ਲੰਡਨ (19 ਮਈ, 2015): ਸਾਹਿਬ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਮਹਾਰਾਜ ਵਲੋਂ ਚਲਾਈ ਹੋਈ ਦਮਦਮੀ ਟਕਸਾਲ ਦੇ ਜਥੇਦਾਰ ਮਹਾਨ ਸ਼ਹੀਦ ਸੰਤ ਜਰਨੈਲ ਸਿੰਘ ਜੀ ਖਾਲਸਾ ਭਿੰਡਰਾਂਵਾਲਿਆਂ ਦਾ ਮੰਡੀ ਗੋਬਿੰਦਗੜ੍ਹ ਵਿੱਚ ਸਿ਼ਵ ਸੈਨਿਕਾਂ ਵਲੋਂ ਪੁਤਲਾ ਸਾੜਨ ਦੀ ਕੋਸਿ਼ਸ਼ ਦੀ ਯੁਨਾਈਟਿਡ ਖਾਲਸਾ ਦਲ ਯੂ,ਕੇ ਵਲੋਂ ਸਖਤ ਨਿਖੇਧੀ ਕੀਤੀ ਗਈ ਹੈ ।
ਦਲ ਦੇ ਜਨਰਲ ਸਕੱਤਰ ਸ੍ਰ, ਲਵਸਿ਼ੰਦਰ ਸਿੰਘ ਡੱਲੇਵਾਲ ਵਲੋਂ ਵਲੋਂ ਇਹਨਾਂ ਗਿੱਦੜਾਂ ਨੂੰ ਆਪਣੇ ਫਿਰਕੂ ਆਗੂ ,ਲਾਲਾ ਜਗਤ ਨਰਾਇਣ,ਰਮੇਸ਼ ਅਤੇ ਹਰਬੰਸ ਲਾਲਾ ਖੰਨਾਵਰਗਿਆਂ ਦਾ ਹਸ਼ਰ ਹਰ ਵਕਤ ਯਾਦ ਰੱਖਣ ਦੀ ਨਸੀਹਤ ਦਿੰਦਿਆਂ ਪੁਰਾਤਨ ਅਤੇ ਵਰਤਮਾਨ ਸਿੱਖ ਇਤਿਹਾਸ ਨੂੰ ਪੜ੍ਹਨ ਅਤੇ ਵਾਚਣ ਦੀ ਸਲਾਹ ਦਿੱਤੀ ਗਈ ਹੈ ।
ਯੂਨਾਈਟਿਡ ਖਾਲਸਾ ਦਲ ਯੂ,ਕੇ ਵਲੋਂ ਦੁਨੀਆਂ ਭਰ ਦੇ ਲੋਕਾਂ ਨੂੰ ਮੁਖਾਤਿਬ ਹੁੰਦਿਆਂ ਆਖਿਆ ਗਿਆ ਕਿ ਸੰਤਾਂ ਦੇ ਸੰਤ ਅਤੇ ਜਰਨੈਲਾਂ ਦੇ ਜਰਨੈਲ ਸੰਤ ਭਿੰਡਰਾਂਵਾਲਿਆਂ ਨੇ ਆਪਣਾ ਇੱਕ ਇੱਕ ਸਾਹ ਕੌਮ ਦੇ ਲੇਖੇ ਲਗਾ ਦਿੱਤਾ । ਆਪਣੀ ਉਮਰ ਦੇ 37 ਸਾਲ ਅਤੇ ਚਾਰ ਦਿਨਾਂ ਵਿੱਚ ਉਹਨਾਂ ਜਿਹੜਾ ਵੀ ਸਾਹ ਲਿਆ ਜਾਂ ਜਿਹੜਾ ਵੀ ਕਦਮ ਪੁੱਟਿਆ ਉਹ ਕੌਮ ਦੇ ਭਲੇ ,ਕੌਮ ਦੀ ਚੜਦੀ ਕਲਾ ,ਕੌਮੀ ਅਜ਼ਾਦੀ ਅਤੇ ਪਰ ਉਪਕਾਰ ਲਈ ਪੁੱਟਿਆ ।
ਉਹਨਾਂ ਦਾ ਅੱਤ ਉੱਚਾ ਅਤੇ ਸੁੱਚਾ ਜੀਵਨ ਅਤੇ ਉਹਨਾਂ ਦੀ ਮਹਾਨ ਸ਼ਹਾਦਤ ਸਿੱਖ ਕੌਮ ਸਮੇਤ ਦੁਨੀਆਂ ਭਰ ਵਿੱਚ ਚੱਲ ਰਹੀਆਂ ਕੌਮੀ ਅਜ਼ਾਦੀ ਦੀਆਂ ਤਹਿਰੀਕਾਂ ਵਾਸਤੇ ਇੱਕ ਸੇਧ ਬਣ ਚੁੱਕੀ ਹੈ ।
ਸੰਤ ਭਿੰਡਰਾਂਵਾਲੇ ਸਿੱਖ ਕੌਮ ਦੇ ਦਿਲਾਂ ਦੀ ਧੜਕਣ ਦੇ ਸਮਾਨ ਹਨ ਅਤੇ ਉਹ ਸਾਡੇ ਸਾਹਾਂ ਵਿੱਚ ਵਸਦੇ ਹਨ । ਦੁਨੀਆਂ ਦੀ ਕੋਈ ਵੀ ਤਾਕਤ ਉਹਨਾਂ ਦਾ ਸਤਿਕਾਰ ਘਟਾ ਨਹੀਂ ਸਕਦੀ । ਉਹਨਾਂ ਦਾ ਅਪਮਾਨ ਸਿੱਖ ਕੌਮ ਬਰਦਾਸ਼ਤ ਨਹੀਂ ਕਰ ਸਕਦੀ । ਪਲਿਸ ਵਲੋਂ ਸਿ਼ਵ ਸੈਨਿਕਾਂ ਦੀ ਕਾਲੀ ਕਰਤੂਤ ਦਾ ਵਿਰੋਧ ਕਰਨ ਵਾਲੇ ਸਿੰਘਾਂ ਦੀਆਂ ਗ੍ਰਿਫਤਾਰੀਆਂ ਦੀ ਨਿਖੇਧੀ ਕਰਦਿਆਂ ਇਸਨੂੰ ਪੱਖਪਾਤੀ ਰਵੱਈਆ ਕਰਾਰ ਦਿੱਤਾ ਗਿਆ । ਗ੍ਰਿਫਤਾਰੀਆਂ ਦੇ ਉਹ ਸ਼ਰਾਰਤੀ ਅਤੇ ਫਿਰਕਪ੍ਰਸਤ ਹੱਕਦਾਰ ਹਨ ਜਿਹੜੇ ਵਾਰ ਵਾਰ ਸਿੱਖ ਕੌਮ ਦੀ ਅਣਖ ਨੂੰ ਵੰਗਾਰ ਰਹੇ ਹਨ ।
ਦੁਨੀਆਂ ਭਰ ਵਿੱਚ ਸੰਤ ਜਰਨੈਲ ਸਿੰਘ ਜੀ ਦੀ ਮਹਾਨ ਕੁਰਬਾਨੀ , ਉਹਨਾਂ ਦੀ ਅਗੰਮੀ ਅਤੇ ਅਦੁੱਤੀ ਸਖਸ਼ੀਅਤ ਦੇ ਵਿਦੇਸ਼ਾਂ ਵਿੱਚ ਜਨਮੇਂ ਉਹ ਨੌਜਵਾਨ ਹੱਦੋਂ ਵੱਧ ਕਾਇਲ ਹਨ ਜਿਹਨਾਂ ਦੇ ਜਨਮ ਵੀ ਜੂਨ 1984 ਦੇ ਘੱਲੂਘਾਰੇ ਤੋਂ ਬਾਅਦ ਹੋਏ ਹਨ । ਇਹ ਦੁਨੀਆਂ ਦੇ ਇਤਿਹਾਸ ਵਿੱਚ ਪਹਿਲੀ ਵਾਰ ਵਾਪਰ ਰਿਹਾ ਹੈ ਕਿ ਜਿਵੇਂ ਜਿਵੇਂ ਉਸ ਮਹਾਂਪੁਰਸ਼ ਸੱਤਵਾਦੀ ਦੀ ਸ਼ਹਾਦਤ ਦਾ ਸਮਾਂ ਬੀਤਦਾ ਜਾ ਰਿਹਾ ਹੈ ਤਿਵੇਂ ਤਿਵੇਂ ਉਸਦਾ ਰੰਗ ਹੋਰ ਗੂੜਾ ਹੁੰਦਾ ਜਾ ਰਿਹਾ ਹੈ ।
ਯੂਨਾਈਟਿਡ ਖਾਲਸਾ ਦਲ ਯੂ,ਕੇ ਵਲੋਂ ਅਕਾਲੀ ਦਲ ਪੰਚ ਪ੍ਰਧਾਨੀ ਦੇ ਅਗੂ ਬਾਬਾ ਹਰਦੀਪ ਸਿੰਘ ਤੇ ਹੋਏ ਕਾਤਲਾਨਾ ਹਮਲੇ ਦੀ ਨਿਖੇਧੀ ਕਰਦਿਆਂ ਇਸ ਨੂੰ ਪੰਜਾਬ ਦੀ ਅਖੌਤੀ ਪੰਥਕ ਸਰਕਾਰ ਦੀ ਕੋਜੀ ਅਤੇ ਕਮੀਨੀ ਚਾਲ ਆਖਿਆ ਕਿਉਂ ਕਿ ਬਾਬਾ ਹਰਦੀਪ ਸਿੰਘ ਦਾ ਸਾਰਾ ਜੀਵਨ ਸਿੱਖ ਸਿਧਾਂਤਾਂ ,ਸਿੱਖ ਕੌਮ ਦੀ ਚੜਦੀਕਲਾ ਨੂੰ ਸਮਰਪਤ ਰਿਹਾ ਹੈ।
ਸਮੇਂ ਸਮੇਂ ਦੀਆਂ ਸਰਕਾਰਾਂ ਨੇ ਹਰ ਹੀਲਾ ਵਰਤ ਕੇ ਉਹਨਾਂ ਨੂੰ ਝੁਕਾਉਣ ਦਾ ਯਤਨ ਕੀਤਾ ਪਰ ਉਹਨਾਂ ਦਾ ਸਿਦਕ ਹਮੇਸਾਂ ਕਾਇਮ ਰਿਹਾ । ਹਰ ਪਸਿਉਂ ਨਿਰਾਸ਼ ਬਾਦਲ ਦਲੀਆਂ ਨੇ ਹੁਣ ਇਹ ਕੋਝੀ ਅਤੇ ਅਤਿ ਨੀਵੇਂ ਦਰਜੇ ਦੀ ਕਾਲੀ ਕਰਤੂਤ ਕਰਦਿਆਂ ਉਹਨਾਂ ਤੇ ਕਾਤਲਾਨਾ ਹਮਲਾ ਕਰਵਾ ਦਿੱਤਾ ਹੈ । ਯੂਨਾਈਟਿਡ ਖਾਲਸਾ ਦਲ ਯੂ,ਕੇ ਵਲੋਂ ਪੰਜਾਬ ਭਰ ਦੇ ਸਿੱਖਾਂ ਨੂੰ ਅਜਿਹੇ ਕੌਮ ਪ੍ਰਸਤ ਸਿੱਖਾਂ ਦਾ ਸਾਥ ਦੇਣ ਦਾ ਸੱਦਾ ਦਿੱਤਾ ਗਿਆ ।
