ਵਾਰਾਨਸੀ, 4 ਅਕਤੂਬਰ, 2015): ਪਿਛਲੇ ਦਿਨੀ ਇੱਕ ਮੁਸਲਮਾਨ ਵਿਅਕਤੀ ਵੱਲੋਂ ਦਿੱਲੀ ਦੇ ਨਜ਼ਦੀਕ ਗਰੇਟਰ ਨੋਇਡਾ ਦੇ ਦਾਦਰੀ ‘ਚ ਗਾਂ ਦਾ ਮਾਸ ਖਾਣ ਦੀ ਅਫਵਾਹ ਦੇ ਕਾਰਨ ਨੂੰ ਕੁੱਟ ਕੁੱਟ ਮਾਰਨ ਦੀ ਘਟਨਾ ਦੀ ਨਿਖੇਧੀ ਕਰਦਿਆਂ ਭਾਰਤੀ ਸੁਪਰੀਮ ਕੋਰਟ ਦੇ ਸਾਬਕਾ ਜੱਜ ਮਾਰਕੰਡੇ ਕਾਟਜੂ ਨੇ ਇਸਨੂੰ ਰਾਜਨੀਤੀ ਤੋਂ ਪ੍ਰੇਰਿਤ ਕਰਾਰ ਦਿੱਤਾ।
ਸਾਬਕਾ ਜੱਜ ਕਾਟਜੂ ਨੇ ਕਿਹਾ ਹੈ ਕਿ ਗਾਂ ਸਿਰਫ ਇਕ ਪਸ਼ੂ ਹੈ ਜੋ ਕਿਸੇ ਦੀ ਮਾਤਾ ਨਹੀਂ ਹੋ ਸਕਦੀ। ਉਨ੍ਹਾਂ ਨੇ ਕਾਸ਼ੀ ਹਿੰਦੂ ਯੂਨੀਵਰਸਿਟੀ ‘ਚ ਇਕ ਸਮਾਗਮ ਦੌਰਾਨ ਕਿਹਾ ਕਿ ਗਾਂ ਸਿਰਫ ਇਕ ਪਸ਼ੂ ਹੈ ਤੇ ਕੋਈ ਪਸ਼ੂ ਕਿਸੇ ਦੀ ਮਾਤਾ ਨਹੀਂ ਹੋ ਸਕਦਾ । ਕਾਟਜੂ ਦਾ ਇਹ ਬਿਆਨ ਗਾਂ ਮਾਸ ਖਾਣ ਬਾਰੇ ਹਿੰਦੂ-ਮੁਸਲਿਮ ਮੁਫਾਦ ਦੇ ਸੰਦਰਭ ਵਿੱਚ ਸੀ। ਇਸ ਬਿਆਨ ਤੋਂ ਬਾਅਦ ਕਾਟਜੂ ਦਾ ਵਿਰੋਧ ਕਰਦੇ ਹੋਏ ਯੂਨਵਿਰਸਿਟੀ ਦੇ ਵਿਦਿਆਰਥੀਆਂ ਨੇ ਪ੍ਰਦਰਸ਼ਨ ਕੀਤਾ।
ਜ਼ਿਕਰਯੋਗ ਹੈ ਕਿ ਸਾਬਕਾ ਜੱਜ ਕਾਟਜੂ ਵੱਖ-ਵੱਖ ਭਖਦਿਆਂ ਮਸਲਿਆਂ ਪ੍ਰਤੀ ਆਪਣੀ ਬੇਬਾਕ ਟਿਪੱਣੀਆਂ ਕਰਕੇ ਕਈ ਵਾਰ ਚਰਚਾ ਵਿੱਚ ਹੈ।
