ਚੰਡੀਗੜ੍ਹ: ਹਿੰਦੂਵਾਦੀ ਜਥੇਬੰਦੀ ਰਾਸ਼ਟਰੀ ਸਵੈਮ ਸੇਵਕ ਸੰਘ (RSS) ਨੇ ਮਨੁੱਖੀ ਵਸੀਲਿਆਂ ਦੇ ਮੰਤਰਾਲੇ ਨੂੰ ਕਿਹਾ ਕਿ ਯੂਨੀਵਰਸਿਟੀਆਂ ਅਤੇ ਖੋਜ ਸੰਸਥਾਨਾਂ ‘ਚ ਖੋਜ ਕਰਨ ਦੇ ਕੰਮ ਉੱਤੇ ਰਾਸ਼ਟਰਵਾਦੀ ਛਾਨਣੀ ਲਾਈ ਜਾਵੇ।
ਹਿੰਦੂਵਾਦੀ ਜਥੇਬੰਦੀ ਮੁਤਾਬਕ ਸਾਰੇ ਖੋਜ ਕਾਰਜ “ਰਾਸ਼ਟਰ ਦੀ ਲੋੜ” ਮੁਤਾਬਕ ਹੋਣੇ ਚਾਹੀਦੇ ਹਨ। ਜਿਹੜੇ ਇਸ ਕਸਵੱਟੀ ‘ਤੇ ਪੂਰੇ ਨਹੀਂ ਉਤਰਦੇ ਉਨ੍ਹਾਂ ਨੂੰ ਯੂ.ਜੀ.ਸੀ. ਦੀ ਸਕਾਲਰਸ਼ਿਪ ਨਹੀਂ ਮਿਲਣੀ ਚਾਹੀਦੀ।
ਇਹ ਸਲਾਹ ਆਰ.ਐਸ.ਐਸ. ਦੇ ਨਾਲ ਜੁੜੀ ਸ਼ਿਕਸ਼ਾ ਸੰਸਕ੍ਰਿਤੀ ਉਥਾਨ ਨਿਆਸ (SSUN) ਵਲੋਂ ਨਵੀਂ ਸਿੱਖਿਆ ਨੀਤੀ ਦੇ ਤਹਿਤ ਦਿੱਤੀ ਗਈ ਹੈ।
ਇੰਡੀਅਨ ਐਕਸਪ੍ਰੈਸ ਮੁਤਾਬਕ ਉਥਾਨ ਨਿਆਸ ਦੇ ਆਗੂ ਇਸ ਸੰਬੰਧੀ ਮਨੁੱਖੀ ਵਸੀਲਿਆਂ ਦੇ ਮੰਤਰੀ ਪ੍ਰਕਾਸ਼ ਜਾਵੇਡਕਰ ਨੂੰ ਪਹਿਲਾਂ ਹੀ ਮਿਲ ਚੁੱਕੇ ਹਨ।
ਅੰਗ੍ਰੇਜ਼ੀ ਅਖਬਾਰ ਮੁਤਾਬਕ ਸ਼ਿਕਸ਼ਾ ਸੰਸਕ੍ਰਿਤੀ ਉਥਾਨ ਨਿਆਸ ਨੇ ਇਸ ਸਬੰਧੀ ਸਰਕਾਰ ਨੂੰ ਕਿਹਾ ਕਿ ਆਈ.ਆਈ.ਟੀ., ਆਈ. ਆਈ. ਐਮ., ਅਤੇ ਐਨ. ਆਈ.ਟੀ. ਵਰਗੇ ਕੋਰਸ ਵਿਦੇਸ਼ੀ ਭਾਸ਼ਾ (ਅੰਗ੍ਰੇਜ਼ੀ) ਦੀ ਬਜਾਏ ਇਲਾਕਾਈ ਭਾਸ਼ਾ (ਜਿਸਨੂੰ ਕਿ ਆਰ.ਐਸ.ਐਸ. ਭਾਰਤੀ ਭਾਸ਼ਾ ਕਹਿੰਦੀ ਹੈ) ਵਿਚ ਹੋਣੇ ਚਾਹੀਦੇ ਹਨ।
ਇਸ ਖ਼ਬਰ ਨੂੰ ਵਿਸਥਾਰ ਸਹਿਤ ਅੰਗ੍ਰੇਜ਼ੀ ਵਿਚ ਪੜ੍ਹਨ ਲਈ:
RSS tells HRD to impose Nationalistic filter on Research work …
