Indian Parliament Election 2014

ਜਲੰਧਰ, (7 ਮਈ 2014):- ਪੰਜਾਬ ਵਿੱਚ ਹਾਲ ਹੀ ਵਿੱਚ ਹੋਈਆਂ ਭਾਰਤੀ ਪਾਰਲੀਮੈਂਟ ਦੀਆਂ ਚੋਣਾ ਵਿੱਚ ਪੰਜਾਬ ਦੇ ਡੇਰਿਆਂ ਦੀ ਸਿਆਸਤ ਦਾ ਰੰਗ ਫਿੱਕਾ ਰਿਹਾ ਅਤੇ ਵੱਖ ਵੱਖ ਰਾਜਸੀ ਪਾਰਟੀਆਂ ਦੇ ਆਗੂਆਂ ਨੇ ਵੀ ਡੇਰਿਆਂ ਦੇ ਦਰਾਂ ਨੱਕ ਰਗੜਨ ਵਿੱਚ ਬਹੁਤੀ ਦਿਲਚਸਪੀ ਨਹੀਂ ਵਿਖਾਈ। ਸਾਲ 2002 ਅਤੇ 2007 ਦੀ ਵਿਧਾਨ ਸਭਾ ਚੋਣ ਅਤੇ 2004 ਤੇ 2009 ਦੀ ਲੋਕ ਸਭਾ ਚੋਣ ਵਿਚ ਬਾਬਿਆਂ ਦੀ ਵੋਟ ਦੀ ਚੜ੍ਹਤ ਰਹੀ ਸੀ ਤੇ ਰਾਜਸੀ ਪਾਰਟੀਆਂ ਨੇ ਵੱਖ-ਵੱਖ ਡੇਰਿਆਂ ਦੇ ਮੁਖੀਆਂ ਨੂੰ ਆਪੋ-ਆਪਣੇ ਪੱਖ ਵਿਚ ਕਰਨ ਲਈ ਅੱਡੀ ਚੋਟੀ ਦਾ ਜ਼ੋਰ ਲਗਾਇਆ।

ਅੰਮ੍ਰਿਤਸਰ.(7 ਮਈ 2014):- ਭਾਰਤ 'ਚ 16ਵੀਂ ਲੋਕ ਸਭਾ ਦੇ ਨਿਰਮਾਣ ਲਈ ਜਾਰੀ ਆਮ ਚੋਣਾਂ ਜਿਥੇ ਨਵੀਂ ਕੇਂਦਰ ਸਰਕਾਰ ਦੀ ਸਥਾਪਤੀ ਦੇ 16 ਮਈ ਨੂੰ ਬੂਹੇ ਖੋਹਲਣਗੀਆਂ ਉਥੇ ਹਮੇਸ਼ਾ ਨਾਲੋਂ ਕੁੱਝ ਵੱਖਰੇ ਜਜ਼ਬੇ ਅਤੇ ਅੰਦਾਜ਼ ਨਾਲ ਹੋਈਆਂ ਉਕਤ ਚੋਣਾਂ ਦੇ ਨਤੀਜੇ ਪੰਜਾਬ ਦੀ ਰਾਜਨੀਤੀ 'ਚ ਵਿਸ਼ੇਸ਼ ਪ੍ਰਭਾਵ ਦਿੰਦਿਆਂ ਨਵੇਂ ਸਮੀਕਰਨ ਪੈਦਾ ਕਰ ਸਕਦੇ ਹਨ। ਜਿਨ੍ਹਾਂ ਤਹਿਤ ਸੂਬੇ 'ਚ ਗਠਜੋੜ ਭਾਈਵਾਲ ਅਕਾਲੀ-ਭਾਜਪਾ ਦੇ ਆਪਸੀ ਸਬੰਧ, ਨਵੀਂ ਨਵੇਲੀ ਆਮ ਆਦਮੀ ਪਾਰਟੀ ਦਾ ਭਵਿੱਖ ਅਤੇ ਕਾਂਗਰਸ ਦੀ ਸੂਬਾ ਇਕਾਈ ਦਾ ਆਧਾਰ ਦਾਅ 'ਤੇ ਹੋਵੇਗਾ।