀਬੀ ਨਿਰਪ੍ਰੀਤ ਕੌਰ ਨੇ ਦਸਿਆ ਕਿ ਇਸੇ ਮਾਮਲੇ ਵਿਚ ਸਰਕਾਰ ਵਲੋਂ ਸਜੱਣ ਕੁਮਾਰ ਨੂੰ ਬਰੀ ਕੀਤਾ ਗਿਆ ਸੀ ਜਿਸ ਦੇ ਅਧਾਰ ਤੇ ਹੁਣ ਅਦਾਲਤ ਵਲੋਂ ਇਸ ਦੀ ਸੁਣਵਾਈ ਕਰਦਿਆ ਇਸ ਨੂੰ ਵੀ ਪੈਰੋਲ ਜਾਂ ਬਰੀ ਕਰ ਦੇਣਾਂ ਹੈ ।
ਬੀਬੀ ਨਿਰਪ੍ਰੀਤ ਕੌਰ ਨੇ ਦਸਿਆਂ ਕਿ ਅਸੀ ਵੀ ਇਸੇ ਮਾਮਲੇ ਵਿਚ ਸੱਜਣ ਕੁਮਾਰ ਨੂੰ ਬਰੀ ਕਰ ਦੇਣ ਦੇ ਖਿਲਾਫ ਪਟੀਸ਼ਨ ਦਾਖਿਲ ਕੀਤੀ ਹੋਈ ਹੈ ਜਿਸ ਦੀ ਸੁਣਵਾਈ ਕਰਨ ਵਿਚ ਅਦਾਲਤਾਂ ਅਜ ਤਕ ਆਨਾਕਾਨੀ ਕਰਦੀਆਂ ਆ ਰਹਿਆਂ ਹਨ ।
ਸਮੇਂ ਦੀ ਸਰਕਾਰ ਨੇ ਅਪਣਾਂ ਵਾਅਦਾ ਪੁਰਾ ਕਰਦੇ ਹੋਏ ਸਿੱਖ ਕਤਲੇਆਮ ਦੇ ਮੁੱਖ ਦੋਸ਼ੀ ਸਜੱਣ ਕੁਮਾਰ ਨੂੰ ਬਚਾਇਆ ਸੀ ਤੇ ਹੁਣ ਵੀ ਉਹ ਅਪਣੇ ਇਸ ਆਗੂ ਦੇ ਨਾਲ ਖੜੀ ਹੋ ਕੇ ਹਰ ਤਰ੍ਹਾਂ ਉਸ ਦੀ ਪੀਠ ਥਾਪੜ ਰਹੀ ਹੈ ।
ਉਨ੍ਹਾ ਕਿਹਾ ਕਿ ਹੁਣ ਸਰਕਾਰ ਬਦਲਣ ਤੇ ਵੀ ਸਿੱਖਾਂ ਨੂੰ ਨਿਆਂ ਦੀ ਕੋਈ ਉਮੀਦ ਨਜਰ ਨਹੀ ਆ ਰਹੀ ਹੈ । ਜਿਸ ਤਰ੍ਹਾਂ ਅਦਾਲਤਾਂ ਦੋਸ਼ੀਆਂ ਦੀਆਂ ਅਪੀਲਾਂ ਤੇ ਸੁਣਵਾਈ ਕਰਨ ਨੂੰ ਸਹਿਮਤ ਹੋ ਰਹੀਆਂ ਹਨ ਉਸ ਨਾਲ ਇਸ ਨਾਲ ਇਹ ਸਾਫ ਜਾਹਿਰ ਹੋ ਰਿਹਾ ਹੈ ਕਿ ਸਰਕਾਰ ਦੋਸ਼ੀਆਂ ਦੀ ਵਕਾਲਤਾਂ ਕਰਕੇ ਸਿੱਖ ਕੌਮ ਨੂੰ ਨਿਆਂ ਹੀ ਦੇਣਾਂ ਚਾਹੁੰਦੀਆਂ ਹਨ ।
ਧਿਆਨ ਦੇਣ ਯੋਗ ਹੈ ਕਿ ਗਿਰਧਾਰੀ ਲਾਲ, ਕੈਪਟਨ ਭਾਗਮਲ, ਤੇ ਮਹਿੰਦਰ ਯਾਦਵ ਤੇ ਦਿੱਲੀ ਛਾਉਨੀ ਦੇ ਰਾਜਨਗਰ ਇਲਾਕੇ ਵਿਚ ਰਹਿੰਦੇ ਕੇਹਰ ਸਿੰਘ, ਗੁਰਪ੍ਰੀਤ ਸਿੰਘ,ਕੁਲਦੀਪ ਸਿੰਘ, ਨਰਿੰਦਰ ਸਿੰਘ ਅਤੇ ਰਘਵਿੰਦਰ ਸਿੰਘ ਦੀ ਹਤਿਆ ਕਰਨ ਨਾਲ ਸਬੰਧਿਤ ਮਾਮਲਾ ਚਲ ਰਿਹਾ ਹੈ ਜਿਸ ਵਿਚ ਇਨ੍ਹਾਂ ਸਾਰੇਆਂ ਨੂੰ ਉਮਰ ਕੈਦ ਦੀ ਸਜਾ ਹੋਈ ਸੀ ਤੇ ਸਜੱਣ ਕੁਮਾਰ ਨੂੰ ਬਰੀ ਕੀਤਾ ਗਿਆ ਸੀ ।
