ਨਵੀਂ ਦਿੱਲੀ (12 ਨਵੰਬਰ, 2014): ਦਿੱਲ਼ੀ ਪੁਲਿਸ ਵੱਲੋਂ ਅੱਜ ਫਿਰ ਭਾਈ ਹਵਾਰਾ ਨੂੰ ਪੇਸ਼ੀ ਸਮੇਂ ਤਿਹਾੜ ਜੇਲ ਤੋਂ ਪੈਰਾਂ ਵਿੱਚ ਬੇੜੀਆਂ ਅਤੇ ਹੱਥਾਂ ਨੂੰ ਹੱਥ ਕੜੀਆਂ ਲਾ ਕੇ ਦਿੱਲੀ ਦੀ ਪਟਿਆਲਾ ਹਾਊਸ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ ।

ਭਾਈ ਹਵਾਰਾ ਦੇ ਵਕੀਲਾਂ ਨੇ ਭਾਈ ਹਵਾਰਾ ਨੂੰ ਬੇੜੀਆਂ ਲਾਏ ਜਾਣ ਵਿਰੁੱਧ ਅਦਾਲਤ ਨੂੰ ਅਪੀਲ ਕੀਤੀ ਸੀ ਕਿ ਉਹ ਜੇਲ ਅਤੇ ਪੁਲਿਸ ਅਧਿਕਾਰੀਆਂ ਨੂੰ ਹੁਕਮ ਕਰਨ ਕਿ ਭਾਈ ਹਵਾਰਾ ਨੂੰ ਬੇੜੀ

ਆਂ ਨਾ ਪਾਈਆਂ ਜਾਣ ਪਰ ਅੱਜ ਫਿਰ ਪੁਲਿਸ ਨੇ ਉਨ੍ਹਾਂ ਦੇ ਪੈਰਾਂ ਵਿੱਚ ਬੇੜੀਆਂ ਪਾਈਆਂ ।

ਭਾਈ ਹਵਾਰਾ ਦੀ ਪੇਸ਼ੀ ਕਾਰਨ ਤਕਰੀਬਨ 250 ਸਿੱਖ ਨੌਜਵਾਨ ਪਟਿਆਲਾ ਹਾਊਸ ਕੋਰਟ ਕੰਪਲੈਕਸ ਵਿੱਚ ਭਾਈ ਹਵਾਰਾ ਨੂੰ ਮਿਲਣ ਲਈ ਪਹੁੰਚੇ ਹੋਏ ਸਨ, ਪਰ ਪੁਲਿਸ ਗਾਰਦ ਨੇ ਕਿਸੇ ਵੀ ਸਿੱਖ ਨੌਜਵਾਨ ਨੂੰ ਭਾਈ ਹਵਾਰਾ ਨੂੰ ਮਿਲਣ ਲਈ ਅੱਗੇ ਨਹੀਂ ਆਉਣ ਦਿੱਤਾ । ਰੋਸ ਵਜੋਂ ਕੋਰਟ ਕੰਪਲੈਕਸ ਵਿੱਚ ਹੀ ਵੱਡੀ ਗਿਣਤੀ ਵਿੱਚ ਸਿੱਖ ਨੌਜਵਾਨਾਂ ਨੇ ਪੁਲਿਸ ਅਤੇ ਸਰਕਾਰ ਵਿਰੁੱਧ ਅਤੇ ਭਾਈ ਜਗਤਾਰ ਸਿੰਘ ਹਵਾਰਾ ਦੇ ਹੱਕ ਵਿੱਚ ਨਾਅਰੇ ਲਾਏ । ਭਾਈ ਹਵਾਰਾ ਨੇ ਦੂਰੋਂ ਹੀ ਨੌਜਵਾਨਾਂ ਦੀਆਂ ਸ਼ੁੱਭ ਇੱਛਾਵਾਂ ਕਬੂਲ ਕਰਦਿਆਂ ਉਹਨਾਂ ਨੂੰ ਫਤਹਿ ਬੁਲਾਈ ਤੇ ਸ਼ਾਤ ਰਹਿਣ ਦੀ ਅਪੀਲ ਕੀਤੀ ।

ਕੋਰਟ ਕੰਪਲੈਕਸ ਵਿੱਚ ਵੱਡੀ ਗਿਣਤੀ ‘ਚ ਪਹੁੰਚੇ ਸਿੱਖ ਨੌਜਵਾਨਾਂ ਨੇ ਭਾਈ ਜਗਤਾਰ ਸਿੰਘ ਹਵਾਰਾ ਨੂੰ ਰੀੜ੍ਹ ਦੀ ਹੱਡੀ ਵਿੱਚ ਤਕਲੀਫ ਦੇ ਬਾਵਜੂਦ ਬੇੜੀਆਂ ਲਾ ਕੇ ਤਰੀਕ ਉੱਤੇ ਲਿਆਂਦੇ ਜਾਣ ਦੀ ਨਿਖੇਧੀ ਕੀਤੀ । ਨੌਜਵਾਨਾਂ ਦਾ ਕਹਿਣਾ ਸੀ ਕਿ ਬੇੜੀਆਂ ਲਾਏ ਜਾਣ ਕਾਰਨ ਜੇ ਭਾਈ ਹਵਾਰਾ ਦੀ ਸਿਹਤ ਫਿਰ ਵਿਗੜਦੀ ਹੈ ਤਾਂ ਇਸ ਦੀ ਜ਼ਿੰਮੇਵਾਰੀ ਸਰਕਾਰ ਦੇ ਸਿਰ ਹੋਵੇਗੀ ।

ਜ਼ਿਕਰਯੋਗ ਹੈ ਕਿ ਜਗਤਾਰ ਸਿੰਘ ਹਵਾਰਾ ਨੂੰ ਰੀੜ੍ਹ ਦੀ ਹੱਡੀ ਅਤੇ ਲੱਤ ਦੀ ਤਿੱਖੀ ਦਰਦ ਦੇ ਬਾਵਜੂਦ ਪਟਿਆਲਾ ਹਾਊਸ ਕੋਰਟ ਵਿੱਚ ਪਿਛਲੀ ਤਰੀਕ ‘ਤੇ ਪੈਰਾਂ ‘ਚ ਬੇੜੀਆਂ ਲਾ ਕੇ ਪੇਸ਼ ਕੀਤੇ ਜਾਣ ਵਿਰੁੱਧ ਸਿੱਖ ਪੰਥ ਅੰਦਰ ਤਿੱਖਾ ਪ੍ਰਤੀਕਰਮ ਪ੍ਰਗਟ ਕੀਤਾ ਗਿਆ ਸੀ ।

Comments

comments