ਫ਼ਤਹਿਗੜ੍ਹ ਸਾਹਿਬ (19 ਮਾਰਚ, 2016 ) : ਸਤਲੁਜ ਜਮੁਨਾ ਲਿੰਕ ਨਹਿਰ ਬੀਤੇ ਸਮੇਂ ਵਿਚ ਜ਼ਬਰੀ ਪੰਜਾਬੀਆਂ ਅਤੇ ਸਿੱਖ ਕੌਮ ਦੀਆਂ ਭਾਵਨਾਵਾਂ ਨੂੰ ਕੁੱਚਲਕੇ ਪੰਜਾਬ ਦੇ ਕੀਮਤੀ ਪਾਣੀਆਂ ਨੂੰ ਲੁੱਟਣ ਲਈ ਕੱਢੀ ਗਈ ਸੀ, ਉਸਦੀ ਬਦੌਲਤ ਹੀ ਪੰਜਾਬ ਸੂਬੇ ਅਤੇ ਗੁਆਂਢੀ ਸੂਬਿਆਂ ਅਤੇ ਹਿੰਦ ਦੇ ਹਾਲਾਤ ਵਿਸਫੋਟਕ ਬਣੇ ਸਨ । ਕਿਉਂਕਿ ਇਹ ਸਤਲੁਜ ਜਮੁਨਾ ਲਿੰਕ ਨਹਿਰ ਕੌਮਾਂਤਰੀ ਰੀਪੇਰੀਅਨ ਕਾਨੂੰਨ ਦੀ ਉਲੰਘਣਾ ਕਰਕੇ ਪੰਜਾਬ ਦੇ ਦਰਿਆਵਾਂ ਸਤਲੁਜ ਅਤੇ ਬਿਆਸ ਦੇ ਪਾਣੀਆਂ ਨੂੰ ਜ਼ਬਰੀ ਗੈਰ-ਕਾਨੂੰਨੀ ਤਰੀਕੇ ਹਰਿਆਣੇ, ਰਾਜਸਥਾਨ ਆਦਿ ਨੂੰ ਦਿੱਤੇ ਗਏ ਸਨ । ਜਿਸ ਨੂੰ ਪੰਜਾਬੀਆਂ ਵਿਸ਼ੇਸ਼ ਤੌਰ ਤੇ ਸੂਝਵਾਨ ਸਿੱਖ ਨੌਜ਼ਵਾਨਾਂ ਨੇ ਖੇਤੀ ਪ੍ਰਧਾਨ ਪੰਜਾਬ ਸੂਬੇ ਦਾ ਲੱਕ ਤੋੜਨ ਦਾ ਅਮਲ ਸਮਝਦੇ ਹੋਏ ਇਸ ਵਿਰੁੱਧ ਸੰਘਰਸ਼ ਸੁਰੂ ਕੀਤਾ ਸੀ, ਸਤਲੁਜ ਜਮੁਨਾ ਲਿੰਕ ਨਹਿਰ ਮੁੱਦੇ ਉਤੇ ਕੰਮ ਚੱਲ ਰਿਹਾ ਹੈ, ਇਹ ਬਿਲਕੁਲ ਦਰੁਸਤ ਹੈ । ਹਰਿਆਣਾ ਸੂਬਾ ਸਤਲੁਜ-ਬਿਆਸ ਦੇ ਪਾਣੀਆਂ ਅਨੁਸਾਰ ਰੀਪੇਰੀਅਨ ਕਾਨੂੰਨ ਵਿਚ ਬਿਲਕੁਲ ਨਹੀਂ ਆਉਦਾ । ਇਹਨਾਂ ਦਰਿਆਵਾਂ ਉਤੇ ਪੰਜਾਬ ਦਾ ਹੀ ਹੱਕ ਹੈ ।”
ਇਹ ਵਿਚਾਰ ਸ ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ, ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਸਤਲੁਜ ਜਮੁਨਾ ਲਿੰਕ ਨਹਿਰ ਦੇ ਮੱਦੇ ਉਤੇ ਇਹਨੀ ਦਿਨੀ ਚੱਲ ਰਹੀ ਕਾਰਵਾਈ ਨੂੰ ਸਹੀ ਕਰਾਰ ਦਿੰਦੇ ਹੋਏ ਪ੍ਰਗਟ ਕੀਤੇ । ਉਹਨਾਂ ਕਿਹਾ ਕਿ ਯਮੁਨਾ ਦਰਿਆ ਵਿਚੋ ਜੋ ਹਰਿਆਣੇ ਨੂੰ ਪਾਣੀ ਮਿਲਦਾ ਹੈ, ਉਹ ਉਸਦਾ ਹਿਸਾਬ-ਕਿਤਾਬ ਤਾਂ ਰੱਖ ਸਕਦਾ ਹੈ, ਲੇਕਿਨ ਸਤਲੁਜ ਅਤੇ ਬਿਆਸ ਦੇ ਪਾਣੀਆਂ ਉਤੇ ਹਿਸਾਬ-ਕਿਤਾਬ ਰੱਖਣਾ ਪੰਜਾਬ ਸੂਬੇ ਦੀ ਜਿੰਮੇਵਾਰੀ ਹੈ ।
ਉਹਨਾਂ ਕਿਹਾ ਲਹਿੰਦੇ ਵਾਲੇ ਪੰਜਾਬ ਪਾਕਿਸਤਾਨ ਦਾ ਹਿੰਦ ਦੇ ਵਿਧਾਨ ਦੀ ਧਾਰਾ 246 ਅਨੁਸਾਰ ਪੰਜਾਬ ਦੇ ਸਤਲੁਜ ਅਤੇ ਬਿਆਸ ਦਰਿਆਵਾਂ ਉਤੇ ਹਰਿਆਣੇ ਤੋ ਪਹਿਲਾ ਹੱਕ ਬਣਦਾ ਹੈ। ਸਾਡੀ ਪਾਰਟੀ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਹਰਿਆਣਾ, ਰਾਜਸਥਾਨ ਆਦਿ ਸੂਬਿਆਂ ਤੋ ਇਹ ਸਵਾਲ ਪੱੁਛਦੀ ਹੈ ਕਿ ਜੋ ਕੁਦਰਤੀ ਸਾਧਨ ਕਿਸੇ ਸੂਬੇ ਦੇ ਹਨ, ਜਦੋ ਉਹਨਾਂ ਨੂੰ ਕਿਸੇ ਦੂਸਰੇ ਸੂਬੇ ਨੂੰ ਦਿੱਤਾ ਜਾਂਦਾ ਹੈ, ਤਾਂ ਉਸਦੀ ਰੀਆਲਟੀ ਮਲਕੀਅਤ ਸੂਬੇ ਨੂੰ ਪ੍ਰਾਪਤ ਹੁੰਦੀ ਹੈ । ਫਿਰ ਸਤਲੁਜ ਅਤੇ ਬਿਆਸ ਦੇ ਪਾਣੀ ਜੋ ਹਰਿਆਣਾ, ਰਾਜਸਥਾਨ ਤੇ ਦਿੱਲੀ ਨੂੰ ਦਿੱਤੇ ਜਾ ਰਹੇ ਹਨ, ਉਸਦੀ ਰੀਆਲਟੀ ਪੰਜਾਬ ਨੂੰ ਮਿਲਣੀ ਚਾਹੀਦੀ ਹੈ । ਉਹਨਾਂ ਕਿਹਾ ਕਿ ਜੋ ਰਾਜਸਥਾਨ ਵਿਚ ਸਗਮਰਮਰ, ਗ੍ਰੇਨਾਈਟ ਮਾਰਬਲ ਹੁੰਦਾ ਹੈ, ਰਾਜਸਥਾਨ ਉਸ ਉਤੇ ਰੀਅਲਟੀ ਪ੍ਰਾਪਤ ਕਰਦਾ ਹੈ । ਉਹਨਾਂ ਇਸ ਗੱਲ ਤੇ ਦੁੱਖ ਪ੍ਰਗਟ ਕੀਤਾ ਕਿ ਜੋ ਹਿਮਾਚਲ ਪ੍ਰਦੇਸ਼ ਦੇ ਜੋਗਿੰਦਰ ਨਗਰ ਵਿਚ ਸਾਡਾ ਪਾਵਰ ਸਟੇਸ਼ਨ ਹੈ, ਉਸ ਨੂੰ ਵੀ ਸਰਕਾਰ ਸਾਜਿ਼ਸਾ ਨਾਲ ਖੋਹਣਾ ਚਾਹੁੰਦੀ ਹੈ ।
ਸ. ਮਾਨ ਨੇ ਪੰਜਾਬ ਦੇ ਜਿੰਮੀਦਾਰਾਂ ਦੀ ਦਿਨ-ਪਰ-ਦਿਨ ਬਦਤਰ ਹੁੰਦੇ ਜਾ ਰਹੇ ਹਾਲਾਤਾਂ ਅਤੇ ਇਥੇ ਹੋਣ ਵਾਲੀਆ 99% ਜਿੰਮੀਦਾਰਾਂ ਅਤੇ ਗਰੀਬਾਂ ਦੀਆਂ ਖੁਦਕਸੀਆ ਲਈ ਵੀ ਪੰਜਾਬ ਦੇ ਪਾਣੀਆਂ ਨੂੰ ਜਬਰੀ ਖੋਹਣ ਦੇ ਅਮਲਾਂ ਨੂੰ ਜਿੰਮੇਵਾਰ ਠਹਿਰਾਉਦੇ ਹੋਏ ਕਿਹਾ ਕਿ ਪੰਜਾਬ ਦੀ ਮਾਲੀ ਹਾਲਤ ਇਥੋ ਦੇ ਪਾਣੀਆਂ ਅਤੇ ਜਿੰਮੀਦਾਰਾਂ ਕਿੱਤੇ ਉਤੇ ਨਿਰਭਰ ਕਰਦੀ ਹੈ । ਪੰਜਾਬ ਦੇ ਜਿੰਮੀਦਾਰਾਂ ਨੂੰ ਨਾ ਤਾਂ ਲੋੜੀਦੇ ਟਿਊਬਵੈਲ ਕੁਨੈਕਸ਼ਨ ਦਿੱਤੇ ਜਾਂਦੇ ਹਨ ਅਤੇ ਨਾ ਹੀ ਇਥੇ ਲੋੜੀਦੀ ਮਾਤਰਾ ਵਿਚ ਨਿਰਵਿਘਨ ਬਿਜਲੀ ਦੀ ਸਪਲਾਈ ਦਾ ਪ੍ਰਬੰਧ ਹੈ । ਹਿੰਦੂਤਵ ਸੋਚ ਦੀ ਬਦੌਲਤ ਹੀ 1984 ਵਾਲੇ ਹਾਲਾਤ ਪੈਦਾ ਹੋਏ । ਲੇਕਿਨ ਸ। ਪ੍ਰਕਾਸ਼ ਸਿੰਘ ਬਾਦਲ ਗੁੰਮਰਾਹਕੁੰਨ ਬਿਆਨਬਾਜੀ ਕਰਕੇ ਇਥੋ ਦੇ ਨਿਵਾਸੀਆਂ ਨੂੰ ਮੂਰਖ ਹੀ ਬਣਾਉਦੇ ਆ ਰਹੇ ਹਨ
ਉਨ੍ਹਾਂ ਨੇ ਪੰਜਾਬ ਦੇ ਉਦਯੋਗ ਵਜ਼ੀਰ ਸ੍ਰੀ ਮਦਨ ਮੋਹਨ ਮਿੱਤਲ ਵੱਲੋ ਪ੍ਰਗਟਾਏ ਉਹਨਾਂ ਵਿਚਾਰਾਂ ਕਿ ਹਰਿਆਣਾ ਅਤੇ ਪੰਜਾਬ ਨੂੰ ਇਕੱਠਾ ਕਰ ਦੇਣਾ ਚਾਹੀਦਾ ਹੈ, ਦਾ ਸਵਾਗਤ ਕਰਦੇ ਹੋਏ ਕਿਹਾ ਕਿ ਮਿੱਤਲ ਸਾਹਿਬ ਪੰਜਾਬ-ਹਰਿਆਣਾ ਅਤੇ ਹਿਮਾਚਲ ਪੁਰਾਤਨ ਪੰਜਾਬ ਦੇ ਨਕਸੇ ਦੀਆਂ ਕੜੀਆ ਹਨ । ਇਸ ਲਈ ਇਸ ਨੂੰ ਹੋਰ ਵੱਡਾ ਕਰਦੇ ਹੋਏ ਇਸ ਵਿਚ ਹਿਮਾਚਲ ਨੂੰ ਸ਼ਾਮਿਲ ਕਰਦੇ ਹੋਏ ਪੰਜਾਬੀ ਬੋਲਦੇ ਇਲਾਕੇ ਸਿਰਸਾ, ਕਰਨਾਲ, ਅੰਬਾਲਾ, ਪੰਚਕੂਲਾ, ਪੇਹਵਾ, ਗੂਹਲਾ-ਚੀਕਾ ਅਤੇ ਰਾਜਸਥਾਨ ਦੇ ਗੰਗਾਨਗਰ, ਹਨੂੰਮਾਨਗੜ੍ਹ ਜਿ਼ਲ੍ਹਿਆਂ ਨੂੰ ਸ਼ਾਮਿਲ ਕਰਕੇ ਇਹ ਪਾਣੀਆਂ ਦੇ ਵੱਡੇ ਝਗੜੇ ਦਾ ਯੱਬ ਹੀ ਖ਼ਤਮ ਕਰ ਦੇਣਾ ਚਾਹੀਦਾ ਹੈ ਅਤੇ ਇਸਦੇ ਨਾਲ ਹੀ ਜੋ ਹਰਿਆਣੇ ਵਿਚ “ਜਾਟ ਅੰਦੋਲਨ” ਹੋਇਆ ਸੀ, ਉਸ ਨੂੰ ਸਹੀ ਕਰਾਰ ਦਿੰਦੇ ਹੋਏ ਇਹ ਸੁਝਾਅ ਦਿੱਤਾ ਕਿ ਯੂਪੀ ਦੇ ਮੇਰਠ, ਆਗਰਾ ਜਿ਼ਲ੍ਹਿਆਂ ਦਾ ਪੂਰਾ ਇਲਾਕਾ ਅਤੇ ਸਹਾਰਨਪੁਰ ਦਾ ਕੁਝ ਹਿੱਸਾ ਅਤੇ ਰਾਜਸਥਾਨ ਦੇ ਭਰਤਪੁਰ ਜਿ਼ਲ੍ਹੇ ਨੂੰ ਇਕੱਤਰ ਕਰਕੇ ਉਸ ਵਿਚ ਕਰਨਾਲ, ਜੀਦ, ਪਾਣੀਪਤ, ਰੋਹਤਕ, ਰੋੜੀ ਆਦਿ ਇਲਾਕੇ ਨੂੰ “ਜਾਟਲੈਂਡ” ਦਾ ਇਲਾਕਾ ਘੋਸਿਤ ਕਰ ਦੇਣਾ ਚਾਹੀਦਾ ਹੈ । ਜਿਸ ਨਾਲ ਇਹਨਾਂ ਇਲਾਕਿਆ ਵਿਚ ਪਾਣੀ ਦੀ ਵੀ ਕੋਈ ਘਾਟ ਨਹੀਂ ਰਹੇਗੀ ਅਤੇ ਜਿੰਮੀਦਾਰ ਇਸ ਜਾਟਲੈਂਡ ਵਿਚ ਹੋਰ ਵਧੇਰੇ ਪ੍ਰਫੁੱਲਿਤ ਹੋਵੇਗਾ । ਨੂੰ ਬੜਾਵਾ ਦੇਣ ਵਾਲੇ ਹਨ ।
