ਨਿਊਯਾਰਕ (19 ਜਲਾਈ, 2015): ਬਾਦਲ ਦਲ ਦੇ ਆਗੂਆਂ ਅਤੇ ਮੰਤਰੀਆਂ ਨੂੰ ਇਸ ਸਮੇਂ ਵਿਦੇਸ਼ਾਂ ਵਿੱਚ ਬੈਠੇ ਸਿੱਖਾਂ ਦੇ ਗੁੱਸੇ ਅਤੇ ਨਰਾਜ਼ਗੀ ਦਾ ਸ਼ਿਕਾਰ ਹੋਣਾ ਪੈ ਰਿਹਾ ਹੈ।ਕੈਨੇਡਾ ਦੇ ਸ਼ਹਿਰ ਟਰਾਂਟੋ ਵਿੱਚ ਬਾਦਲ ਦਲ ਦੀ ਕਾਨਫਰੰਸ ਸਮੇਂ ਬਾਦਲ ਦਲ ਦੇ ਮੰਤਰੀਆਂ ਡਾ. ਦਲਜੀਤ ਸਿੰਘ ਚੀਮਾ, ਤੋਤਾ ਸਿੰਘ, ਸਿਕੰਦਰ ਸਿੰਘ ਮਲੂਕਾ ਅਤੇ ਮਹੇਸ਼ਇੰਦਰ ਗਰੇਵਾਲ ਦੇ ਸਥਾਨਿਕ ਸਿੱਖਾਂ ਵੱਲੋਂ ਵੱਲੋਂ ਹੋਏ ਕਰੜੇ ਵਿਰੋਧ ਤੋਂ ਬਾਅਦ ਇੱਥੇ ਪਹੁੰਚੇ ਪੰਜਾਬ ਦੇ ਪ੍ਰਵਾਸੀ ਮਾਮਲਿਆਂ ਦੇ ਮੰਤਰੀ ਤੋਤਾ ਸਿੰਘ ਨੂੰ ਸਿੱਖਾਂ ਦੇ ਇੱਕ ਵਰਗ ਦੇ ਗੁੱਸੇ ਦਾ ਸ਼ਿਕਾਰ ਹੋਣਾ ਪਿਆ।
ਬਾਦਲ ਦਲ ਦੀ ਪੰਥਕ ਮੱਦਿਆਂ ਤੋਂ ਕਿਨਾਰਾਕਸ਼ੀ ਕਰਨ ਕਰਕੇ ਤੋਤਾ ਸਿੰਘ ਅਤੇ ਨਾਲ ਗਏ ਆਗੂਆਂ ‘ਤੇ ਜੁੱਤੀ ਸੁੱਟੀ ਗਈ ਅਤੇ ਕਾਰ ‘ਤੇ ਪਥਰਾਅ ਕੀਤਾ ਗਿਆ। ਪੁਲਿਸ ਨੇ ਇਸ ਮਾਮਲੇ ਵਿੱਚ ਦੋ ਸਿੱਖਾਂ ਨੂੰ ਗ੍ਰਿਫਤਾਰ ਕੀਤਾ ਹੈ।
ਤੋਤਾ ਸਿੰਘ ਅਤੇ ਹੋਰ ਬਾਦਲ ਦਲ ਦੇ ਅਾਗੂਅਾਂ ਨੇ ਸ਼ਨਿਚਰਵਾਰ ਨੂੰ ਕੁੲੀਨਜ਼ ਬਰੋਅ ਦੇ ਰਿਚਮੰਡ ਹਿਲ ਵਿਖੇ ਬੈਠਕ ਨੂੰ ਸੰਬੋਧਨ ਕਰਨਾ ਸੀ। ‘ਸਿੱਖਸ ਫਾਰ ਜਸਟਿਸ’ (ਅੈਸਅੈਫਜੇ) ਵੱਲੋਂ ਦਿੱਤੀ ਗੲੀ ਜਾਣਕਾਰੀ ਮੁਤਾਬਕ ੲਿਸ ਮੌਕੇ ਸੈਂਕਡ਼ੇ ਸਿੱਖ ਨਾਅਰੇ ਲਾੳੁਂਦੇ ਹੋੲੇ ਪੰਜਾਬ ਦੇ ਅਾਗੂਅਾਂ ਦਾ ਵਿਰੋਧ ਕਰਨ ਲਗ ਪੲੇ ਅਤੇ ੳੁਨ੍ਹਾਂ ਨੂੰ ਘੇਰ ਲਿਅਾ। ਕਰੀਬ ਤਿੰਨ ਘੰਟਿਅਾਂ ਦੇ ਵਿਰੋਧ ਤੋਂ ਬਾਅਦ ਪੁਲੀਸ ਮੌਕੇ ’ਤੇ ਪਹੁੰਚੀ ਅਤੇ ਤੋਤਾ ਸਿੰਘ ਸਮੇਤ ਹੋਰ ਅਾਗੂਅਾਂ ਨੂੰ ੳੁਥੋਂ ਸੁਰੱਖਿਅਤ ਕੱਢਿਅਾ ਗਿਅਾ।
‘ਸਿੱਖਸ ਫਾਰ ਜਸਟਿਸ’ਦੇ ਕਾਨੂੰਨੀ ਸਲਾਹਕਾਰ ਗੁਰਪਤਵੰਤ ਸਿੰਘ ਪੰਨੂੰ ਨੇ ਕਿਹਾ ਕਿ ੳੁਤਰੀ ਅਮਰੀਕਾ ਦੀਅਾਂ ਸਿੱਖ ਜਥੇਬੰਦੀਅਾਂ ਅਕਾਲੀ ਦਲ (ਬਾਦਲ) ਦਾ ੲਿਸ ਲੲੀ ਵਿਰੋਧ ਕਰ ਰਹੀਅਾਂ ਹਨ ਕਿੳੁਂਕਿ ੳੁਹ 1990 ਵਿਆਂ ਦੇ ਦਹਾਕੇ ’ਚ ਖਾੜਕੂਵਾਦ ਦੌਰਾਨ ਝੂਠੇ ਪੁਲਿਸ ਮੁਕਾਬਲਿਆਂ ਅਤੇ ਪੁਲਿਸ ਹਿਰਾਸਤ ਵਿੱਚ ਹਜ਼ਾਰਾਂ ਸਿੱਖਾਂ ਦੇ ਹੋਏ ਕਤਲਾਂ ਦੇ ’ਚ ਸ਼ਾਮਲ ਦੋਸ਼ੀ ਪੁਲੀਸ ਅਧਿਕਾਰੀਅਾਂ ਨੂੰ ਸਜ਼ਾਵਾਂ ਦਿਵਾੳੁਣ ’ਚ ਨਾਕਾਮ ਰਹੇ।
