ਮੋਹਾਲੀ(28 ਮਈ 2014): ਸਿੱਖ ਧਰਮੀ ਫੌਜੀ ਜੂਨ 1984 ਪਰਿਵਾਰ ਵੈਲਫੇਅਰ ਐਸੋਸੀਏਸ਼ਨ ਦੇ ਪ੍ਰਧਾਨ ਸ. ਬਲਦੇਵ ਸਿੰਘ ਗੁਰਦਾਸਪੁਰ ਨੇ ਪਤੱਰਕਾਰਾਂ ਨੂੰ ਜਾਣਕਾਰੀ ਦਿੰਦਿਆਂ ਦਸਿਆ ਕਿ 29 ਸਾਲਾਂ ਤੋਂ ਧਰਮੀ ਫੌਜੀਆਂ ਵੱਲੋਂ ਆਪਣੀਆਂ ਮੰਗਾ ਲਈ ਲੰਮਾ ਸੰਘਰਸ਼ ਕੀਤਾ ਗਿਆ ਪਰ ਬਾਦਲ ਦੀਆਂ ਸਿੱਖ ਮਾਰੂ ਨੀਤੀਆਂ ਕਾਰਨ ਪੰਥ ਖਾਤਰ ਆਪਣਾ ਸਭ ਕੁਝ ਧਾਅ ‘ਤੇ ਲਾਉਣ ਵਾਲਿਆਂ ਦੇ ਪੱਲੇ ਖੱਜਲ ਖੁਆਰੀ ਤੋਂ ਵਿਾਏ ਕੂਝ ਨਹੀਂ ਪਿਆ।
ਬੀਤੀ 17ਫਰਵਰੀ ਤੋਂ ਸਿੱਖ ਧਰਮੀ ਫੋਜ਼ੀਆਂ ਦਾ ਧਰਨਾ ਸ਼ੁਰੂ ਹੋਕੇ ਬਾਦਲ ਸਰਕਾਰ ਦੀ ਸਿੱਖ ਮਾਰੂ ਨੀਤੀਆਂ ਸਦਕਾ ਧਰਮੀ ਫੋਜ਼ੀਆਂ ਦਾ ਧਰਨਾ 100ਵਾਂ ਦਿਨ ਪੂਰੇ ਹੋਣ ਤੇ ਓ ਐਸ ਡੀ ਸੁਰਜੀਤ ਸਿੰਘ ਨਾਲ ਹੋਈ ਮੀਟਿੰਗ ਤੋਂ ਬਾਅਦ ਵੀ ਇਹ ਮਸਲਾ ਹੱਲ ਨਹੀਂ ਹੋ ਸਕਿਆ।ਪਿਛਲੇ 29ਸਾਲ ਧਰਮੀ ਫੋਜ਼ੀਆਂ ਨੇਂ ਇਸੇ ਤਰਾਂ ਲਾਰੇ ਸੁਣ ਕੇ ਹੀ ਲੰਘਾਏ ਹਨ। ਉਨਾਂ ਕਿਹਾ ਕਿ ਬਾਦਲ ਸਰਕਾਰ ਦਾ ਲਾਰਾ ਹੁਣ ਧਰਮੀ ਫੋਜ਼ੀਆਂ ਵਿਚ ਹੀ ਨਹੀਂ ਰਿਹਾ ਸਗੋਂ ਸਿੱਖ ਭਾਈਚਾਰੇ ‘ਚ ਵੀ ਚਰਚਾ ਦਾ ਵਿਸ਼ਾ ਬਣ ਚੁੱਕਾ ਹੈ ।
ਭਾਰਤੀ ਫੌਜ ਵੱਲੋ ਜੂਨ 1984 ਵਿਚ ਸਿੱਖਾਂ ਦੇ ਮੁਕੱਦਸ ਅਸਥਨ ਸ਼੍ਰੀ ਦਰਬਾਰ ਸਾਹਿਬ ‘ਤੇ ਕੀਤੇ ਹਮਲੇ ਸਮੇ ਧਰਮ ਦੀ ਖਾਤਿਰ ਜਾਨਾਂ ਵਾਰਨ ਵਾਲੇ ਅਤੇ ਬੈਰਕਾਂ ਛਡੱਣ ਵਾਲੇ ਧਰਮੀ ਫੋਜੀਆਂ ਵਲੋਂ ਆਪਣੀਆਂ ਹੱਕੀ ਮੰਗਾਂ ਲਈ ਸਾਹਿਬਜ਼ਾਦਾ ਅਜੀਤ ਸਿੰਘ ਨਗਰ ਵਿਖੇ ਸਥਿਤ ਇਤਿ. ਗੁਰਦੁਆਰਾ ਅੰਬ ਸਾਹਿਬ ਦੇ ਸਾਹਮਣੇ 17ਫਰਵਰੀ ਤੋਂ ਲਗਾਤਾਰ ਧਰਨਾ ਦਿਤਾ ਜਾ ਰਿਹਾ ਹੈ। ਸ. ਬਲਦੇਵ ਸਿੰਘ ਨੇ ਕਿਹਾ ਕਿ ਪੰਥਕ ਅਖਵਾਊਣ ਵਾਲੀ ਸਰਕਾਰ ਦੇ ਕਾਰਜ਼ ਕਾਲ ਦੋਰਾਨ ਧਰਮੀ ਫੋਜੀਆਂ ਦੇ ਧਰਨੇ ਦੀ ਇਕ ਸੈਂਚੁਰੀ ਪੂਰੀ ਹੋ ਜਾਣ ਨਾਲ ਪੰਥਕ ਸਰਕਾਰ ਦਾ ਅਸਲੀ ਚਿਹਰਾ ਸਾਹਮਣੇ ਆ ਗਿਆ ਹੈ।
ਉਨਾਂ ਕਿਹਾ ਕਿ ਪੰਜਾਬ ਵਿਚ ਹਮੇਸ਼ਾਂ ਉਸ ਪਾਰਟੀ ਕੋਲ ਹੀ ਸਤਾ ਆਈ ਹੈ ਜਿਸਨੇ ਸਿੱਖ ਕੌਮ ਨੂੰ ਭਰੋਸੇ ਵਿਚ ਲਿਆ ਹੈ। ਇਸ ਵਾਰ ਲੋਕ ਸਭਾ ਚੋਣਾਂ ਵਿਚ ਬਾਦਲ ਦਲ ਨੂੰ ਹਾਰ ਦਾ ਮੂੰਹ ਵੀ ਇਸ ਲਈ ਵੇਖਣਾ ਪਿਆ ਕਿਉਂਕਿ ਸਿੱਖ ਕੌਮ ਨਾਲ ਕੀਤੇ ਵਾਅਦੇ ਪੂਰੇ ਨਹੀਂ ਕੀਤੇ ਅਤੇ ਸਗੋਂ ਉਨਾਂ ਨੂੰ ਲਟਕਾਇਆ ਗਿਆ ਹੈ। ਜਿਸ ਦੇ ਸਿੱਟੇ ਵਜੋਂ ਕੇਜ਼ਰੀਵਾਲ ਨੇ ਦਿੱਲੀ ਸਿੱਖ ਕਤਲੇਆਮ ਦੇ ਪੀੜਤਾਂ ਦੇ ਹੱਕ ਵਿਚ ਹਾਅ ਦਾ ਨਾਅਰਾ ਮਾਰਕੇ ਪੰਜਾਬ ਵਿਚ ਸਿੱਖ ਅਤੇ ਪੰਜਾਬੀ ਵੋਟ ਨਾਲ ਬਾਦਲ ਦਲ ਨੂੰ ਖੁੱਡੇ ਲਗਾਉਣ ਵਿਚ ਸਫ਼ਲ ਹੋਈ ਹੈ।
ਸ. ਬਲਦੇਵ ਸਿੰਘ ਗੁਰਦਾਸ ਪੁਰ ਨੇ ਕਿਹਾ ਕਿ ਜੇ ਪੰਜਾਬ ਦੇ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਆਪਣੀ ਸਤਾ ਨੂੰ ਬਚਾਉਣਾ ਚਾਹੁੰਦੇ ਹਨ ਤਾਂ ਉਨਾਂ ਸਿੱਖਾਂ ਦੇ ਲਟਕਦੇ ਮਸਲੇ ਛੇਤੀ ਹਲ ਕਰਨੇ ਚਾਹੀਦੇ ਹਨ । ਇਸ ਦੇ ਨਾਲ ਹੀ ਉਨਾਂ ਸ. ਪ੍ਰਕਾਸ਼ ਸਿੰਘ ਬਾਦਲ ਤੋਂ ਮੰਗ ਕੀਤੀ ਕਿ 100ਦਿਨਾਂ ਤੋਂ ਧਰਨੇ ਤੇ ਬੈਠੇ ਧਰਮੀ ਫੋਜ਼ੀਆਂ ਦੀਆਂ ਲਟਕਦੀਆਂ ਮੰਗਾਂ ਨੂੰ ਜਲਦੀ ਹੱਲ ਕੀਤਾ ਜਾਵੇ ਨਹੀਂ ਤਾਂ ਧਰਮੀ ਫੋਜ਼ੀਆਂ ਵਲੋਂ ਸ਼ਾਂਤ ਮਈ ਸੰਘਰਸ਼ ਨੂੰ ਹੋਰ ਤੇਜ਼ ਕੀਤਾ ਜਾਵੇਗਾ ।
ਇਸ ਮੌਕੇ ਭਾਈ ਕਰਨੈਲ ਸਿੰਘ ਯੂਕੇ,ਜਸਪਾਲ ਸਿੰਘ ਸੂਬਾ ਪ੍ਰਧਾਨ ਹਰਿਆਣਾ,ਮੈਂਬਰ ਭਾਗ ਸਿੰਘ, ਸ. ਨਛੱਤਰ ਸਿੰਘ ,ਸ. ਹਰਪਾਲ ਸਿੰਘ ਜਿਲਾ ਪ੍ਰਧਾਨ ਸਾਹਿਬਜ਼ਾਦਾ ਅਜੀਤ ਸਿੰਘ ਨਗਰ, ਸੁਰਜੀਤ ਸਿੰਘ ,ਸ. ਹਰਬੰਸ ਸਿੰਘ ਅਤੇ ਸ. ਜੀਤ ਸਿੰਘ ਸਾਰੇ ਧਰਮੀ ਫ਼ੋਜੀ ਮੋਜੂਦ ਸਨ।
