ਸਾਹਿਬਜ਼ਾਦਾ ਅਜੀਤ ਸਿੰਘ ਨਗਰ (3 ਮਾਰਚ, 2016): ਸਿੱਖ ਸੰਘਰਸ਼ ਨਾਲ ਸਬੰਧਿਤ ਲੰਮਾ ਸਮਾ ਜੇਲ ਕੱਟਣ ਵਾਲੇ ਭਾਈ ਬਲਜੀਤ ਸਿੰਘ ਭਾਊ ਦੇ ਪਿਤਾ ਰਿਟਾ. ਕੈਪਟਨ ਦਲੀਪ ਸਿੰਘ(70) ਦੀ ਪਿਛਲੇ ਕਈ ਦਿਨਾਂ ਤੋਂ ਸਿਹਤ ਨਾਜ਼ੁਕ ਹੋਣ ਕਾਰਨ ਸਾਹਿਬਜ਼ਾਦਾ ਅਜੀਤ ਸਿੰਘ ਨਗਰ (ਮੋਹਾਲੀ) ਦੇ ਫੇਜ਼ 9 ਸਥਿਤ ਸਿਲਵਰ ਔਕਸ ਹਸਪਤਾਲ ਵਿਚ ਆਈ. ਸੀ. ਯੂ ਵਿਚ ਜ਼ੇਰੇ ਇਲਾਜ ਸਨ, 3 ਮਾਰਚ ਨੂੰ ਬਾਅਦ ਦੁਪਹਿਰ 3 ਵਜੇ ਅਕਾਲ ਚਲਾਣਾ ਕਰ ਗਏ।
ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਭਾਈ ਬਲਜੀਤ ਸਿੰਘ ਭਾਊ ਨੇ ਦਸਿਆ ਕਿ ਉਨਾਂ ਦੇ ਪਿਤਾ ਨੂੰ ਦਿਮਾਗੀ ਦੌਰੇ ਪੈਣ ਕਾਰਨ ਦਾ ਇਲਾਜ਼ ਮਿਲਟਰੀ ਹਸਪਤਾਲ ਚੰਡੀਮੰਦਰ ਵਿਖੇ ਚਲਦਾ ਸੀ ਪਰ ਹਾਲਤ ਜ਼ਿਆਦਾ ਖਰਾਬ ਹੋ ਜਾਣ ਕਾਰਨ ਉਥੋਂ ਦੇ ਡਾਕਟਰਾਂ ਵਲੋਂ ਸਿਲਵਰ ਓਕਸ ਹਸਪਤਾਲ ਮੋਹਾਲੀ ਵਿਖੇ ਰੈਫ਼ਰ ਕਰ ਦਿਤਾ ਸੀ ।
ਜਿੱਥੇ ਉਹ ਆਈ. ਸੀ. ਯੂ ਵਿਚ ਜ਼ੇਰੇ ਇਲਾਜ਼ ਵੀਰਵਾਰ ਨੂੰ ਬਾਅਦ ਦੁਪਹਿਰ 3 ਵਜੇ ਅਕਾਲ ਚਲਾਣਾ ਕਰ ਗਏ । ਉਨਾਂ ਦਸਿਆ ਕਿ 4 ਮਾਰਚ ਨੂੰ ਦਿਨ ਸ਼ੁਕਰਵਾਰ ਨੂੰ ਉਨਾਂ ਦੇ ਪਿੰਡ ਕੁਰਲੀ ਦੇ ਸ਼ਮਸ਼ਾਨ ਘਾਟ ਵਿਖੇ ਬਾਅਦ ਦੁਪਹਿਰ 3 ਵਜੇ ਸਸਕਾਰ ਕੀਤਾ ਗਿਆ।
