December 4, 2016

ਅੰਮ੍ਰਿਤਸਰ ਵਿਖੇ 'ਹਾਰਟ ਆਫ ਏਸ਼ੀਆ' ਦੇ ਬੈਨਰ ਹੇਠ ਹੋ ਰਹੇ ਵਿਦੇਸ਼ ਮੰਤਰੀਆਂ ਦੀ ਦੋ ਰੋਜ਼ਾ ਕਾਨਫਰੰਸ ਭਾਰਤ ਅੰਦਰ ਘੱਟਗਿਣਤੀਆਂ ਅਤੇ ਵਿਸ਼ੇਸ਼ ਕਰਕੇ ਸਿੱਖਾਂ ਦੀ ਕੀਤੀ ਗਈ ਨਸਲਕੁਸ਼ੀ ਨੂੰ ਅੱਤਵਾਦ ਨਾਲ ਸਿੱਝਣ ਦੀ ਆੜ ਹੇਠ ਕੀਤਾ ਗਿਆ ਇੱਕਠ ਹੈ। ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਕਰਦਿਆਂ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਦੇ ਯੂਥ ਵਿੰਗ ਦੇ ਮੁਖ ਪ੍ਰਬੰਧਕੀ ਸਕੱਤਰ ਪਪਲਪ੍ਰੀਤ ਸਿੰਘ ਨੇ ਕਿਹਾ ਹੈ ਕਿ ਸਰਬੱਤ ਦਾ ਭਲਾ ਮੰਗਣ ਵਾਲੀ ਸਿੱਖ ਕੌਮ ਦੇ ਮਨੁੱਖਤਾ ਦੀ ਭਲਾਈ ਅਤੇ ਮਨੁੱਖੀ ਹੱਕਾਂ ਦੀ ਰਾਖੀ ਖਾਤਿਰ ਜੂਝਣ ਵਾਲੇ ਵਡਮੁੱਲੇ ਫਲਸਫੇ ਪ੍ਰਤੀ ਵਿਸ਼ਵ ਭਰ ਦੇ ਦੇਸ਼ ਅਤੇ ਕੌਮਾਂ ਭਲੀਭਾਂਤ ਜਾਣੂ ਹਨ। ਲੇਕਿਨ ‘ਹਿੰਦੀ ਹਿੰਦੂ ਹਿੰਦੁਸਤਾਨ’ ਦੀ ਵਿਚਾਰਧਾਰਾ ਦੇ ਧਾਰਣੀ ਹਿੰਦੁਸਤਾਨ ਵਿੱਚ ਘੱਟਗਿਣਤੀਆਂ ਨੂੰ ਆਪਣੇ ਅਕੀਦੇ ਅਨੁਸਾਰ ਜੀਉਣ ਦਾ ਵੀ ਹੱਕ ਮੁਅੱਸਰ ਨਹੀਂ ਹੈ।