ਚੌਕੀਮਾਨ (21 ਜਨਵਰੀ, 2016): ਪਿੰਡ ਸਿੱਧਵਾਂ ਕਲਾਂ ਵਿਖੇ ਛੱਪੜ ਦੇ ਨਵੀਂਨੀਕਰਨ ਦੇ ਚੱਲ ਰਹੇ ਕੰਮ ਸਮੇਂ ਦੂਜੀ ਵਾਰ ਭਾਰੀ ਮਾਤਰਾ ‘ਚ ਗੋਲੀਆਂ ਤੇ ਇਕ ਪਿਸਤੌਲ ਬਰਾਮਦ ਹੋਇਆ ।
ਇਸ ਮੌਕੇ ਪਿੰਡ ਦੇ ਸਰਪੰਚ ਕੁਲਦੀਪ ਸਿੰਘ ਗਰੇਵਾਲ ਨੇ ਦੱਸਿਆ ਕਿ ਜਦੋਂ ਮਨਰੇਗਾ ਮਜ਼ਦੂਰ ਕੰਮ ਕਰ ਰਹੇ ਸਨ ਤਾਂ ਉਨ੍ਹਾਂ ਨੂੰ ਇਕ ਯੂਰੀਆ ਵਾਲੇ ਗੱਟੂ ਦੀ ਇਕ ਬੋਰੀ ਮਿਲੀ ਜਿਸ ‘ਚੋਂ ਪਲਸਾਟਿਕ ਦੇ ਲਿਫ਼ਾਫੇ ਮਿਲੇ ਜਿਸ ਵਿਚ ਅਸਲਾ ਤੇ ਗੋਲੀਆਂ ਸਨ, ਮੈਂ ਤੁਰੰਤ ਸਦਰ ਪੁਲਿਸ ਜਗਰਾਉਂ ਨੂੰ ਜਾਣਕਾਰੀ ਦਿੱਤੀ ।
ਇਸ ਮੌਕੇ ਇੰਸਪੈਕਟਰ ਅਵਤਾਰ ਸਿੰਘ ਤੇ ਏ.ਐਸ.ਆਈ ਸੁਖਵਿੰਦਰ ਸਿੰਘ ਮੌਕੇ ‘ਤੇ ਪੁੱਜੇ ਤੇ ਉਨ੍ਹਾਂ ਦੱਸਿਆ ਕਿ ਇਕ ਪਿਸਟਲ, ਇਕ ਮੈਗਜ਼ੀਨ, 370 ਰੋਂਦ ਮਿਲੇ ।ਇਹ ਗੋਲੀਆਂ ਤੇ ਪਿਸਤੌਲ ਕਾਫ਼ੀ ਪੁਰਾਣੇ ਹਨ ਤੇ ਜੰਗਾਲ ਨਾਲ ਖਰਾਬ ਹੋ ਚੁੱਕੇ ਹਨ ਤੇ ਇਹ ਖੜਾਕੂਵਾਦ ਮੌਕੇ ਦੇ ਸਮੇਂ ਛੱਪੜ ‘ਚ ਸੁੱਟੇ ਹੋ ਸਕਦੇ ਹਨ ।
ਇਸ ਮੌਕੇ ਉਨ੍ਹਾਂ ਨੇ ਗੋਲੀਆਂ ਤੇ ਪਿਸਤੌਲ ਆਪਣੇ ਕਬਜ਼ੇ ‘ਚ ਲੈ ਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ।ਜਗਰਾਉਂ ਸਦਰ ਥਾਣਾ ਦੇ ਮੁੱਖੀ ਅਵਤਾਰ ਸਿੰਘ ਨੇ ਦੱਸਿਆ ਕਿ ਅਣਪਛਾਤੇ ਵਿਅਕਤੀ ਖਿਲਾਫ਼ ਪਰਚਾ ਦਰਜ ਕਰ ਲਿਆ ਗਿਆ ਹੈ ।ਇਸ ਮੌਕੇ ਹਰਦੇਵ ਸਿੰਘ, ਮਲਕੀਤ ਸਿੰਘ, ਜੋਰਾ ਸਿੰਘ, ਪੰਚ ਬਲਜੀਤ ਸਿੰਘ, ਹਰਨੇਕ ਸਿੰਘ ਆਦਿ ਹਾਜ਼ਰ ਸਨ ।
