ਨਵੀਂ ਦਿੱਲੀ: ਆਈਪੀਐੱਸ ਅਧਿਕਾਰੀ ਵਾਈ ਸੀ ਮੋਦੀ ਨੂੰ ਕੌਮੀ ਜਾਂਚ ਏਜੰਸੀ (ਐੱਨਆਈਏ) ਦਾ ਨਵਾਂ ਮੁਖੀ ਬਣਾਇਆ ਗਿਆ ਹੈ। ਸਾਲ 2002 ਵਿੱਚ ਗੁਜਰਾਤ ਵਿਚ ਮੁਸਲਮਾਨਾਂ ਦੇ ਕਤਲੇਆਮ ਦੀ ਜਾਂਚ ਲਈ ਸੁਪਰੀਮ ਕੋਰਟ ਵੱਲੋਂ ਬਣਾਈ ਵਿਸ਼ੇਸ਼ ਜਾਂਚ ਟੀਮ ਦੇ ਉਹ ਮੈਂਬਰ ਸੀ। ਮੰਤਰੀ ਮੰਡਲ ਦੀ ਨਿਯੁਕਤੀਆਂ ਸਬੰਧੀ ਕਮੇਟੀ ਨੇ ਨੈਸ਼ਨਲ ਇਨਵੈਸਟੀਗੇਸ਼ਨ ਏਜੰਸੀ (ਐੱਨਆਈਏ) ਦੇ ਡਾਇਰੈਕਟਰ ਜਨਰਲ ਵਜੋਂ ਵਾਈ ਸੀ ਮੋਦੀ ਦੇ ਨਾਂ ਨੂੰ ਪ੍ਰਵਾਨਗੀ ਦੇ ਦਿੱਤੀ ਹੈ।
ਕੈਬਨਟ ਦੇ ਇਕ ਹੋਰ ਫੈਸਲੇ ਰਾਹੀਂ ਰਜਨੀਕਾਂਤ ਮਿਸ਼ਰਾ ਨੂੰ ਸਸ਼ਸਤਰ ਸੀਮਾ ਬਲ (SSB) ਦਾ ਡਾਇਰੈਕਟਰ ਜਨਰਲ ਬਣਾਇਆ ਗਿਆ ਹੈ।
ਵਾਈ.ਸੀ. ਮੋਦੀ ਇਸ ਅਹੁਦੇ ‘ਤੇ 31 ਮਈ 2021 ਤਕ ਰਹੇਗਾ। ਮੋਦੀ ਅਸਾਮ-ਮੇਘਾਲਿਆ ਕੈਡਰ ਦਾ 1984 ਦਾ ਆਈ.ਪੀ.ਐਸ. ਅਫਸਰ ਹੈ। ਮੋਦੀ ਸ਼ਰਦ ਕੁਮਾਰ ਦੀ ਥਾਂ ਲਏਗਾ ਜੋ ਕਿ 30 ਅਕਤੂਬਰ ਨੂੰ ਆਪਣਾ ਕਾਰਜਕਾਲ ਪੂਰਾ ਕਰ ਰਿਹਾ ਹੈ।
