ਨਵੀਂ ਦਿੱਲੀ (31 ਅਗਸਤ, 2015): ਫਿਲਮੀ ਅਦਕਾਰ ਅਕਸ਼ੈ ਕੁਮਾਰ ਨੇ ਫਿਲਮ ਸਿੰਘ ਇਜ਼ ਬਲਿੰਗ ਦੇ ਵਿਵਦਤ ਇਸ਼ਤਿਹਾਰ ਅਤੇ ਟਰੇਲਰ ਨੂੰ ਲੈਕੇ ਸਿੱਖਾਂ ਦੇ ਇੱਕ ਵਢਦ ਨੇ ਅਕਸ਼ੈ ਕੁਮਾਰ ਨਾਲ ਮੁਲਾਕਾਤ ਕੀਤੀ ਅਤੇ ਉਸਨੂ ਫਿਲ਼ਮ ਦੇ ਇਸ਼ਿਤਿਹਾਰ ਅਤੇ ਟਰੇਲਰ ਵਿੱਚ ਸਿੱਖੀ ਦੇ ਅਸੂਲਾਂ ਦੀ ਹੋ ਰਹੀ ਬੇਅਬਦੀ ਤੋਂ ਜਾਣੂ ਕਰਵਾੲਆਿ ।
ਅਕਸ਼ੈ ਕੁਮਾਰ ਨੇ ਸਿੱਖਾਂ ਦੇ ਇਕ ਵਫ਼ਦ ਨਾਲ ਮੁਲਾਕਾਤ ਦੌਰਾਨ ਵਿਵਾਦਾਂ ‘ਚ ਆਏ ਫਿਲਮ ਦੇ ਪੋਸਟਰ ਤੇ ਟ੍ਰੇਲਰ ਨੂੰ ਹਟਾਉਣ ਦਾ ਭਰੋਸਾ ਦਿੱਤਾ ਹੈ ।ਧਰਮ ਪ੍ਰਚਾਰ ਕਮੇਟੀ (ਦਿੱਲੀ ਕਮੇਟੀ) ਦੇ ਚੇਅਰਮੈਨ ਪਰਮਜੀਤ ਸਿੰਘ ਰਾਣਾ ਦੀ ਅਗਵਾਈ ‘ਚ ਸਿੱਖਾਂ ਦੇ ਵਫ਼ਦ ਨੇ ਅਕਸ਼ੈ ਕੁਮਾਰ ਨੂੰ ਕੜੇ ਦੇ ਉਪਰ ਬਾਣੀ ਲਿਖਣ ਤੇ ਕੜੇ ਦੇ ਅੰਦਰ ਘੱਟ ਕਪੜਿਆਂ ‘ਚ ਆਪਣੇ ਜਿਸ਼ਮ ਦੀ ਨੁਮਾਇਸ਼ ਕਰ ਰਹੀ ਕਲਾਕਾਰ ਦੀ ਫੋਟੋ ਫਿਲਮ ਦੇ ਪੋਸਟਰ ‘ਤੇ ਛਾਪਣ ਨੂੰ ਸਿੱਖ ਸਿਧਾਂਤਾਂ ਦੀ ਬੇਅਦਬੀ ਤੇ ਬਾਣੀ ਦੀ ਦੁਰਵਰਤੋਂ ਆਖਿਆ ਹੈ ਅਤੇ ਇਸ ਸਬੰਧੀ ਸਿੱਖਾਂ ਦੀਆਂ ਭਾਵਨਾਵਾਂ ਤੋਂ ਜਾਣੂ ਕਰਵਾਇਆ ।
ਰਾਣਾ ਨੇ ਦੱਸਿਆ ਕਿ ਸ੍ਰੀ ਦਰਬਾਰ ਸਾਹਿਬ ਦੇ ਨਾਲ ਕੁਸ਼ਤੀ ਜਾਂ ਸ਼ਰਾਬ ਦੀਆਂ ਬੋਤਲਾਂ ਨੂੰ ਦਿਖਾਉਣਾ ਸਿੱਖ ਸੱਭਿਆਚਾਰ ਨੂੰ ਬਦਨਾਮ ਕਰਨਾ ਹੈ ।
ਇਸ ਮੁਲਾਕਾਤ ਦੌਰਾਨ ਸ: ਰਾਣਾ ਵੱਲੋਂ ਇਸ ਮਸਲੇ ਸਬੰਧੀ ਅਕਸ਼ੈ ਕੁਮਾਰ ਦੀ ਗੱਲਬਾਤ ਜਥੇਦਾਰ ਗਿਆਨੀ ਗੁਰਬਚਨ ਸਿੰਘ ਤੇ ਦਿੱਲੀ ਕਮੇਟੀ ਪ੍ਰਧਾਨ ਮਨਜੀਤ ਸਿੰਘ ਜੀ.ਕੇ. ਨਾਲ ਫੋਨ ਰਾਹੀਂ ਕਰਵਾਈ ਗਈ ।ਅਕਸ਼ੈ ਕੁਮਾਰ ਨੇ ਗੁਰੂ ਘਰ ਪ੍ਰਤੀ ਸਮਰਪਿਤ ਹੋਣ ਦਾ ਦਾਅਵਾ ਕਰਦਿਆਂ ਪ੍ਰਦਰਸ਼ਨ ਤੋਂ ਪਹਿਲਾਂ ਫਿਲਮ ਜਥੇਦਾਰ ਨੂੰ ਵਿਖਾਉਣ ਦਾ ਗੱਲ ਕਹੀ ਹੈ ।
