ਮੁੰਬਈ: ਨਵੰਬਰ 1984 ਦੀ ਸਿੱਖ ਨਸ਼ਲਕੁਸ਼ੀ ਨੂੰ ਹੱਡੀ ਹੱਡੀ ਹਡਾਉਣ ਵਾਲੀਆਂ ਸਿੱਖ ਬੀਬੀਆਂ ਦੀ ਚਾਰ ਦਹਾਕਿਆਂ ਦੀ ਨਿਆਂ-ਲੜਾਈ ਨੂੰ ਕੇਂਦਰ ਬਣਾਕੇ ਤਿਆਰ ਕੀਤੀ ਡਾਕੂਮੈਂਟਰੀ ‘ਦ ਕੌਰਸ ਆਫ 1984: ਹਾਉ ਸਿੱਖ ਵੂਮੈਨ ਕੰਟੀਨਿਊ ਟੂ ਫਾਈਟ 40 ਈਅਰਜ਼ ਆਫ ਇਨਜੰਸਟਿਸ’ (The Kaurs of 1984: How Sikh Women Continue to Fight 40 Years of Injustice) ਨੇ ਲਾਡਲੀ ਮੀਡੀਆ ਐਂਡ ਐਡਵਰਟਾਈਜ਼ਿੰਗ ਅਵਾਰਡਜ਼ 2025 ਵਿੱਚ ਲਿੰਗ ਸੰਵੇਦਨਸ਼ੀਲਤਾ (Gender Sensitivity) (ਨੈਸ਼ਨਲ) ਸ਼੍ਰੇਣੀ ਦਾ ਮਹੱਤਵਪੂਰਨ ਇਨਾਮ ਜਿੱਤਿਆ।
ਇਹ ਅਵਾਰਡ ਪਾਪੂਲੇਸ਼ਨ ਫਸਟ ਵੱਲੋਂ ਯੂ.ਐੱਨ.ਐਫ.ਪੀ.ਏ. (UNFPA) ਦੇ ਸਹਿਯੋਗ ਨਾਲ ਆਯੋਜਿਤ ਲਾਡਲੀ ਅਵਾਰਡਜ਼ ਦੇ 15ਵੇਂ ਸੰਸਕਰਣ ਦੇ ਦੌਰਾਨ ਪ੍ਰਦਾਨ ਕੀਤਾ ਗਿਆ, ਜਿਸ ਵਿੱਚ ਦੇਸ਼ ਭਰ ਦੇ ਕਈ ਪ੍ਰਮੁੱਖ ਪੱਤਰਕਾਰ ਅਤੇ ਮੀਡੀਆ ਪ੍ਰੋਫੈਸ਼ਨਲਜ਼ ਨੂੰ ਸਨਮਾਨਿਤ ਕੀਤਾ ਗਿਆ।
ਡਾਕੂਮੈਂਟਰੀ ਨੂੰ ਜ਼ੀਜਾਹ ਸ਼ੇਰਵਾਨੀ ਅਤੇ ਜਸਪ੍ਰੀਤ ਸਿੰਘ ਨੇ ਦਿ ਕੁਇੰਟ ਲਈ ਬਣਾਇਆ ਹੈ ਅਤੇ ਇਹ ਲੇਖਕ ਸਨਮ ਵਜ਼ੀਰ ਦੀ ਕਿਤਾਬ ‘The Kaurs of 1984 ’ ‘ਤੇ ਆਧਾਰਿਤ ਹੈ। ਇਹ ਰਚਨਾ 1984 ਦੀ ਸਿੱਖ ਨਸਲਕੁਸ਼ੀ , ਉਸ ਤੋਂ ਬਾਅਦ ਦਹਾਕਿਆਂ ਤੱਕ ਚੱਲੇ ਦਰਦ, ਅਤੇ ਨਿਆਂ ਲਈ ਅੱਜ ਵੀ ਜਾਰੀ ਸੰਘਰਸ਼ ਨੂੰ ਪੇਸ਼ ਕਰਦੀ ਹੈ।
ਜ਼ੀਜਾਹ ਸ਼ੇਰਵਾਨੀ ਇਸ ਦਸਤਾਵੇਜ਼ੀ ਦੇ ਰਿਪੋਰਟਰ ਅਤੇ ਡਾਇਰੈਕਟਰ ਹਨ। ਉਹਨਾਂ ਨਾਲ ਜਸਪ੍ਰੀਤ ਸਿੰਘ ਨੇ ਰਿਪੋਰਟਰ/ਨਿਰਮਾਤਾ ਦੀ ਭੂਮਿਕਾ ਨਿਭਾਈ ਹੈ ਅਤੇ ਨਿਤਿਨ ਬਿਸ਼ਟ ਐਡੀਟ ਕੀਤਾ ਹੈ।
ਲਾਡਲੀ ਅਵਾਰਡਜ਼ ਮੀਡੀਆ ਵਿੱਚ ਲਿੰਗ-ਸੰਵੇਦਨਸ਼ੀਲ ਰਿਪੋਰਟਿੰਗ ਨੂੰ ਉਤਸ਼ਾਹਿਤ ਲਈ ਮਸ਼ਹੂਰ ਹਨ।
