ਨਵੀਂ ਦਿੱਲੀ (21 ਦਸੰਬਰ, 2015): ਭਾਰਤ ਦੇ ਖਾਜ਼ਾਨਾ ਮੰਤਰੀ ਅਰੁਣ ਜੇਤਲੀ ‘ਤੇ ਡੀਡੀਸੀਏ ਮਾਮਲੇ ‘ਚ ਭ੍ਰਿਸ਼ਟਾਚਾਰ ਦੇ ਦੋਸ਼ ਲਾਉਣ ਵਾਲੇ ਅਰਵਿੰਦ ਕੇਜਰੀਵਾਲ ਅਤੇ ਉਸਦੇ ਸਾਥੀ ਆਪ ਆਗੂਆਂ ਖਿਲਾਫ ਮਾਨਹਾਨੀ ਦਾ ਮੁਕੱਦਮਾ ਦਰਜ਼ ਕਰਵਾਇਆ ਹੈ।
ਡੀ. ਡੀ. ਸੀ. ਏ ਵਿੱਚ ਪਿਛਲੇ 10 ਸਾਲਾਂ ਵਿੱਚ 400 ਕਰੋੜ ਦਾ ਘਪਲਾ ਕਰਨ ਦੇ ਦੋਸ਼ ਲਾਏ ਜਾ ਰਹੇ ਹਨ।
ਆਮ ਆਦਮੀ ਪਾਰਟੀ ਤੋਂ ਇਲਾਵਾ ਭਾਜਪਾ ਸੰਸਦ ਮੈਂਬਰ ਕੀਰਤੀ ਅਜ਼ਾਦ ਨੇ ਜੇਤਲੀ ‘ਤੇ ਇਲਜ਼ਾਮ ਲਾਉਂਦਿਆਂ ਕਿਹਾ ਕਿ ਕੋਟਲਾ ਸਟੇਡੀਅਮ ਦੀ ਉਸਾਰੀ ‘ਚ 24 ਕਰੋੜ ਰੁਪਏ ਖਰਚ ਹੋਣ ਦਾ ਅਨੁਮਾਨ ਸੀ, ਪਰ 130 ਕਰੋੜ ਰੁਪਏ ਲਾਉਣ ਤੋਂ ਬਾਅਦ ਵੀ ਕੰਮ ਪੂਰਾ ਨਹੀਂ ਕੀਤਾ ਜਾ ਸਕਿਆ ਙ ਆਜ਼ਾਦ ਨੇ 14 ਅਜਿਹੀਆਂ ਕੰਪਨੀਆਂ ਦਾ ਵੀ ਖ਼ੁਲਾਸਾ ਕੀਤਾ ਜਿਨ੍ਹਾਂ ਦੇ ਨਾਂਅ, ਪਤੇ ਸਭ ਫਰਜ਼ੀ ਹਨ ।
ਉਥੇ ਹੀ ਦੂਜੇ ਪਾਸੇ ਆਪ ਤੇ ਅਰੁਣ ਜੇਤਲੀ ਦੇ ‘ਚ ਡੀਡੀਸੀਏ ਮਾਮਲੇ ਨੂੰ ਲੈ ਕੇ ਚੱਲ ਰਹੀ ਸਿਆਸੀ ਤਨਾਤਨੀ ਦੇ ‘ਚ ਆਪ ਪਾਰਟੀ ਨੇ ਬੀਤੀ ਰਾਤ ਵਿੱਤ ਮੰਤਰੀ ‘ਤੇ ਹਮਲਾ ਤੇਜ਼ ਕਰਦੇ ਹੋਏ ਕਿਹਾ ਕਿ ਉਹ ਸੋਮਵਾਰ ਨੂੰ ਉਨ੍ਹਾਂ ਦੇ ਖ਼ਿਲਾਫ਼ ਐਫਆਈਆਰ ਦਰਜ ਕਰਵਾਉਣਗੇ।
