ਰੋਪੜ: ਸਿੱਖ ਸਿਆਸੀ ਕੈਦੀ ਭਾਈ ਜਗਤਾਰ ਸਿੰਘ ਹਵਾਰਾ ਨੂੰ ਅੱਜ ਇੱਥੋਂ ਦੀ ਇੱਕ ਸਥਾਨਿਕ ਅਦਾਲਤ ਨੇ ਟਾਡਾ ਅਤੇ ਅਸਲੇ ਦੇ ਕੇਸ ਵਿੱਚੋਂ ਬਰੀ ਕਰ ਦਿੱਤਾ ਹੈ। ਇਸ ਕੇਸ ਦੀ ਸੁਣਵਾਈ ਸਹਾਇਕ ਜਿਲਾ ਸ਼ੈਸ਼ਨ ਜੱਜ ਸੁਨੀਤਾ ਕੁਮਾਰੀ ਸ਼ਰਮਾ ਵੱਲੋਂ ਵੀਡੀਓੁ ਕਾਨਫਰੰਸ ਦੇ ਜਰੀਏ ਕੀਤੀ ਗਈ।
ਭਾਈ ਹਵਾਰਾ ‘ਤੇ ਰੋਪੜ ਅਦਾਲਤ ਵਿੱਚ ਪੰਜਾਬ ਕੇਸ ਚੱਲ ਰਹੇ ਹਨ ਅਤੇ ਪਿਛਲੇ ਦੋ ਮਹੀਨਿਆ ਦੌਰਾਨ ਉਹ ਦੂਜੇ ਕੇਸ ਵਿੱਚੋਂ ਬਰੀ ਹੋਏ ਹਨ।
ਬੀਤੀ 24 ਫਰਵਰੀ ਨੂੰ ਉਨ੍ਹਾਂ ਨੂੰ ਅਸਲੇ ਦੇ ਇੱਕ ਕੇਸ ਵਿੱਚ ਸਬੂਤਾਂ ਦੀ ਘਾਟ ਕਾਰਣ ਬਰੀ ਕਰ ਦਿੱਤਾ ਸੀ।
ਜਿਸ ਕੇਸ ਵਿੱਚੋਂ ਭਾਈ ਹਵਾਰਾ ਨੂੰ ਕੱਲ ਬਰੀ ਕੀਤਾ ਗਿਆ ਹੈ, ਉਹ 22 ਸਤੰਬਰ 1991 ਨੂੰ ਉਨ੍ਹਾਂ ਖਿਲਾਫ ਦਰਜ਼ ਕੀਤਾ ਗਿਆ ਸੀ।
ਇਸ ਖਬਰ ਨੂੰ ਅੰਗਰੇਜ਼ੀ ਵਿੱਚ ਪੜ੍ਹਨ ਲਈ ਵੇਖੋ:
Bhai Jagtar Singh Hawara acquitted in 25 years old TADA case by Ropar court
ਸਰਕਾਰੀ ਧਿਰ ਦਾ ਦੋਸ਼ ਸੀ ਕਿ 2 ਸਤੰਬਰ 1991 ਨੂੰ ਹਵਾਰਾ ਫਿੰਡ ਨੇੜੇ ਹੋਏ ਪੁਲਿਸ ਮੁਕਾਬਲੇ ਵਿੱਚ ਉਹ ਸ਼ਾਮਲ ਸਨ।ਇਸ ਘਟਨਾ ਵਿੱਚ ਤਿੰਨ ਪੁਲਿਸ ਵਾਲੇ ਜ਼ਖਮੀ ਹੋ ਗਏ ਸਨ। ਸ਼ੁਰੂ ਵਿੱਚ ਇਹ ਕੇਸ ਅਣਪਛਾਤੇ ਬੰਦਿਆਂ ਦੇ ਨਾਂ ‘ਤੇ ਦਰਜ਼ ਕੀਤਾ ਗਿਆ ਸੀ ਅਤੇ ਇਸ ਵਿੱਚ ਭਾਈ ਹਵਾਰਾ ਦਾ ਨਾਂ ਬਾਅਦ ਵਿੱਚ ਜੋੜਿਆ ਗਿਆ ਸੀ।
