ਲਧਿਆਣਾ ( 17 ਅਪ੍ਰੈਲ, 2015): ਪਿੱਛਲੇ ਲੰਮੇ ਸਮੇਂ ਤੋਂ ਬੰਦੀ ਸਿੰਘਾਂ ਦੀ ਰਿਹਾਈ ਲਈ ਭੁੱਖ ਹੜਤਾਲ ਅਧੀਨ ਪੁਲਿਸ ਦੀ ਹਿਰਾਸਤ ਵਿੱਚ ਲੁਧਿਆਣਾ ਦੇ ਸਿਵਲ ਹਸਪਤਾਲ ਵਿੱਚ ਦਾਖਲ ਬਾਪੂ ਸੂਰਤ ਸਿੰਘ ਦੇ ਸਪੱਤਰ ਰਵਿੰਦਰਜੀਤ ਸਿੰਘ ਗੋਗੀ ਨੂੰ ਲਧਿਆਣਾ ਅਦਾਲਤ ਵਿੱਚ ਅੱਜ ਪੇਸ਼ ਕੀਤਾ ਗਿਆ। ਪਹਿਲਾਂ ਦੀਆਂ ਪੇਸ਼ੀਆਂ ਦੀ ਤਰਾਂ ਇਸ ਵਾਰ ਵੀ ਅਦਲਾਤ ਨੇ ਬਿਨਾਂ ਕੋਈ ਕਾਰਵਾਈ ਕੀਤਿਆਂ ਕੇਸ ਦੀ ਸੁਣਵਾਈ 30 ਅਪ੍ਰੈਲ ‘ਤੇ ਪਾ ਦਿੱਤੀ।
ਭਾਈ ਗੋਗੀ ਦੀ ਸਿਹਤ ਦਾ ਪਤਾ ਲੇਣ ਲਈ ਅਮਰੀਕਾ ਤੋਂ ਕੁਝ ਵਿਅਕਤੀ ਅੱਜ ਅਦਾਲਤ ਵਿੱਚ ਪਹੁੰਚੇ ਹੋਏ ਸਨ, ਪਰ ਪੁਲਿਸ ਨੇ ਉਨ੍ਹਾਂ ਨੂੰ ਭਾਈ ਗੋਗੀ ਨਾਲ ਮੁਲਾਕਤ ਨਹੀਂ ਕਰਨ ਦਿੱਤੀ। ਪੁਲਿਸ ਨੇ ਟਾਲ ਮਟੋਲ ਦੀ ਨੀਤੀ ਅਪਨਾਉਦਿਆਂ ਸਮਾਂ ਲੰਘਾ ਦਿੱਤਾ। ਇਸੇ ਦੌਰਾਨ ਹੀ ਅਦਾਲਤ ਨੇ 30 ਅਪ੍ਰੈਲ ਦੀ ਅਗਲੀ ਪੇਸ਼ੀ ਨਿਰਧਾਰਿਤ ਕਰ ਦਿੱਤੀ ਅਤੇ ਪੁਲਿਸ ਭਾਈ ਗੋਗੀ ਨੂੰ ਕਿਸੇ ਹੋਰ ਰਸਤਿਓੁਂ ਜੇਲ ਲੈ ਗਈ।
ਜ਼ਿਕਰਯੋਗ ਹੈ ਕਿ ਭਾਈ ਗੋਗੀ ਨੂੰ ਅਮਨ ਚੈਨ ਲਈ ਖਤਰਾ ਦੱਸਦਿਆਂ ਪੰਜਾਬ ਪੁਲਿਸ ਨੇ ਹਿਰਾਸਤ ਵਿੱਚ ਲੈ ਕੇ ਜੇਲ ਭੇਜ ਦਿੱਤਾ ਸੀ।ਭਾਈ ਗੋਗੀ ਨੂੰ ਡਰਾਉਣ ਧਮਕਾਉਣ ਤੋਂ ਅਸਫਲ ਹੋਣ ਪਿੱਛੋਂ ਸਰਕਾਰ ਨੇ ਪਿੱਛੀ 13 ਅਪ੍ਰੈਲ ਦੀ ਪੇਸ਼ੀ ਸਮੇਂ ਭਾਈ ਗੋਗੀ ਦੀ ਥਾਣੇਦਾਰ ਰਿਚਾਰਡ ਮਸੀਹ ਰਾਹੀਂ ਧੱਕੇ ਮੁੱਕੀ ਕਰਵਾਈ ਸੀ।
