ਰੂਪਨਗਰ (24 ਫਰਵਰੀ, 2o16): ਪੰਜਾਬ ਦੇ ਸਾਬਾਕ ਮੁੱਖ ਮੰਤਰੀ ਬੇਅੰਤ ਸਿੰਘ ਕਤਲ ਕਾਂਡ ਵਿੱਚ ਉਮਰ ਕੈਦ ਦੀ ਸਜ਼ਾ ਭੁਗਤ ਰਹੇ ਸਿੱਖ ਸੰਘਰਸ਼ ਦੇ ਨਾਇਕ ਭਾਈ ਜਗਤਾਰ ਸਿੰਘ ਹਵਾਰਾ ਨੂੰ ਅੱਜ ਰੂਪ ਨਗਰ ਦੀ ਇੱਕ ਅਦਾਲਤ ਨੇ ਟਾਡਾ ਕਾਨੂੰਨ ਦੇ ਮਾਮਲੇ ਵਿੱਚੋਂ ਬਰੀ ਕਰ ਦਿੱਤਾ ਹੈ।
ਮੀਡੀਆ ਤੋਂ ਪ੍ਰਾਪਤ ਜਾਣਕਾਰੀ ਅਨੁਸਾਰ ਜਗਤਾਰ ਸਿੰਘ ਹਵਾਰਾ ਸ੍ਰੀ ਚਮਕੌਰ ਸਾਹਿਬ ਪੁਲਿਸ ਨੇ ਅਕਤੂਬਰ 1988 ਨੂੰ ਪਿੰਡ ਮਾਣੇਮਾਜਰਾ ਤੋਂ 1 ਪਿਸਤੌਲ 32 ਬੌਰ ਡਬਲ ਬੈਰਲ ਸਮੇਤ ਗਿ੍ਫਤਾਰ ਕੀਤਾ ਸੀ, ਜਿਸ ਵਜੋਂ ਪੁਲਿਸ ਨੇ 9 ਅਕਤੂਬਰ 1988 ਨੂੰ ਭਾਈ ਹਵਾਰਾ ‘ਤੇ 5 ਟਾਡਾ ਕਾਨੂੰਨ ਅਧੀਨ ਪਰਚਾ ਦਰਜ ਕੀਤਾ ਸੀ।
READ ENGLISH VERSION OF THIS NEWS:
Bhai Jagtar Singh Hawara acquitted in 27 years old Ropar Case
ਅੱਜ ਇਸ ਮਾਮਲੇ ‘ਚ ਜਗਤਾਰ ਸਿੰਘ ਹਵਾਰਾ ਦੀ ਰੂਪਨਗਰ ਦੇ ਵਧੀਕ ਸ਼ੈਸ਼ਨ ਜੱਜ ਸ੍ਰੀਮਤੀ ਸੁਨੀਤਾ ਕੁਮਾਰ ਦੀ ਅਦਾਲਤ ‘ਚ ਵੀਡੀਓ ਕਾਨਫਰੰਸਿੰਗ ਰਾਹੀਂ ਪੇਸ਼ੀ ਹੋਈ। ਇਸ ਮਾਮਲੇ ‘ਚ ਪੁਲਿਸ ਸਬੂਤ ਪੇਸ਼ ਨਾਂ ਕਰ ਸਕੀ ਤੇ ਅਦਾਲਤ ਨੇ ਭਾਈ ਹਵਾਰਾ ਇਸ ਮਾਮਲੇ ‘ਚੋਂ ਬਰੀ ਕਰ ਦਿੱਤਾ ।
ਜ਼ਿਕਰਯੋਗ ਹੈ ਕਿ ਭਾਈ ਹਾਵਰਾ ‘ਤੇ ਪੰਜਾਬ ਪੁਲਿਸ ਵੱਲੋਂ ਅਨੇਕਾਂ ਮਾਮਲੇ ਦਰਜ਼ ਕੀਤੇ ਗਏ ਸਨ, ਜਿੰਨਾਂ ਵਿੱਚੋਂ ਅਜੇ ਕਈ ਕੇਸਾਂ ਦੀ ਸੁਣਵਾਈ ਬਾਕੀ ਹੈ। ਪਿਛੇ ਜਿਹੇ ਉਨ੍ਹਾਂ ਦੇ ਵਕੀਲਾਂ ਨੇ ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਵਿੱਚ ਅਰਜ਼ੀ ਦਾਖਲ ਕਰਕੇ ਕਿਹਾ ਸੀ ਕਿ ਪੰਜਾਬ ਪੁਲਿਸ ਇਹ ਦੱਸੇ ਕਿ ਭਾਈ ਹਵਾਰਾ ਖਿਲਾਫ ਕਿੰਨੇ ਹੋ ਕੇਸ ਬਾਕੀ ਹਨ।
