ਸ੍ਰੀਨਗਰ: ਜੰਮੂ ਕਸ਼ਮੀਰ ਦੇ ਪੁਲਿਸ ਮੁਖੀ ਨੇ ਸ਼ਰੇਆਮ ਧਮਕੀ ਦਿੱਤੀ ਕਿ ਮੁਜਾਹਦੀਨਾਂ (Militants) ਨੂੰ ਆਪਣੇ ਪਰਿਵਾਰਕ ਮੈਂਬਰਾਂ ਦੀ ਸੁਰੱਖਿਆ ਬਾਰੇ ਸੋਚਣਾ ਚਾਹੀਦਾ ਹੈ। ਮੀਡੀਆ ਦੀਆਂ ਰਿਪੋਰਟਾਂ ਮੁਤਾਬਕ ਪੁਲਿਸ ਮੁਖੀ ਮੁਜਾਹਦੀਨਾਂ ਵਲੋਂ ਪੁਲਿਸ ਅਧਿਕਾਰੀ ਦੇ ਘਰ ‘ਤੇ ਹਮਲੇ ਦੇ ਜਵਾਬ ‘ਚ ਬੋਲ ਰਹੇ ਸਨ।
ਮੀਡੀਆ ਨੇ ਪੁਲਿਸ ਮੁਖੀ ਨੂੰ ਦੱਸਿਆ ਕਿ, “ਇਹ ਲੜਾਈ ਹਥਿਆਰਬੰਦ ਮੁਜਾਹਦੀਨਾਂ ਅਤੇ ਪੁਲਿਸ ਦੇ ਵਿਚਕਾਰ ਹੈ, ਪਰਿਵਾਰਾਂ ਨੂੰ ਇਸ ਵਿਚ ਨਹੀਂ ਲਿਆਉਣਾ ਚਾਹੀਦਾ।”
ਇਹ ਧਮਕੀ ਉਦੋਂ ਆਈ ਜਦੋਂ ਦੱਖਣੀ ਕਸ਼ਮੀਰ ਦੇ ਸ਼ੋਪੀਆ ‘ਚ ਹਥਿਆਰਬੰਦ ਹਮਲਾਵਰਾਂ ਨੇ ਇਕ ਪੁਲਿਸ ਅਧਿਕਾਰਾਂ ਦੇ ਘਰ ‘ਤੇ ਹਮਲਾ ਕਰਕੇ ਸਾਰੇ ਪਰਿਵਾਰ ਨੂੰ ਬੰਦੀ ਬਣਾ ਲਿਆ ਅਤੇ ਘਰ ‘ਚ ਤੋੜ-ਭੰਨ੍ਹ ਕੀਤੀ। ਮੀਡੀਆ ਰਿਪੋਰਟ ਮੁਤਾਬਕ ਉਨ੍ਹਾਂ ਨੇ ਅਧਿਕਾਰੀ ਨੇ ਨੌਕਰੀ ਛੱਡਣ ਲਈ ਕਿਹਾ।
ਡੀ.ਜੀ.ਪੀ. ਐਸ.ਪੀ. ਵੈਦ ਨੇ ਮੀਡੀਆ ਨੂੰ ਕਿਹਾ, “ਪਰ ਮੈਂ ਦੱਸ ਦਵਾਂ ਕਿ ਮੁਜਾਹਦੀਨਾਂ ਦੇ ਵੀ ਪਰਿਵਾਰ ਹਨ। ਜੇ ਪੁਲਿਸ ਇੰਝ ਕਰੇਗੀ ਤਾਂ ਉਨ੍ਹਾਂ ਪਰਿਵਾਰਾਂ ਦਾ ਕੀ ਹੋਏਗਾ?”
ਇਸ ਖ਼ਬਰ ਨੂੰ ਵਿਸਥਾਰ ਸਹਿਤ ਅੰਗ੍ਰੇਜ਼ੀ ਵਿਚ ਪੜ੍ਹਨ ਲਈ:
Jammu & Kashmir DGP Warns of Hunting Down Militants’ Families …
ਇਹ ਪਹਿਲੀ ਵਾਰ ਨਹੀਂ ਹੈ ਕਿ ਭਾਰਤੀ ਰਾਜ ਦੇ ਕਿਸੇ ਵੱਡੇ ਅਫਸਰ ਨੇ ਇਹੋ ਜਿਹਾ ਖਤਰਨਾਕ ਬਿਆਨ ਦਿੱਤਾ ਹੈ। ਪਿਛਲੇ ਸਾਲ ਸਤੰਬਰ ‘ਚ ਭਾਰਤ ਦੇ ਕਹੇ ਜਾਂਦੇ “ਸੁਰੱਖਿਆ ਮਾਹਰ” ਅਨਿਲ ਕੌਲ ਨੇ ਸਰਕਾਰੀ ਟੀ.ਵੀ. ਚੈਨਲ ਰਾਜਸਭਾ ਟੀ.ਵੀ. ‘ਤੇ ਇਕ ਚਰਚਾ ਦੌਰਾਨ ਕਸ਼ਮੀਰੀ ਨਾਗਰਿਕਾਂ ਦੇ ਕਤਲ ਦੀ ਵਕਾਲਤ ਕਰਦਿਆਂ ਕਿਹਾ, ਜਿਵੇਂ ਕੇ.ਪੀ.ਐਸ. ਗਿੱਲ ਨੇ ਪੰਜਾਬ ‘ਚ “ਅੱਤਵਾਦੀਆਂ” ਦੇ ਰਿਸ਼ਤੇਦਾਰਾਂ ਨੂੰ ਮਾਰ ਕੇ “ਅੱਤਵਾਦ” (ਲਹਿਰ) ਨੂੰ ਖਤਮ ਕੀਤਾ ਉਸੇ ਤਰ੍ਹਾਂ ਕਸ਼ਮੀਰ ‘ਚ ਵੀ ਹੋਣਾ ਚਾਹੀਦਾ ਹੈ।
ਉਸਦਾ ਮੰਨਣਾ ਸੀ ਕਿ ਮਾਰੇ ਗਏ ਮੁਜਾਹਦੀਨਾਂ ਦੀ ਡੀ.ਐਨ.ਏ. ਜਾਂਚ ਕਰਕੇ ਉਸਦੇ ਰਿਸ਼ਤੇਦਾਰਾਂ ਨੂੰ ਲੱਭ ਕੇ ਖਤਮ ਕੀਤਾ ਜਾਵੇ।
ਦੇਖੋ ਵੀਡੀਓ:
