ਪਟਿਆਲਾ,( 22 ਮਈ 2014):- 30 ਅਪ੍ਰੈਲ ਨੂੰ ਵੋਟਾਂ ਪੈਣ ਦੌਰਾਨ ਅਕਾਲੀ ਦਲ ਦੇ ਵਰਕਰਾਂ ਵੱਲੋਂ ਆਮ ਆਦਮੀ ਪਾਰਟੀ ਦੇ ਸਮਰਥੱਕਾਂ ਦੀ ਕੁੱਟ-ਮਾਟ ਕਰਨ ਦੇ ਕੇਸ ਵਿੱਚ ਪਟਿਆਲਾ ਦੀ ਇੱਕ ਅਦਾਲਤ ਨੇ ਪੰਜਾਬ ਪੁਲਿਸ ਨੂੰ ਉਚਿਤ ਧਾਰਾਵਾਂ ਅਧੀਨ ਪਰਚਾ ਨਾ ਦਰਜ਼ ਕਰਨ ਕਰਕੇ ਝਾੜ ਪਾਈ ਹੈ।
ਐਡੀਸ਼ਨਲ ਸ਼ੈਸਨ ਜੱਜ ਕੁਲਦੀਪ ਸਿੰਘ ਨੇ ਉਪਰੋਕਤ ਕੇਸ ਵਿੱਚ ਪੰਜ ਦੋਸ਼ੀਆਂ ਦੀ ਅਗਾਊਂ ਜ਼ਮਾਨਤ ਦੀ ਅਰਜ਼ੀ ਰੱਦ ਕਰ ਦਿੱਤੀ ਹੈ।
ਕੋਰਟ ਨੇ ਇਹ ਵੀ ਕਿਹਾ ਕਿਇਸ ਕੇਸ ਦੀ ਜਾਂਚ ਦੌਰਾਨ ਪੁਲਿਸ ਵੱਲੋਂ ਇਕ ਪਾਸੜ ਕਾਰਵਾਈ ਕੀਤੀ ਗਈ ਹੈ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਅਗਾਊਂ ਜ਼ਮਾਨਤ ਦੀ ਅਰਜ਼ੀ ‘ਤੇ ਦੋਵਾਂ ਪੱਖਾਂ ਦੀਆ ਦਲੀਲਾਂ ਸੁਨਣ ਤੋਂ ਬਾਅਦ ਜੱਜ ਨੇ ਕਿਹਾ ਕਿ” ਇਸ ਕੇਸ ਦੇ ਹਾਲਾਤ ਅਤੇ ਤੱਥਾਂ ਤੋਂ ਇਹ ਪਤਾ ਲੱਗਦਾ ਹੈ ਕਿ ਇਸ ਕੇਸ ਦੀ ਤਫਦੀਸ਼ ਵਿੱਚ ਪੁਲਸ ਵੱਲੋਂ ਇੱਕ ਪਾਸੜ ਕਾਰਵਾਈ ਕੀਤੀ ਗਈ ਹੈ ਅਤੇ ਦੋਸ਼ੀਆਂ ਵਿਰੁੱਧ ਇਸ ਅਪਰਾਧ ਲਈ ਧਾਰਾ 307 ਆਈ. ਪੀ. ਸੀ ਜਾਣਬੁਝ ਕੇ ਨਹੀਂ ਲਾਈ ਗਈ।
ਪੀੜਤ ਆਮ ਆਦਮੀੌ ਪਾਰਟੀ ਦੇ ਸਮਰਥਕਾਂ ਕਰਤਾਰ ਸਿੰਘ ਅਤੇ ਸ਼ਮਸ਼ੇਰ ਸਿੰਘ ਨੂੰ ਗੰਭੀਰ ਜ਼ਖਮ ਹੋਣ ਤੇ ਪੁਲਸ ਵੱਲੋਂ ਧਾਰਾ 307 ਅਧੀਨ ਪਰਚਾ ਦਰਜ਼ ਨਾ ਕਰਨ ਕਰਕੇ ਪੁਲਸ ਨੂੰ ਲੋਕਾਂ ਦੀ ਕਾਫੀ ਨੁਕਤਾਚੀਨੀ ਦਾ ਸ਼ਿਕਾਰ ਹੋਣਾ ਪਿਆ ਸੀ।
