ਨਵੀਂ ਦਿੱਲੀ: ਉਤਰਾਖੰਡ, ਦਿੱਲੀ, ਹਰਿਆਣਾ ਅਤੇ ਪੰਜਾਬ, ਚੰਡੀਗੜ੍ਹ ‘ਚ ਕੱਲ੍ਹ (ਸੋਮਵਾਰ) ਦੀ ਰਾਤ ਭੂਚਾਲ ਦੇ ਜ਼ੋਰਦਾਰ ਝਟਕੇ ਮਹਿਸੂਸ ਕੀਤੇ ਗਏ। ਭੂ-ਵਿਗਿਆਨ ਬਿਊਰੋ ਵੱਲੋਂ ਦਿੱਤੀ ਗਈ ਜਾਣਕਾਰੀ ਮੁਤਾਬਕ ਭੂਚਾਲ ਦਾ ਕੇਂਦਰ ਉੱਤਰਾਖੰਡ ਵਿੱਚ ਰੁਦਰਪ੍ਰਯਾਗ ਵਿਖੇ ਸਥਿਤ ਸੀ। ਰਿਕਟਰ ਪੈਮਾਨੇ ’ਤੇ ਇਸ ਦੀ ਸ਼ਿੱਦਤ 5.8 ਮਾਪੀ ਗਈ। ਖ਼ਬਰ ਲਿਖੇ ਜਾਣ ਤੱਕ ਇਸ ਸਬੰਧੀ ਕਿਸੇ ਜਾਨੀ ਜਾਂ ਮਾਲੀ ਨੁਕਸਾਨ ਦੀ ਕੋਈ ਰਿਪੋਰਟ ਨਹੀਂ ਮਿਲੀ ਸੀ।
ਭੂਚਾਲ ਦੇ ਝਟਕੇ ਨਵੀਂ ਦਿੱਲੀ, ਪੰਜਾਬ, ਹਰਿਆਣਾ ਅਤੇ ਚੰਡੀਗੜ੍ਹ ਆਦਿ ਵਿੱਚ ਮਹਿਸੂਸ ਕੀਤੇ ਗਏ ਤੇ ਕਈ ਥਾਈਂ ਲੋਕ ਘਬਰਾ ਕੇ ਘਰਾਂ ਤੋਂ ਬਾਹਰ ਨਿਕਲ ਆਏ। ਭੂ-ਵਿਗਿਆਨ ਬਿਊਰੋ ਦੇ ਅਪਰੇਸ਼ਨਲ ਮੁਖੀ ਜੇ.ਐਲ. ਗੌਤਮ ਨੇ ਦੱਸਿਆ, “ਭੂਚਾਲ ਦਾ ਕੇਂਦਰ ਧਰਤੀ ਵਿੱਚ 33 ਕਿਲੋਮੀਟਰ ਦੀ ਡੂੰਘਾਈ ਉਤੇ ਸੀ ਤੇ ਇਹ ਰਾਤ 10.33 ਵਜੇ ਆਇਆ।”
ਗ਼ੌਰਤਲਬ ਹੈ ਕਿ ਉੱਤਰਾਖੰਡ ਹਿਮਾਲਿਆ ਪਰਬਤੀ ਪੱਟੀ ਵਿੱਚ ਪੈਂਦਾ ਹੈ, ਜੋ ਆਪਣੀਆਂ ਭੂਚਾਲ ਸਬੰਧੀ ਸਰਗਰਮੀਆਂ ਲਈ ਜਾਣਿਆ ਜਾਂਦਾ ਹੈ।
ਇਸ ਖ਼ਬਰ ਨੂੰ ਅੰਗ੍ਰੇਜ਼ੀ ਵਿਚ ਪੜ੍ਹਨ ਲਈ:
