ਜਕਾਰਤਾ (16 ਅਗਸਤ, 2015): ਇੰਡੋਨੇਸ਼ੀਆ ਵਿਚ ਅੱਜ ਇੱਕ ਯਾਤਰੀ ਜਹਾਜ਼ ਹਾਦਸੇ ਦਾ ਸ਼ਿਕਾਰ ਹੋ ਗਿਆ ਅਤੇ ਇਸ ਵਿਚ ਸਵਾਰ ਸਾਰੇ 54 ਵਿਅਕਤੀਆਂ ਦੇ ਮਾਰੇ ਜਾਣ ਦਾ ਖਦਸ਼ਾ ਹੈ।
ਇੰਡੋਨੇਸ਼ੀਆ ਦੇ ਟ੍ਰਾਂਸਪੋਰਟ ਮੰਤਰੀ ਜੁਲੀਅਨ ਬਰਾਟਾ ਨੇ ਦੱਸਿਆ ਕਿ ਤਿ੍ਗਾਨ ਏਅਰ ਸਰਵਿਸ ਦਾ ਜਹਾਜ਼ ਨੇ ਪਾਪੂਆ ਪ੍ਰਾਂਤ ਦੀ ਰਾਜਧਾਨੀ ਜਯਾਪੁਰਾ ਤੋਂ ਓਕਸੀਬਲ ਸ਼ਹਿਰ ਲਈ ਉਡਾਣ ਭਰੀ ਸੀ ਅਤੇ ਇਸ ਵਿਚ 49 ਯਾਤਰੀ ਅਤੇ ਚਾਲਕ ਦਲ ਦੇ 5 ਮੈਂਬਰ ਸਵਾਰ ਸਨ ।
ਉਨ੍ਹਾਂ ਦੱਸਿਆ ਕਿ ਜਹਾਜ਼ ਦਾ ਅੱਜ ਦੁਪਹਿਰ ਸਮੇਂ ਕੰਟਰੋਲ ਰੂਮ ਨਾਲੋਂ ਸੰਪਰਕ ਟੁੱਟ ਗਿਆ । ਤਿ੍ਗਾਨ ਏਅਰ ਸਰਵਿਸ ਦੇ ਅਪ੍ਰੇਸ਼ਨ ਡਾਇਰੈਕਟਰ ਬੇਨੀ ਸੁਮਾਰਾਂਟੋ ਨੇ ਦੱਸਿਆ ਕਿ ਇੰਡੋਨੇਸ਼ੀਆ ਤੋਂ ਕਾਫੀ ਦੂਰ ਪਹਾੜੀ ਖੇਤਰ ਦੇ ਪਾਪੂਆ ਰਾਜ ਦੇ ਪੇਂਡੂ ਲੋਕਾਂ ਨੇ ਜਹਾਜ਼ ਦਾ ਮਲਬਾ ਵੇਖਣ ਦੀ ਗੱਲ ਕਹੀ ਹੈ ।
ਇੰਡੋਨੇਸ਼ੀਆ ਦੇ ਆਵਾਜਾਈ ਮੰਤਰੀ ਨੇ ਵੀ ਜਹਾਜ਼ ਦੇ ਹਾਦਸਾਗ੍ਰਸਤ ਹੋਣ ਦੀ ਪੁਸ਼ਟੀ ਕਰਦਿਆਂ ਕਿਹਾ ਕਿ ਜਹਾਜ਼ ਦਾ ਮਲਬਾ ਓਕਸੀਬਲ ‘ਚ ਮਿਲਿਆ ਹੈ, ਜਿਥੇ ਉਸ ਨੂੰ ਉਤਾਰਿਆ ਜਾਣਾ ਸੀ । ਉਨ੍ਹਾਂ ਦੱਸਿਆ ਕਿ ਇਸ ਹਾਦਸੇ ‘ਚ ਕੋਈ ਵੀ ਯਾਤਰੀ ਜਿਊਾਦਾ ਬਚਿਆ ਹੈ ਜਾਂ ਨਹੀਂ ਅਜੇ ਇਸ ਦੀ ਜਾਣਕਾਰੀ ਨਹੀਂ ਹੈ ।
ਜ਼ਿਕਰਯੋਗ ਹੈ ਕਿ ਜਹਾਜ਼ ਨੇ ਸਵੇਰੇ ਪਾਪੂਆ ਰਾਜ ਦੀ ਰਾਜਧਾਨੀ ਜਯਾਪੁਰਾ ਤੋਂ ਓਕਸੀਬਲ ਲਈ ਉਡਾਣ ਭਰੀ ਸੀ, ਜਿਸ ਦਾ 42 ਮਿੰਟ ਬਾਅਦ ਹਵਾਈ ਆਵਾਜਾਈ ਕੰਟਰੋਲ ਰੂਮ ਨਾਲ ਸੰਪਰਕ ਟੁੱਟ ਗਿਆ ਸੀ । ਏਜੰਸੀ ਦੇ ਅਧਿਕਾਰਕ ਟਵੀਟਰ ਅਕਾਊਾਟ ਅਨੁਸਾਰ ਜਹਾਜ਼ ‘ਚ 44 ਬਾਲਗ ਯਾਤਰੀ, 5 ਬੱਚੇ ਤੇ ਚਾਲਕ ਦਲ ਦੇ 5 ਮੈਂਬਰ ਸਵਾਰ ਸਨ ।
