ਸ੍ਰੀ ਅੰਮ੍ਰਿਤਸਰ ਸਾਹਿਬ: 1920 ਵਿਚ ਸਿਖਰਾਂ ‘ਤੇ ਪਹੁੰਚੀ ਗੁਰਦੁਆਰਾ ਸੁਧਾਰ ਲਹਿਰ ਤੋਂ ਬਾਅਦ ਸਿੱਖੀ ਦੇ ਪ੍ਰਚਾਰ ਅਤੇ ਸਿੱਖਿਆ ਲਈ ਹੋਂਦ ਵਿਚ ਆਏ ਸਿੱਖ ਮਿਸ਼ਨਰੀ ਕਾਲਜ(ਅੰਮ੍ਰਿਤਸਰ) ਵਿੱਚ ਪਹਿਲੀ ਵਾਰ ਕਿਸੇ ਬੀਬੀ ਨੂੰ ਕਾਲਜ ਦੇ ਪ੍ਰਿੰਸੀਪਲ ਦੇ ਅਹੁਦੇ ਉਤੇ ਲਾਇਆ ਗਿਆ ਹੈ। ਇਹ ਕਾਲਜ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਬੰਧਾਂ ਹੇਠ ਚਲ ਰਿਹਾ ਹੈ।ਇਹ ਕਾਲਜ ਸ੍ਰੀ ਨਨਕਾਣਾ ਸਾਹਿਬ ਦੇ ਸ਼ਹੀਦੀ ਸਾਕੇ ਦੀ ਯਾਦ ‘ਚ ਉਸਾਰਿਆ ਗਿਆ ਇਸ ਲਈ ਇਸਦੇ ਨਾਂ ਅੱਗੇ ਸ਼ਹੀਦ ਸ਼ਬਦ ਜੋੜਿਆ ਗਿਆ। ਪ੍ਰੋ. ਮਨਜੀਤ ਕੌਰ ਜੀ ਨੇ ਬੀਤੇ ਦਿਨ ਨਵੇਂ ਸਾਲ ਦਿਨ ਪਹਿਲੇ ਦਿਨ ਸ਼ਹੀਦ ਸਿੱਖ ਮਿਸ਼ਨਰੀ ਕਾਲਜ ਦੀ ਪ੍ਰਿੰਸੀਪਲ ਵਜੋਂ ਅਹੁਦਾ ਸੰਭਾਲਿਆ।
ਬੀਬੀ ਮਨਜੀਤ ਕੌਰ ਇਸ ਕਾਲਜ ਦੇ 24 ਵੀਂ ਪ੍ਰਿੰਸੀਪਲ ਬਣੇ ਹਨ ਉਹਨਾਂ ਤੋਂ ਪਹਿਲਾਂ ਸ.ਬਲਦੇਵ ਸਿੰਘ ਇਸ ਕਾਲਜ ਦੇ ਪ੍ਰਿੰਸੀਪਲ ਸਨ ਜੋ ਕਿ 31 ਦਸੰਬਰ ਨੂੰ ਸੇਵਾ-ਮੁਕਤ ਹੋਏ ਹਨ ।
ਸ਼ਹੀਦ ਸਿੱਖ ਮਿਸ਼ਨਰੀ ਕਾਲਜ ਸਿਰਫ ਪੁਰਖਾਂ ਲਈ ਹੀ ਹੈ। ਪੰਜਾਬੀ ਯੁਨੀਵਰਸਿਟੀ ਵਿਚ ਗੁਰਮਤਿ ਅਧਿਐਨ ਦੀ ਵਿਦਿਆਰਥਣ ਰਹਿ ਚੁੱਕੀ ਬੀਬੀ ਮਨਜੀਤ ਕੌਰ 2003 ਵਿਚ ਇਸ ਕਾਲਜ ਵਿਚ ਲੈਕਚਰਾਰ ਵਜੋਂ ਨਿਯੁਕਤ ਹੋਈ ਪਹਿਲੀ ਬੀਬੀ ਸਨ।
