ਪਟਿਆਲਾ ( 20 ਮਾਰਚ, 2016): ਪੰਜਾਬੀ ਯੂਨੀਵਰਸਿਟੀ ਵੱਲੋਂ ਦੁਰਲੱਭ ਪੁਸਤਕਾਂ, ਅਖਬਾਰਾਂ, ਹੱਥ ਲਿਖਤ ਖਰੜਿਆਂ ਅਤੇ ਰਸਾਲਿਆਂ ਨੂੰ ਰੱਦੀ ਵਿੱਚ ਵੇਚਣ ਦਾ ਮਾਮਲਾ ਸਾਹਮਣੇ ਆਇਆ ਹੈ।
ਇਸ ਮੁੱਦੇ ਨੂੰ ਜਨਤਕ ਕਰਨ ਵਿੱਚ ਮੋਹਰੀ ਭੁਮਿਕਾ ਨਿਭਾਉਣ ਵਾਲੇ ਵਿਦਿਆਰਥੀ ਰਣਜੀਤ ਸਿੰਘ ਨੇ ਸਿੱਖ ਸਿਆਸਤ ਨਾਲ ਗੱਲ ਕਰਦਿਆਂ ਦੱਸਿਆ ਕਿ ਦੁਰਲੱਭ ਕਿਸਮ ਦੀਆਂ ਅਖਬਾਰਾਂ ਜਿਵੇਂ ਕਿ ਖਾਲਸਾ ਸਮਾਚਾਰ, ਪੰਜਾਬੀ ਰਸਾਲਾ ਨਿਰਗੁਨਆਰਾ, ਕੁਰਾਨ ਅਤੇ ਬਾਈਬਲ ਦੀਆਂ ਕਾਪੀਆਂ ਰੱਦੀ ਦੇ ਰੂਪ ਵਿੱਚ ਭੇਜੀਆਂ ਜਾ ਰਹੀਆਂ ਸਨ।
ਯੂਨੀਵਰਸਿਟੀ ਦੇ ਪੀਐੱਚਡੀ ਦੇ ਵਿਦਿਆਰਥੀ ਜਗਤਾਰ ਸਿੰਘ ਨੇ ਦੱਸਿਆ ਕਿ ਉਸਦੇ ਇੱਕ ਦੋਸਤ ਨੇ ਉਸਨੂੰ ਦੱਸਿਆ ਕਿ ਯੂਨੀਵਰਸਿਟੀ ਦੀ ਡਾ. ਗੰਡਾ ਸਿੰਘ ਲਾਇਬਰੇਰੀ ਵਿੱਚੋਂ ਕਿਤਾਬਾਂ , ਅਖਬਾਰਾਂ, ਰਸਾਲਿਆਂ ਦਾ ਟਰੱਕ ਭਰ ਕੇ ਬਾਹਰ ਭੇਜਿਆ ਜਾ ਰਿਹਾ ਹੈ ਅਤੇ ਉਨ੍ਹਾਂ ਮੈਂਨੂੰ ਕਿਹਾ ਕਿ ਮੈਂ ਆਪ ਜਾ ਕੇ ਵੇਖਾਂ ਕਿ ਕੀ ਗੱਕ ਹੈ। ਜਦੋ ਨੈ ਮੌਕੇ ‘ਤੇ ਪੁੱਜਿਆ ਤਾਂ ਦੇਖਿਆ ਕਿ ਦੁਰਲੱਭ ਦਸਤਾਵੇਜ਼ ਟਰੱਕ ਵਿੱਚ ਲੱਦੇ ਜਾ ਰਹੇ ਸਨ।
ਵਿਦਿਆਰਥੀ ਰਣਜੀਤ ਸਿੰਘ ਨੇ ਦੱਸਿਆ ਕਿ ਜਦੋਂ ਵਿਦਿਆਰਥੀਆਂ ਨੇ ਲਾਇਬਰੇਰੀ ਦੀ ਮੁਖੀ ਕੋਲੋ ਇਸ ਬਾਰੇ ਪੁੱਛਿਆ ਤਾਂ ਉਸਨੇ ਕਿਹਾ ਕਿ ਯੁਨੀਵਰਸਿਟੀ ਕੋਲ ਇਨ੍ਹਾਂ ਦੀਆਂ ਅਸਲ ਕਾਪੀਆਂ ਹਨ ਅਤੇ ਸਿਰਫ ਨਕਲਾਂ ਵੀ ਵੇਚੀਆਂ ਜਾ ਰਹੀਆਂ ਹਨ।ਪਰ ਜਦੋਂ ਇਨਾਂ ਦਸਤਾਵੇਜਾਂ ਦੀਆਂ ਹੋ ਕਾਪੀਆਂ ਵਿਖਾਉਣ ਲਈ ਕਿਹਾ ਤਾਂ ਉਹ ਵਿਖਾਂ ਨਹੀਂ ਸਕੇ।
ਇਸ ਰਿਪੋਰਟ ਨੂੰ ਵਿਸਥਾਰ ਸਾਹਿਬ ਪੜ੍ਹਨ ਲਈ ਵੇਖੋ:
EXCLUSIVE VIDEO REPORT: On Dumping Away Rare Documents in Punjabi University
ਮਾਮਲੇ ਨੂੰ ਗੰਭੀਰ ਹੁੰਦਿਆਂ ਵੇਖ ਕੇ ਲਾਇਬਰੇਰੀ ਦੀ ਮੁਖੀ ਬੀਬੀ ਨੇ ਅਸਤੀਫਾ ਦੇ ਦਿੱਤਾ ਅਤੇ ਦਸਤਾਵੇਜ਼ਾਂ ਨਾਲ ਬਰੇ ਟਰੱਕ ਨੂੰ ਖਲਾੀ ਕਰ ਦਿੱਤਾ। ਯੁਨੀਵਰਸਿਟੀ ਨੇ ਮਾਮਲੇ ਦੀ ਜਾਂਚ ਲਈ ਚਾਰ ਮੇਂਬਰੀ ਕਮੇਟੀ ਬਣਾ ਦਿੱਤੀ ਹੈ।
ਸਿੱਖ ਸਿਆਸਤ ਦੀ ਟੀਮ 15 ਮਾਰਚ ਸ਼ਾਮ ਨੂੰ ਪੰਜਾਬੀ ਯੁਨੀਵਰਸਿਟੀ ਪਹੁੰਚੀ ਨੇ ਵੇਖਿਆ ਕਿ ਰੱਦੀ ਦੇ ਰੂਪ ਵਿੱਚ ਵੇਚੇ ਜਾ ਰਹੇ ਦਸਤਾਵੇਜ਼ਾਂ ਵਿੱਚ ਵੱਡੀ ਗਿਣਤੀ ਵਿੱਚ 1984-85 ਦੇ ਉਸ ਦੌਰ ਨਾਲ ਸਬੰਧਿਤ ਹਨ, ਜਦੋਂ ਭਾਰਤੀ ਹਕੂਮਤ ਵੱਲੋਂ ਪੰਜਾਬ ਵਿੱਚ ਉੱਠੀ ਸਿੱਖ ਅਜ਼ਾਦੀ ਦੀ ਲਹਿਰ ਨੂੰ ਦਬਾਉਣ ਲਈ ਯਤਨ ਕਰ ਰਹੀ ਸੀ ।
