ਲੁਧਿਆਣਾ (8 ਫਰਵਰੀ, 2015): ਪਿਛਲੇ ਲੰਮੇ ਸਮੇਂ ਤੋ ਭਾਰਤ ਦੀਆਂ ਵੱਖ ਵੱਖ ਜੇਲਾਂ ਵਿੱਚ ਬੰਦ ਕਾਨੂੰਨ ਵਲੋਂ ਦਿਤੀਆ ਆਪਣੀਆ ਸਜ਼ਾਵਾ ਪੂਰੀਆ ਕਰ ਚੁੱਕੇ ਬੰਦੀ ਸਿੰਘਾ ਦੀ ਰਿਹਾਈ ਲਈ 24 ਦਿਨਾਂ ਤੋਂ ਭੁੱਖ ਹੜਤਾਲ ਤੇ ਬੈਠੇ ਜੱਥੇਦਾਰ ਸੂਰਤ ਸਿੰਘ ਖਾਲਸਾ ਭੁੱਖ ਹੜਤਾਲ ਤੇ ਬੈਠੇ ਬਾਬਾ ਸੂਰਤ ਸਿੰਘ ਖਾਲਸਾ ਨੂੰ ਜਬਰੀ ਚੁੱਕ ਲਿਆ ਅਤੇ ਸਿਵਲ ਹਸਪਤਾਲ ਲੁਧਿਆਂਣਾ ਚ ਜਬਰੀ ਦਾਖਲ ਕਰਵਾ ਦਿੱਤਾ ਜਿੱਥੇ ਪ੍ਰਸਾਸਨ ਨੇ ਬਾਬਾ ਸੂਰਤ ਸਿੰਘ ਖਾਲਸਾ ਦਾ ਮੈਡੀਕਲ ਚੈਕ ਅੱਪ ਕਰਨਾ ਚਾਹਿਆ ਪਰ ਬਾਬਾ ਸੂਰਤ ਸਿੰਘ ਖਾਲਸਾ ਨੇ ਹਸਪਤਾਲ ਪ੍ਰਸਾਸਨ ਨੂੰ ਕੁਝ ਵੀ ਕਰਨ ਦੀ ਆਗਿਆ ਨਹੀ ਦਿੱਤੀ।
ਅੱਜ ਤਕਰੀਬਨ ਸਵੇਰੇ 7 ਵਜੇ ਡੀ ਸੀ ਲੁਧਿਆਣਾ ਰਜਤ ਅਗਰਵਾਲ ਅਤੇ ਐਸ ਐਸ ਪੀ ਜਗਰਾਓ ਰਵਚਰਨ ਸਿੰਘ ਬਰਾੜ ਖਾਸ ਤੌਰ ਤੇ ਭੁੱਖ ਹੜਤਾਲ ਤੇ ਬੈਠੇ ਬਾਬਾ ਸੂਰਤ ਸਿੰਘ ਖਾਲਸਾ ਨੂੰ ਮਿਲਣ ਲਈ ਆਏ ਅਤੇ ਉਹਨਾਂ ਨੇ ਖਾਲਸਾ ਜੀ ਨੂੰ ਪੰਜਾਬ ਸਰਕਾਰ ਵੱਲੋ ਕੀਤੀ ਜਾ ਰਹੀ ਕਾਨੂੰਨੀ ਪ੍ਰਕਿਰਿਆ ਦਾ ਹਵਾਲਾ ਦਿੱਤਾ ਅਤੇ ਮੈਡੀਕਲ ਸਹੂਲਤ ਲੈ ਕੇ ਸੰਘਰਸ ਨੂੰ ਸਮਾਪਤ ਕਰਨ ਦੀ ਅਪੀਲ ਕੀਤੀ ਜਿਸਨੂੰ ਬਾਬਾ ਸੂਰਤ ਸਿੰਘ ਨੇ ਮੁੱਢੋ ਹੀ ਨਕਾਰ ਦਿੱਤਾ।
ਬਾਬਾ ਸੂਰਤ ਸਿੰਘ ਖਾਲਸਾ ਨੂੰ ਜਬਰੀ ਚੁੱਕਣ ਸਮੇ ਉਹਨਾਂ ਦਾ ਅਮਰੀਕਾ ਤੋ ਆਇਆ ਬੇਟਾ ਹਰਵਿੰਦਰਜੀਤ ਸਿੰਘ ਅਤੇ ਉਹਨਾਂ ਦੀ ਐਨ ਆਰ ਆਈ ਬੇਟੀ ਵੀ ਪੁਲਸ ਦੀ ਧੱਕੇਸਾਹੀ ਦਾ ਸਿਕਾਰ ਹੋਏ।
ਉਹਨਾਂ ਦੇ ਬੇਟੇ ਹਰਵਿੰਦਰ ਜੀਤ ਸਿੰਘ ਨੇ ਦੱਸਿਆਂ ਕਿ ਬਾਬਾ ਸੂਰਤ ਸਿੰਘ ਖਾਲਸਾ ਆਪਣੇ ਫੈਸਲੇ ਤੇ ਅਟੱਲ ਹਨ 1ਤੇ ਕਿਹਾ ਕਿ ਬਾਬਾ ਜੀ ਅੱਜ ਹੋ ਰਹੇ ਪੰਥਕ ਇਕੱਠ ਦੇ ਫੈਸਲੇ ਅਨੁਸਾਰ ਹੀ ਸੰਘਰਸ ਚਲਾਉਣਗੇ।
ਪੁਲਸ ਦੀ ਇਸ ਜਬਰੀ ਕਾਰਵਾਈ ਦੀ ਜਤਿੰਦਰਮੋਹਣ ਸਿੰਘ ਖਾਲਸਾ, ਅਜੀਤ ਸਿੰਘ ਬੈਸ ਰਿਟਾ ਜਸਟਿਸ, ਡਾ ਸਵਰਨ ਸਿੰਘ ਰਿਟਾ ਆਈ ਏ ਐਸ, ਜਸਵਿੰਦਰ ਸਿੰਘ ਬਰਾੜ, ਡਾ ਭਗਵਾਨ ਸਿੰਘ, ਬਲਵੰਤ ਸਿੰਘ ਖੇੜਾ ਮਾਲਟਾ ਕਿਸਤੀ ਕੇਸ, ਤਰਲੋਕ ਸਿੰਘ ਡੱਲਾ, ਕਮਿੱਕਰ ਸਿੰਘ, ਆਦਿ ਨੇ ਕਰੜੇ ਸਬਦਾ ਵਿੱਚ ਨਿੰਦਾ ਕੀਤੀ।
