ਅੰਬਾਲਾ (3 ਜਨਵਰੀ, 2015): ਹਰਿਆਣਾ ਸਰਕਾਰ ਨੇ ਤੰਮਾਕੂ ਦੇ ਨਸ਼ੇ ਦੀ ਵਰਤੋਂ ‘ਤੇ ਸਖਤੀ ਕਰਦਿਆਂ ਇਸਨੂੰ 20ਵਾਂ ਨਿਕੋਟੀਨ ਜ਼ਹਿਰ ਐਲਾਨ ਦਿੱਤਾ ਹੈ। ਜ਼ਹਿਰ ਕਾਨੂੰਨ 1919 ਵਿੱਚ ਪਿੱਛਲੇ ਸਾਲ ਸੋਧ ਕੀਤੀ ਗਈ ਸੀ ਅਤੇ ਇਸ ਸਾਲ 16 ਫਰਵਰੀ ਤੋਂ ਲਾਗੂ ਕੀਤਾ ਜਾ ਰਿਹਾ ਹੈ।
ਹਰਿਆਣਾ ਸਰਕਾਰ ਨੇ ਤੰਮਾਕੂ ਵੇਚਣ ਵਾਲਿਆਂ ਨੂੰ 15 ਫਰਵਰੀ ਤੱਕ ਨਵੇਂ ਲਾਇਸੰਸ ਲੈਣ ਲਈ ਕਿਹਾ ਹੈ। ਬੀੜੀ-ਸਿਗਰਟ ਵਿੱਚ ਨਿਕੋਟੀਨ ਜ਼ਹਿਰ ਹੂੰਦਾ ਹ,ੈ ਇਸ ਲਈ ਦੁਕਾਨਦਾਰ ਨੂੰ ਖਰੀਦਦਾਰ ਦਾ ਪੂਰਾ ਵੇਰਵਾ ਰੱਖਣਾ ਪਵੇਗਾ।ਇਸ ਵੇਰਵੇ ਵਿੱਚ ਖਰੀਦਦਾਰ ਦਾ ਨਾਂਅ- ਪਤਾ, ਮੋਬਾਇਲ ਨੰਬਰ ਅਤੇ ੳੇੁਸਦੇ ਦਸਤਖਤ ਜਾਂ ਅਗੂੰਠੇ ਦਾ ਨਿਸ਼ਾਨ ਲਗਵਾਇਆ ਜਾਵੇਗਾ।
ਜੇਕਰ ਕੋਈ ਦੁਕਾਨਦਾਰ 18 ਸਾਲ ਤੋਂ ਘੱਟ ਉਮਰ ਦੇ ਬੰਦੇ ਨੂੰ ਤੰਮਾਕੂ ਵੇਚਦਾ ਹੈ ਤਾਂ ਉਸ ਉੱਤੇ ਮੁਕੱਦਮਾ ਦਰਜ਼ ਕੀਤਾ ਜਾਵੇ। ਇਹ ਕਾਨੂੰਨ ਸਾਰੇ ਥੋਕ ਅਤੇ ਪ੍ਰਚੂਨ ਵਿਕ੍ਰੇਤਾ ‘ਤੇ ਲਾਗੂ ਹੋਵੇਗਾ।
ਹਰਿਆਣਾ ਦੇ ਸਿਹਤ ਮੰਤਰੀ ਨੇ ਕਿਹਾ ਕਿ ਸਰਕਾਰ ਸੂਬੇ ਨੂੰ ਨਸ਼ਾ ਮੁਕਤ ਕਰਨਾ ਚਾਹੁੰਦੀ ਹੈ, ਇਸੇ ਕਰਕੇ ਹੀ ਕਾਨੂੰਨ ਵਿੱਚ ਸਖਤੀ ਕੀਤੀ ਗਈ ਹੈ।ਉਨ੍ਹਾਂ ਕਿਹਾ ਕਿ ਥੋਕ ਵਿਕ੍ਰੇਤਾ ਤੋਂ ਲੈਕੇ ਪ੍ਰਚੂਨ ਤੱਕ ਸਾਡੇ ਕੋਲ ਦੁਕਾਨਾਂ ਦੀ ਸੂਚੀ ਹੈ।ਕਾਨੂੰਨ ਨੂੰ ਪੂਰੀ ਤਰਾਂ ਲਾਗੂ ਕਰਨ ਲਈ ਸਾਰਿਆਂ ਜਿਲ਼ਿਆਂ ਵਿੱਚ ਡੀਸੀ ਦੀ ਪ੍ਰਧਾਨਗੀ ਹੇਠ ਕਮੇਟੀਆਂ ਬਣਾਈਆਂ ਗਈਆਂ ਹਨ।
ਇੱਥੇ ਇਹ ਵਰਨਣਯੋਗ ਹੈ ਕਿ ਪੰਜਾਬ ਵਿੱਚ ਆਪਣੇ ਆਪ ਨੂੰ ਪੰਥਕ ਅਖਵਾਉਦੀ ਬਾਦਲ ਸਰਕਾਰ ਹੈ ਅਤੇ ਤੰਮਾਕੂ ‘ਤੇ ਪਾਬੰਦੀ ਜਾਂ ਸਖਤੀ ਕਰਨ ਦੀ ਮੁਹਿੰਮ ਪੰਜਾਬ ਤੋਂ ਸ਼ੁਰੂ ਹੋਣੀ ਚਾਹੀਦੀ ਸੀ। ਬਾਦਲ ਸਰਕਾਰ ਨੇ ਤੰਮਾਕੂ ਖਿਲਾਫ ਸਖਤੀ ਤਾਂ ਕੀ ਕਰਨੀ ਸੀ, ਉਲਟਾ ਤੰਬਾਕੂ ਕੰਪਨੀ ਤੋਂ ਮੋਟੀ ਰਕਮ ਪਾਰਟੀ ਫੰਡ ਵਜੋਂ ਲਈ ਹੈ।
