November 27, 2020

ਪੰਜਾਬ ਵਿੱਚ ਬੀਤੇ ਦੋ ਮਹੀਨਿਆਂ ਤੋਂ ਜੋ ਕੁਝ ਅਤੇ ਜਿਸ ਪੱਧਰ 'ਤੇ ਵਾਪਰ ਰਿਹਾ ਹੈ ਉਸ ਦਾ ਸ਼ਾਇਦ ਕਿਸੇ ਨੇ ਵੀ ਇੰਝ ਵਾਪਰਨ ਦਾ ਅੰਦਾਜ਼ਾ ਨਹੀਂ ਸੀ ਲਗਾਇਆ। ਪਰਗਟ ਹੋਏ ਇਸ ਰੌਅ ਦੇ ਵੇਗ ਅਤੇ ਇਸ ਦੀ ਰਫਤਾਰ ਇੰਨੀ ਜੋਰਾਵਰ ਅਤੇ ਤੇਜ ਹੈ ਕਿ ਕਿਸੇ ਹੋਰਸ ਕੋਲੋਂ ਇਸ ਨਾਲ ਰਲ ਨਹੀਂ ਹੋ ਰਿਹਾ। ਵੱਡੇ ਵਸੀਲਿਆਂ ਵਾਲੀਆਂ ਸਰਕਾਰਾਂ ਦੀਆਂ ਰੋਕਾਂ ਵੀ ਇਸ ਰੌਅ ਦੇ ਵੇਗ ਅੱਗੇ ਕੱਖ-ਕਾਨਿਆਂ ਵਾਙ ਉਡਦੀਆਂ ਸਭ ਨੇ ਆਪਣੀਂ ਅੱਖੀ ਵੇਖ ਲਈਆਂ ਹਨ। ਸ਼ੰਭੂ ਨਾਕੇ ਦੇ ਪੁਲ ਉੱਤੇ ਲਗਾਏ ਗਏ ਬੈਰੀਗੇਟ ਅਸਲ ਵਿੱਚ ਦਿੱਲੀ ਤਖਤ ਦਾ ਹੰਕਾਰ ਸੀ ਜਿਸ ਨੂੰ ਪੰਜਾਬ ਦੇ ਵਾਰਿਸਾਂ ਨੇ ਪੁੱਟ ਨੇ ਘੱਗਰ ਦਰਿਆ ਵਿੱਚ ਵਗਾ ਮਾਰਿਆ।