ਨਵੀਂ ਦਿੱਲੀ (20 ਅਪਰੈਲ, 2015): ਪੰਜਾਬ ਦੇ ਸੰਗਰੂਰ ਲੋਕ ਸਭਾ ਹਲਕੇ ਤੋਂ ਲੋਕ ਸਭਾ ਮੇਂਬਰ ਭਗਵੰਤ ਮਾਨ ਨੂੰ ਆਮ ਆਦਮੀ ਪਾਰਟੀ ਦੇ ਮੁਖੀ ਅਰਵਿੰਦ ਕੇਜਰੀਵਾਲ ਵੱਲੋਂ ਪਾਰਟੀ ਦੇ ਸੰਸਦੀ ਦਲ ਦਾ ਆਗੂ ਨਿਯੁਕਤ ਕਤਿਾ ਗਿਆ ਹੈ। ਇਸ ਤੋਂ ਪਹਿਲਾਂ ਇਹ ਅਹੁਦਾ ਪਟਿਆਲਾ ਹਲਕੇ ਤੋਂ ਚੁਣੇ ਗਏ ਡਾ. ਧਰਮਵੀਰ ਗਾਂਧੀ ਕੋਲ ਸੀ।
ਪ੍ਰਸ਼ਾਂਤ ਭੂਸਣ ਅਤੇ ਯੋਗੇਂਦਰ ਯਾਦਵ ਨੂੰ ਪਾਰਟੀ ‘ਚੋਂ ਕੱਢੇ ਜਾਣ ਦਾ ਵਿਰੋਧ ਕਰਨ ਵਾਲੇ ਧਰਮਵੀਰ ਗਾਂਧੀ ਨੂੰ ਵੀ ਆਂਮ ਆਦਮੀ ਪਾਰਟੀ ਵਿੱਚ ਖੂੰਜੇ ਲਾ ਦਿੱਤਾ ਗਿਆ ਹੈ । ਲੋਕ ਸਭਾ ਵਿੱਚ ਪਾਰਟੀ ਦੇ ਚਾਰ ਐਮ ਪੀੂਜ਼ ਦੀ ਅਗਵਾਈ ਹੁਣ ਧਰਮ ਵੀਰ ਦੀ ਬਜਾਏ ਭਗਵੰਤ ਮਾਨ ਕਰਨਗੇ । ਪੰਜਾਬ ਦੇ ਪਟਿਆਲਾ ਤੋਂ ਐਮ ਪੀ ਡਾਕਟਰ ਧਰਮਵੀਰ ਗਾਂਧੀ ਨੇ ਪਾਰਟੀ ਦੇ ਸੀਨੀਅਰ ਆਂਗੂਆਂ ਪ੍ਰਸ਼ਾਂਤ ਭੂਸਣ ਅਥੇ ਯੋਗੇਂਦਰ ਯਾਦਵ ਨੂੰ ਪਾਰਟੀ ‘ਚੋਂ ਅਹਿਮ ਅਹੁਦਿਆਂ ਤੋਂ ਹਟਾਏ ਜਾਣ ਦਾ ਖੁੱਲ ਕੇ ਵਿਰੋਧ ਕੀਤਾ ਸੀ ।
ਆਮ ਆਦਮੀ ਪਾਰਟੀ ਦੇ ਆਂਰਗੇਨਾਈਜ਼ਰ ਅਰਵਿੰਦ ਕੇਜਰੀਵਾਲ ਵਲੋਂ ਲੋਕ ਸਭਾ ਵਿੱਚ ਭੇਜੀ ਗਈ ਚਿੱਠੀ ਵਿੱਚ ਗਾਂਧੀ ਦੀ ਬਜਾੲੁੇ ਭਗਵੰਤ ਮਾਨ ਨੂੰ ਪਾਰਟੀ ਦਾ ਆਗੂ ਬਣਾਉਣ ਦੀ ਬੇਨਤੀ ਕੀਤੀ ਗਈ ਹੈ ਜਿਸ ਨੂੰ ਸਪੀਕਰ ਨੇ ਸਵੀਕਾਰ ਕਰ ਲਿਆ ।
ਅਸਲ ਵਿੱਚ ਪਾਰਟੀ ਦੇ ਸੂਤਰਾਂ ਦਾ ਕਹਿਣਾ ਹੈ ਕਿ ਗਾਂਧੀ ਦੇ ਵਿਰੋਧ ਨੂੰ ਬਗਾਵਤ ਮਂਣ ਦੇ ਬਾਵਜੂਦ ਪਾਰਟੀ ਨੂੰ ਪਾਰਟੀ ‘ਚੋਂ ਨਹੀਂ ਕੱਢੇਗੀ । ਕਿਉਂਕਿ ਉਹ ਪਾਰਟੀ ‘ਚੋਂ ਕੱਢੇ ਜਾਣ ਦੇ ਬਾਵਜੂਦ ਲੋਕ ਸਭਾ ਮੈਂਬਰ ਬਣੇ ਰਹਿਣਗੇ ਪਰ ਉਹਨਾਂ ‘ਤੇ ਪਾਰਟੀ ਦਾ ਅਨੁਸ਼ਾਸਨ ਲਾਗੂ ਨਹੀਂ ਹੋਵੇਗਾ ਤੇ ਉਹ ਪਾਰਟੀ ਦੀਆਂ ਨੀਤੀਆਂ ਵਿਰੁੱਧ ਬੋਲਣ ਅਥੇ ਵੋਟ ਦੇਣ ਲਈ ਆਜ਼ਾਦ ਹੋ ਜਾਣਗੇ ਜਦਕਿ ਪਾਰਟੀ ਵਿੱਚ ਬਣੇ ਰਹਿਣ ‘ਤੇ ਜੇਕਰ ਉਹ ਪਾਰਟੀ ਵਿਪ ਦੀ ਪਾਲਣਾ ਨਹੀਂ ਕਰਨਗੇ ਤਾਂ ਉਹਨਾਂ ਦੀ ਮੈਂਬਰਸ਼ਿਪ ਖਾਰਜ ਹੋ ਜਾਵੇਗੀ ।
