ਸ੍ਰੀਨਗਰ: ਭਾਰਤ ਦੇ ਕਬਜ਼ੇ ਵਾਲੇ ਕਸ਼ਮੀਰ ਦੇ ਪੰਪੋਰ ‘ਚ ਮੁਜਾਹਦੀਨਾਂ ਨਾਲ ਚੱਲ ਰਿਹਾ ਮੁਕਾਬਲਾ ਦੋਵਾਂ ਮੁਜਾਹਦੀਨਾਂ ਦੀ ਮੌਤ ਤੋਂ ਬਾਅਦ ਖਤਮ ਹੋ ਗਿਆ। ਤਕਰੀਬਨ 60 ਘੰਟੇ ਤਕ ਚੱਲੇ ਇਸ ਮੁਕਾਬਲੇ ‘ਚ ਦੋ ਮੁਜਾਹਦੀਨਾਂ ਨੇ ਭਾਰਤੀ ਫੌਜ ਨੂੰ ਸੋਮਵਾਰ ਤੋਂ ਅੱਜ ਤਕ ਰੋਕੀ ਰੱਖਿਆ।
ਪੰਪੋਰ ਦੀ ਸੱਤ ਮੰਜ਼ਲਾ ਇਮਾਰਤ ‘ਚ ਲੁਕੇ ਹੋਏ ਮੁਜਾਹਦੀਨਾਂ ਦੀ ਮੌਤ ਤੋਂ ਬਾਅਦ ਹੁਣ ਭਾਰਤੀ ਫੌਜ ਨੇ ਇਸ ਇਮਾਰਤ ਨੂੰ ਆਪਣੇ ਕਬਜ਼ੇ ਵਿਚ ਲੈ ਲਿਆ ਹੈ।
ਇਕ ਮੁਜਾਹਦੀਨ ਦੀ ਮੌਤ ਸੋਮਵਾਰ ਨੂੰ ਹੋਈ ਸੀ ਜਦਕਿ ਦੂਜਾ ਅੱਜ ਮਾਰਿਆ ਗਿਆ। ਫੌਜ ਨੇ ਆਪਣੇ ਇਸ ਆਪਰੇਸ਼ਨ ‘ਚ 50 ਰਾਕਟ, ਮਸ਼ੀਨਗੰਨ ਅਤੇ ਸੈਕੜੇ ਗ੍ਰਨੇਡ ਬੰਬਾਂ ਦਾ ਇਸਤੇਮਾਲ ਕੀਤਾ। ਮੁਕਾਬਲੇ ਦੇ ਸ਼ੁਰੂਆਦੀ ਦੌਰ ‘ਚ ਇਕ ਭਾਰਤੀ ਫੌਜੀ ਜ਼ਖਮੀ ਹੋ ਗਿਆ ਸੀ। ਭਾਰਤੀ ਮੀਡੀਆ ਮੁਤਾਬਕ ਇਸ ਤੋਂ ਬਾਅਦ ‘ਸਰਜੀਕਲ ਸਟ੍ਰਾਇਕ’ ਕਰਨ ਵਾਲੀ ਯੂਨਿਟ ਨੂੰ ਇਸ ਆਪਰੇਸ਼ਨ ਨੂੰ ਪੂਰਾ ਕਰਨ ਲਈ ਲਿਆਂਦਾ ਗਿਆ।
ਇਹ ਮੁਕਾਬਲਾ ਸ੍ਰੀਨਗਰ ਤੋਂ 15 ਕਿਲੋਮੀਟਰ ਦੂਰ ਇੰਟਰਪ੍ਰਿਿਨਓਰ ਡੈਵਲੈਪਮੈਂਟ ਇੰਸਟੀਚਿਊਟ ਦੀ ਇਮਾਰਤ ‘ਚ ਚੱਲ ਰਹੀ ਸੀ। ਇਸ ਇਮਾਰਤ ‘ਚ ਵਿਿਦਆਰਥੀਆਂ ਨੂੰ ਵੋਕੇਸ਼ਨਲ ਸਿੱਖਿਆ ਦਿੱਤੀ ਜਾਂਦੀ ਹੈ ਪਰ ਪਿਛਲੇ ਤਿੰਨ ਮਹੀਨਿਆਂ ਤੋਂ ਇਹ ਅਦਾਰਾ ਬੰਦ ਪਿਆ ਸੀ।
ਭਾਰਤੀ ਫੌਜ ਮੁਤਾਬਕ ਇਸ ਆਪਰੇਸ਼ਨ ‘ਚ ਬਚੇ ਤੀਜੇ ਮੁਜਾਹਦੀਨ ਦੀ ਭਾਲ ਜਾਰੀ ਹੈ। ਫੌਜ ਮੁਤਾਬਕ ਮੁਜਾਹਦੀਨਾਂ ਨੇ ਇਸ ਸੱਤ ਮੰਜ਼ਲਾ ਇਮਾਰਤ ‘ਚ ਬੰਕਰ ਵਰਗਾ ਇੰਤਜ਼ਾਮ ਕੀਤਾ ਹੋਇਆ ਸੀ। ਭਾਰਤੀ ਫੌਜ ਨੇ ਆਪਣੀ ਨੀਤੀ ਮੁਤਾਬਕ ਇਮਾਰਤ ਨੂੰ ਕਈ ਵਾਰ ਅੱਗ ਲਾਈ ਪਰ ਮੁਜਾਹਦੀਨ ਫੇਰ ਵੀ ਬਾਹਰ ਨਹੀਂ ਨਿਕਲੇ।
ਇਸੇ ਇਮਾਰਤ ‘ਚ ਫਰਵਰੀ ‘ਚ ਵੀ ਭਾਰਤੀ ਦਸਤਿਆਂ ਅਤੇ ਮੁਜਾਹਦੀਨਾਂ ‘ਚ ਮੁਕਾਬਲਾ ਹੋਇਆ ਸੀ ਉਦੋਂ ਪੰਜ ਭਾਰਤੀ ਫੌਜੀ ਅਤੇ ਤਿੰਨ ਮੁਜਾਹਦੀਨ ਮਾਰੇ ਗਏ ਸੀ।
