February 8, 2017

ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਦੇ ਪ੍ਰਧਾਨ ਸਿਮਰਨਜੀਤ ਸਿੰਘ ਮਾਨ ਨੇ ਕਿਹਾ ਕਿ ਉਨ੍ਹਾਂ ਦੀ ਪਾਰਟੀ ਵਲੋਂ ਘੱਟਗਿਣਤੀਆਂ ਤੇ ਦਲਿਤ ਦਲ ਨਾਲ ਕੀਤਾ ਚੋਣ ਗੱਠਜੋੜ ਰਾਜਸੀ ਤੌਰ 'ਤੇ ਕਾਫੀ ਫਾਇਦੇਮੰਦ ਰਿਹਾ। ਹਲਕਾ ਮਹਿਲ ਕਲਾਂ ਤੋਂ ਪਾਰਟੀ ਨੇ ਆਜ਼ਾਦ ਉਮੀਦਵਾਰ ਵਜੋਂ ਸਿਆਸੀ ਪਿੜ 'ਚ ਨਿੱਤਰੇ ਕੌਮੀ ਘੱਟਗਿਣਤੀਆਂ ਤੇ ਦਲਿਤ ਦਲ ਦੇ ਪ੍ਰਧਾਨ ਸਾਬਕਾ ਕੈਬਨਿਟ ਮੰਤਰੀ ਗੋਬਿੰਦ ਸਿੰਘ ਕਾਂਝਲਾ ਨੂੰ ਹਮਾਇਤ ਦਿੱਤੀ ਸੀ। ਇੰਜ ਹੀ ਕਾਂਝਲਾ ਦੇ ਸਮਰਥਕਾਂ ਨੇ ਉਨ੍ਹਾਂ ਨੂੰ ਹਲਕਾ ਧੂਰੀ, ਬਰਨਾਲਾ, ਭਦੌੜ, ਸੰਗਰੂਰ ਸਮੇਤ ਹੋਰ ਸੀਟਾਂ 'ਤੇ ਹਮਾਇਤ ਦਿੱਤੀ। ਇਸ ਦੇ ਯਕੀਨਨ ਹਾਂ ਪੱਖੀ ਰੁਝਾਨ ਵੇਖਣ ਨੂੰ ਮਿਲੇ। ਮਾਨ ਇਕ ਨਿੱਜੀ ਸਮਾਗਮ ਵਿਚ ਸ਼ਾਮਲ ਹੋਣ ਮਗਰੋਂ ਪ੍ਰੈਸ ਨਾਲ ਗੱਲਬਾਤ ਕਰ ਰਹੇ ਸਨ।