ਨਵੀਂ ਦਿੱਲੀ (25 ਮਾਰਚ, 2016): ਆਮ ਆਦਮੀ ਪਾਰਟੀ ਦੇ ਮੁਖੀ ਅਤੇ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਦਾ ਨਾਮ ਕੌਮਾਂਤਰੀ ਰਸਾਲੇ ਫਾਰਚੂਨਰ ਨੇ ਦੁਨੀਆ ਦੀਆਂ 50 ਮਹਾਨ ਸਖਸ਼ੀਅਤਾਂ ਦੀ ਸੂਚੀ ’ਚ ਸ਼ਾਮਲ ਕੀਤਾ ਹੈ।
ਰਸਾਲੇ ‘ਫਾਰਚੂਨ’ ਵੱਲੋਂ ਜਾਰੀ ਸੂਚੀ ’ਚ ਸ੍ਰੀ ਕੇਜਰੀਵਾਲ ਨੂੰ 42ਵਾਂ ਸਥਾਨ ਮਿਲਿਆ ਹੈ। ਦਿੱਲੀ ਦੀਆਂ ਸੜਕਾਂ ਤੋਂ ਟ੍ਰੈਫਿਕ ਅਤੇ ਪ੍ਰਦੂਸ਼ਣ ਰੋਕਣ ਲਈ ਚੁੱਕੇ ਗਏ ਕਦਮਾਂ ਨਾਲ ਸ੍ਰੀ ਅਰਵਿੰਦ ਕੇਜਰੀਵਾਲ ਸੂਚੀ ’ਚ ਸਥਾਨ ਹਾਸਲ ਕਰਨ ’ਚ ਕਾਮਯਾਬ ਰਹੇ।
ਪ੍ਰਦੂਸ਼ਣ ਖ਼ਿਲਾਫ਼ ਸ਼ੁਰੂ ਕੀਤੀ ਗਈ ‘ਜਿਸਤ-ਟਾਂਕ’ ਯੋਜਨਾ ਨਾਲ ਉਨ੍ਹਾਂ ਦੀ ਅੰਤਰਰਾਸ਼ਟਰੀ ਪੱਧਰ ’ਤੇ ਪ੍ਰਸੰਸਾ ਹੋਈ ਸੀ। ਉਹ ਏਸ਼ੀਆ ਦੇ ਦੂਜੇ ਵਿਅਕਤੀ ਹਨ, ਜੋ ਸੂਚੀ ਵਿੱਚ ਥਾਂ ਬਣਾਉਣ ਵਿੱਚ ਸਫ਼ਲ ਰਹੇ। ਏਸ਼ੀਆ ’ਚੋਂ ਬੰਗਲਾਦੇਸ਼ ਦੀ ਪ੍ਰਧਾਨ ਮੰਤਰੀ ਸ਼ੇਖ ਹਸੀਨਾ 10ਵਾਂ ਨੰਬਰ ਮਿਲਿਆ ਹੈ।
