ਫ਼ਿਰੋਜ਼ਪੁਰ: ਨਾਭਾ ਦੀ ਜੇਲ ਵਿੱਚ ਬੰਦ ਭਾਈ ਧਿਆਨ ਸਿੰਘ ਮੰਡ ਨੂੰ ਉਨ੍ਹਾਂ ਖਿਲਾਫ ਪੰਜਾਬ ਪੁਲਿਸ ਵੱਲੋਂ ਦਰਜ਼ ਕੇਸ ਵਿੱਚ ਪੁਲਿਸ ਉਨ੍ਹਾਂ ਨੂੰ ਅਦਾਲਤ ਵਿੱਚ ਪੇਸ਼ ਨਹੀਂ ਕਰ ਸਕੀ।
ਭਾਈ ਧਿਆਨ ਸਿੰਘ ਮੰਡ ਦੇ ਸਮਰਥਕਾਂ ਦਾ ਦੋਸ਼ ਹੈ ਕਿ ਸਰਬੱਤ ਖ਼ਾਲਸਾ 2015 ਦੌਰਾਨ ਥਾਪੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਕਾਰਜ਼ਕਾਰੀ ਜੱਥੇਦਾਰ ‘ਤੇ ਪੁਲਿਸ ਨੇ ਝੂਠਾ ਕੇਸ ਪਾਇਆ ਹੋਇਆ ਹੈ। ਪੁਲਿਸ ਨੇ ਦਾਅਵੇ ਅਨੁਸਾਰ ਪੁਲਿਸ ਨੇ ਹਰੀਕੇ ਹੈੱਡਸ ‘ਤੇ ਪਿਛਲੇ ਸਾਲ ਅਕਤੂਬਰ ਨੂੰ ਚੱਲੇ ਮੋਰਚੇ ਦੌਰਾਨ ੳੁਹ ਅਸਲੇ ਨਾਲ ਲੈਸ ਹੋ ਕੇ ਪੁਲਿਸ ‘ਤੇ ਹੱਲਾ ਬੋਲਣ ਵਾਲੇ ਸਨ।
ਜ਼ਿਕਰਯੋਗ ਹੈ ਕਿ ਸ੍ਰੀ ਗੁਰ ਗ੍ਰੰਥ ਸਾਹਿਬ ਜੀ ਦੀ ਬੇਅਦਬੀ ਦੀਆਂ ਘਟਨਾਵਾਂ ਦੇ ਖਿਲਾਫ਼ ਮੋਰਚੇ ਦੌਰਾਨ ਗੁਰੂ ਦੇ ਸਿੱਖ ‘ਸਤਿਨਾਮ ਵਾਹਿਗੁਰੂ’ ਜਪਦੇ ਅਤੇ ਤਕਰੀਰਾਂ ਰਾਹੀਂ ਅਾਪਣਾ ਰੋਹ ਜਾਰੀ ਰੱਖ ਰਹੇ ਸਨ ਕਿ ਪੁਲਿਸ ਬੇਅਦਬੀ ਦੇ ਦੋਸ਼ੀਆਂ ਨੂੰ ਗ੍ਰਿਫ਼ਤਾਰ ਕਿੳੁਂ ਨਹੀਂ ਕਰ ਰਹੀ। ਭਾਈ ਧਿਆਨ ਸਿੰਘ ਮੰਡ ਨੂੰ ੲਿਸ ਤੋਂ ਪਹਿਲਾਂ ਰਾਜ-ਧ੍ਰੋਹ ਦੇ ਕੇਸ ਵਿਚੋਂ ਜ਼ਮਾਨਤ ਮਿਲ ਚੁੱਕੀ ਹੈ। ਬਾਦਲ ਸਰਕਾਰ ੳੁਨ੍ਹਾਂ ਨੂੰ ਲੰਮਾ ਸਮਾਂ ਜੇਲ੍ਹ ਵਿੱਚ ਡੱਕੀ ਰੱਖਣ ਲਈ ਇਹ ਕੋਝੇ ਹੱਥਕੰਡੇ ਅਪਣਾ ਰਹੀ ਹੈ।
