ਚੰਡੀਗੜ੍ਹ ( 19 ਅਕਤੂਬਰ, 2014): ਹਰਿਆਣਾ ਵਿੱਚ ਆਪਣੇ ਬਲਬੂਤੇ ‘ਤੇ ਚੋਣਾਂ ਲੜਨ ਵਾਲੀ ਭਾਜਪਾ ਨੂੰ ਅੱਜ ਐਲਾਨੇ ਗਏ ਨਤੀਜ਼ਿਆਂ ਵਿੱਚ ਸਪੱਸ਼ਟ ਬਹੁਮਤ ਮਿਲ ਗਿਆ ਹੈ, ਜਦ ਕਿ ਚੌਟਾਲਿਆਂ ਦੀ ਅਗਵਾਈ ਵਾਲੀ ਨੈਸ਼ਨਲ ਲੋਕ ਦਲ ਦੂਜੇ ਨੰਬਰ ਤੇ ਰਹੀ ਹੈ।
ਅੱਜ ਐਲਾਨੇ ਨਤੀਜਿਆਂ ਅਨੁਸਾਰ ਭਾਜਪਾ ਨੂੰ 47 ਸੀਟਾਂ, ਲੋਕ ਦਲ ਨੂੰ 21 ਸੀਟਾਂ ਅਤੇ ਕਾਂਗਰਸ ਨੂੰ 14 ਅਤੇ ਹਜਕਾ ਨੂੰ 2 ਸੀਟਾਂ ਮਿਲੀਆਂ ਹਨ।ਜਦ ਕਿ ਅਜ਼ਾਦ ਉਮੀਦਵਾਰਾਂ ਨੇ 5 ਸੀਟਾਂ ‘ਤੇ ਹੱਥ ਮਾਰ ਲਿਆ ਹੈ।
ਮਹਾਰਾਸ਼ਟਰ ਵਿਧਾਨਸਭਾ ਚੋਣ ਦੀ ਮਤਗਣਨਾ ‘ਚ 288 ਸੀਟਾਂ ‘ਤੇ ਹੁਣ ਤੱਕ ਪ੍ਰਾਪਤ ਰੁਝਾਨਾਂ ‘ਚ ਭਾਜਪਾ 119 ਸੀਟਾਂ ‘ਤੇ ਅੱਗੇ ਚੱਲਦੇ ਹੋਏ ਸਭਤੋਂ ਵੱਡੇ ਦਲ ਦੇ ਰੂਪ ‘ਚ ਉੱਭਰ ਰਹੀ ਹੈ। ਉੱਥੇ ਹੀ, ਸ਼ਿਵਸੈਨਾ 58 ਸੀਟਾਂ ‘ਤੇ ਅੱਗੇ ਚੱਲ ਰਹੀ ਹੈ। ਜਦੋਂ ਕਿ ਕਾਂਗਰਸ 45 ਸੀਟਾਂ ‘ਤੇ, ਐਨਸੀਪੀ 44 ਸੀਟਾਂ ‘ਤੇ, ਐਮਐਨਐਸ 3 ਸੀਟਾਂ ਤੇ ਹੋਰ ਦਲ 19 ਸੀਟਾਂ ‘ਤੇ ਅੱਗੇ ਚੱਲ ਰਹੇ ਹਨ।
