ਜਲੰਧਰ ( 20 ਫਰਵਰੀ, 2015): ਜਲੰਧਰ ਜਿਲੇ ਦੇ ਭੋਗਪੁਰ ਥਾਣੇ ਨਾਲ ਸਬੰਧਿਤ ਪੁਲਿਸ ਨੇ ਕੱਲ ਭਾਈ ਹਰਮਿੰਦਰ ਸਿੰਘ ਮਿੰਟੂ, ਹਰਪ੍ਰੀਤ ਸਿੰਘ ਜੰਮੂ, ਪਰਮਜੀਤ ਸਿੰਘ ਪੰਮਾ ਅਤੇ ਸਵਰਨ ਸਿੰਘ ਸ਼ੱਬਾ ਖਿਲਾਫ ਜਲੰਧਰ ਦੀ ਇੱਕ ਅਦਾਲਤ ਵਿੱਚ ਚਲਾਨ ਪੇਸ਼ ਕਰ ਦਿੱਤਾ ਹੈ।
ਇਹ ਚਲਾਨ ਭੋਗਪੁਰ ਥਾਣੇ ਵਿੱਚ2014 ਨੂੰ ਦਰਜ਼ ਪਰਚਾ ਨੰ. 102 ਸਬੰਧੀ ਪ੍ਰਭਜੋਤ ਕੌਰ ਜੇਆਈਐੱਮਸੀ ਜਲੰਧਰ ਦੀ ਅਦਾਲਤ ਸਾਹਮਣੇ ਪੇਸ਼ ਕੀਤਾ ਗਿਆ।ਜੇਆਈਐਮਸੀ ਅਦਾਲਤ ਨੇ ਚਲਾਨ ਅਗਲੀ ਕਾਰਵਾਈ ਲਈ ਸ਼ੈਸ਼ਨ ਜੱਜ ਦੀ ਅਦਾਲਤ ਵਿੱਚ ਭੇਜ ਦਿੱਤਾ, ਜਿਸਤੇ ਅਗਲੀ ਸੁਣਵਾਈ 5 ਮਾਰਚ 2015 ਨੂੰ ਹੋਵੇਗੀ।
ਜ਼ਿਕਰਯੋਗ ਹੈ ਕਿ ਬਾਈ ਹਰਮਿੰਦਰ ਸਿੰਘ ਮਿੰਟੂ ਅਤੇ ਹਰਪ੍ਰੀਤ ਸਿੰਘ ਜੰਮੂ ਇਸ ਸਮੇ ਅਤਿ ਸੁਰੱਖਿਆ ਵਾਲੀ ਜੇਲ ਨਾਭਾ ਵਿੱਚ ਬੰਦ ਹਨ, ਜਦਕਿ ਭਾਈ ਪਰਮਜੀਤ ਸਿੰਘ ਪੱਮਾ ਅਤੇ ਸਵਰਨ ਸਿੰਘ ਸ਼ੱਬਾ ਕਪੂਰਥਲਾ ਜੇਲ ਵਿੱਚ ਬੰਦ ਹਨ।ਇਨਾਂ ਸਾਰਿਆ ਨੂੰ ਚਲਾਨ ਪੇਸ਼ ਕਰਨ ਸਮੇਂ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ।
20 ਫਰਵਰੀ ਨੂੰ ਐਡਵੋਕੇਟ ਜਸਪਾਲ ਸਿੰਘ ਮੰਝਪੁਰ ਭਾਈ ਹਰਮਿੰਦਰ ਸਿੰਘ ਵੱਲੋਂ ਪੇਸ਼ ਹੋਏ।
