ਪਟਿਆਲਾ: ਅੱਜ ਭਾਈ ਬਲਵੰਤ ਸਿੰਘ ਰਾਜੋਆਣਾ ਦੀ ਭੈਣ ਕਮਲਦੀਪ ਕੌਰ ਵੱਲੋਂ ਭਾਈ ਰਾਜੋਆਣਾ ਦੀ ਇੱਕ ਹੱਥਲਿਖਤ ਚਿੱਠੀ ਜਾਰੀ ਕੀਤੀ ਗਈ ਜਿਸ ਵਿੱਚ ਉਨ੍ਹਾਂ ਕਿਹਾ ਕਿ ਗੁਰਮੀਤ ਪਿੰਕੀ ਅਤੇ ਕੰਵਰ ਸੰਧੂ ਵੱਲੋਂ ਸਰਕਾਰੀ ਇਸ਼ਾਰੇ ਤੇ ਉਨ੍ਹਾਂ ਨੂੰ ਬਦਨਾਮ ਕਰਨ ਦੀ ਸਾਜਿਸ਼ ਕੀਤੀ ਜਾ ਰਹੀ ਹੈ।
ਜਿਕਰਯੋਗ ਹੈ ਕਿ ਗੁਰਮੀਤ ਪਿੰਕੀ ਵੱਲੋਂ ਪੱਤਰਕਾਰ ਕੰਵਰ ਸੰਧੂ ਨੂੰ ਦਿੱਤੀ ਗਈ ਇੰਟਰਵਿਊ ਵਿੱਚ ਕਿਹਾ ਗਿਆ ਸੀ ਕਿ ਭਾਈ ਰਾਜੋਆਣਾ ਨੇ ਭਾਈ ਜਗਤਾਰ ਸਿੰਘ ਹਵਾਰਾ ਅਤੇ ਸਾਥੀਆਂ ਵੱਲੋਂ ਜੇਲ ਤੋੜਨ ਦੀ ਬਣਾਈ ਯੋਜਨਾ ਦੀ ਸੂਹ ਉਸ ਨੂੰ ਦਿੱਤੀ ਸੀ, ਜਿਸ ਕਾਰਨ ਉਨ੍ਹਾਂ ਦੀ ਉਹ ਯੋਜਨਾ ਕਾਮਯਾਬ ਨਹੀਂ ਹੋ ਸਕੀ ਸੀ।
ਪਰ ਭਾਈ ਰਾਜੋਆਣਾ ਨੇ ਪਿੰਕੀ ਵੱਲੋਂ ਕੀਤੇ ਇਸ ਦਾਅਵੇ ਨੂੰ ਝੂਠ ਦੱਸਦਿਆਂ ਕਿਹਾ ਹੈ ਕਿ ਜੇ ਪਿੰਕੀ ਉਨ੍ਹਾਂ ਨੂੰ ਕਦੇ ਜੇਲ ਵਿੱਚ ਮਿਲਣ ਆਇਆ ਹੈ ਤਾਂ ਉਹ ਉਸ ਦਾ ਰਿਕਾਰਡ ਪੇਸ਼ ਕਰੇ ਅਤੇ ਜਿਹੜੀਆਂ ਚਿੱਠੀਆਂ ਉਹ ਉਨ੍ਹਾਂ ਵੱਲੋਂ ਲਿਖੇ ਜਾਣ ਦੀ ਗੱਲ ਕਰਦਾ ਹੈ ਉਨ੍ਹਾਂ ਚਿੱਠੀਆਂ ਨੂੰ ਪੇਸ਼ ਕਰੇ।
ਜਿਕਰਯੋਗ ਹੈ ਕਿ ਅੱਜ ਪੱਤਰਕਾਰ ਕੰਵਰ ਸੰਧੂ ਜਦੋਂ ਭਾਈ ਰਾਜੋਆਣਾ ਦੀ ਇੰਟਰਵਿਊ ਕਰਨ ਜੇਲ ਵਿੱਚ ਗਏ ਤਾਂ ਭਾਈ ਰਾਜੋਆਣਾ ਨੇਂ ਕੰਵਰ ਸੰਧੂ ਨਾਲ ਮਾਰ ਕੁੱਟ ਕੀਤੀ। ਉਸ ਸਮੇਂ ਮੌਕੇ ਤੇ ਗੁਰਮੀਤ ਪਿੰਕੀ ਵੀ ਮੋਜੂਦ ਸੀ।
