ਹੁਸ਼ਿਆਰਪੁਰ ( 9 ਸਤੰਬਰ, 2015): ਦਲ਼ ਖਾਲਸਾ ਨੇ ਭਾਰਤੀ ਘਰੇਲੂ ਮੰਤਰਾਲੇ ਵੱਲੋਂ ਬੜੇ ਤਰਕ ਵਿਹੁਣੇ ਆਧਾਰ ‘ਤੇ ਭਾਰਤੀ ਫਿਲਮ ਸੈਸਰ ਬੋਰਡ ਨੂੰ ਪੰਜਾਬੀ ਫਿਲਮ “ ਮਾਸਟਰ ਮਾਈਂਡ ਜਿੰਦਾ ਸੁੱਖਾ” ‘ਤੇ ਪਾਬੰਦੀ ਲਾਉਣ ਲਈ ਦਿੱਤੀਆਂ ਹਦਾਇਤਾਂ ਦੀ ਸਖਤ ਆਲੋਚਨਾ ਕੀਤੀ ਹੈ।
ਪਾਰਟੀ ਦੀ ਕਾਰਜ਼ਕਾਰਣੀ ਦੇ ਮੈਂਬਰ ਰਨਬੀਰ ਸਿੰਘ ਅਤੇ ਅਵਤਾਰ ਸਿੰਘ ਨੇ ਸੈਂਸਰ ਬੋਰਡ ਵੱਲੋਂ ਘਰੇਲੂ ਮੰਤਰਾਲੇ ਦੀ ਹਾਂ ਵਿੱਚ ਮਿਲਾਉਣ ਅਤੇ ਅਜ਼ਾਦਾਨਾ ਤੌਰ ਤੇ ਸਹੀ ਫੈਸਲਾ ਨਾ ਲੈਣ ਦੀ ਨਿਖੇਧੀ ਕੀਤੀ।ਉਨ੍ਹਾਂ ਕਿਹਾ ਇਕ ਇਹ ਫਿਲਮ ਇਤਹਿਾਸਕ ਫਿਲਮ ਜੋ ਪੰਜਾਬ ਵਿੱਚ ਖਾੜਕੂ ਲਹਿਰ ‘ਤੇ ਅਧਾਰਿਤ ਹੈ।
ਉਨ੍ਹਾਂ ਕਿਹਾ ਕਿ ਭਾਰਤ ਸਰਕਾਰ ਵਾਰ-ਵਾਰ ਆਪਣਾ ਸਿੱਖ ਵਿਰੋਧੀ ਪੈਤੜਾਂ ਵਿਖਾਉਦੀ ਰਹਿੰਦੀ ਹੈ ਅਤੇ ਇਸ ਫਿਲਮ ‘ਤੇ ਪਾਬੰਦੀ ਲਾਉਣਾ ਇਸਦੀ ਤਾਜ਼ਾ ਮਿਸਾਲ ਹੈ।ਭਾਰਤ ਸਰਕਾਰ ਦੀ ਦੋਗਲੀ ਅਤੇ ਸਿੱਖ ਵਿਰੋਧੀ ਨੀਤੀ ਦੀ ਗੱਲ ਕਰਦਿਆਂ ਉਨਾਂ ਕਿਹਾ ਕਿ ਸਿੱਖ ਕੌਮ ਦੀ ਅਪੀਲਾਂ ਦੇ ਬਾਵਜੂਦ ਸਿੱਖੀ ਸਿਧਾਂਤਾਂ ਅਤੇ ਸਿੱਖੀ ਦੇ ਮੁੱਢਲੇ ਅਸੂਲ਼ਾਂ ‘ਤੇ ਵਾਰ ਕਰਦੀ ਫਿਲ਼ਮ “ਨਾਨਕ ਸ਼ਾਹ ਫਕੀਰ” ‘ਤੇ ਸਰਕਾਰ ਨੇ ਪਾਬੰਦੀ ਨਹੀ ਲਾਈ, ਜਦਕਿ ਦੂਜੇ ਪਾਸੇ ਬੜੀ ਤੇਜ਼ੀ ਨਾਲ ਫਿਲਮ ਮਾਸਟਰ ਮਾਈਂਡ ਜਿੰਦਾ ਸੁੱਖਾ ਨੂੰ ਦਿੱਤੀ ਹਰੀ ਝੰਡੀ ਵਾਪਸ ਲੈ ਲਈ।
