ਅੰਮ੍ਰਿਤਸਰ( 23 ਮਾਰਚ, 2016): ਸਿੱਖ ਜੱਥੇਬੰਦੀ ਦਲ ਖਾਲਸਾ ਨੇ ਬੈਲਜ਼ੀਅਮ ਵਿੱਚ ਹੋਏ ਬੰਬ ਧਮਾਕਿਆਂ ਦੀ ਸਖਤ ਨਿਖੇਧੀ ਕਰਦਿਆਂ ਪੰਜਾਬ ਵੱਸਦੇ ਸਿੱਖਾਂ ਦੀ ਬਿਨ੍ਹਾ ‘ਤੇ ਧਮਾਕਿਆਂ ਦਾ ਸ਼ਿਕਾਰ ਹੋਏ ਲੋਕਾਂ ਅਤੇ ਬੈਲਜ਼ੀਅਮ ਸਰਕਾਰ ਨਾਲ ਇੱਕਜੁਟਤਾ ਦਾ ਪ੍ਰਗਟਾਵਾ ਕੀਤਾ ਹੈ।
ਬੈਲਜ਼ੀਅਮ ਦੇ ਦਿੱਲੀ ਸਥਿਤ ਦੂਤਾਘਰ ਨੂੰ ਭੇਜੀ ਈਮੇਲ ਵਿੱਚ ਇਸ ਅਤਿ ਘਿਨੌਣੇ ਅਤਿਵਾਦੀ ਹਮਲੇ ਦੀ ਦਲ਼ ਖਾਲਸਾ ਨੇ ਨਿੰਦਾ ਕੀਤੀ, ਜਿਸ ਵਿੱਚ ਨਿਰਦੋਸ਼ ਲੋਕਾਂ ਦੀਆਂ ਜਾਨਾਂ ਚਲੀਆਂ ਗਈਆਂ ਹਨ।
ਪਾਰਟੀ ਦੇ ਬੁਲਾਰੇ ਭਾਈ ਕੰਵਰਪਾਲ ਸਿੰਘ ਨੇ ਦੂਤਾਘਰ ਨੂੰ ਭੇਜੇ ਈਮੇਲ ਸੁਨੇਹੇ ਵਿੱਚ ਕਿਹਾ ਕਿ ਬਰੱਸਲ ਹਵਾਈ ਅੱਡੇ ਅਤੇ ਸ਼ਹਿਰ ਦੇ ਮੈਟਰੋ ਸਟੇਸ਼ਨ ‘ਤੇ ਬੰਬ ਧਮਾਕਿਆਂ ਵਿੱਚ ਨਿਰਦੋਸ਼ ਲੋਕਾਂ ਨੂੰ ਮਾਰਨ ਦੇ ਜ਼ਿਮੇਵਾਰ ਮਨੁੱਖਤਾ ਦੇ ਦੁਸ਼ਮਣਾਂ ਨੂੰ ਸਖਤ ਤੋਂ ਸਖਤ ਸਜ਼ਾ ਦਿੱਤੀ ਜਾਣੀ ਚਾਹੀਦੀ ਹੈ।
