ਅੰਮਿ੍ਤਸਰ (27 ਮਾਰਚ, 2016): ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਧਰਮ ਪ੍ਰਚਾਰ ਵਿੰਗ ਦੀ ਕਿਤਾਬ ‘ਸਿੱਖ ਸੰਕਲਪ, ਸਿਧਾਂਤ ਤੇ ਸੰਸਥਾਵਾਂ’ ਨੂੰ ਭਾਸ਼ਾ ਵਿਭਾਗ ਪੰਜਾਬ ਵਲੋਂ ਸਰਬੋਤਮ ਸਾਹਿਤ ਪੁਸਰਕਾਰਾਂ ਤਹਿਤ ਪ੍ਰਿੰਸੀਪਲ ਤੇਜਾ ਸਿੰਘ ਐਵਾਰਡ ਨਾਲ ਸਨਮਾਨਿਤ ਕੀਤਾ ਜਾਵੇਗਾ ।
ਸਿੱਖ ਇਹਿਤਾਸ ਰਿਸਰਚ ਬੋਰਡ ਦੇ ਨਿਰਦੇਸ਼ਕ ਤੇ ਸ਼ੋ੍ਰਮਣੀ ਕਮੇਟੀ ਸਕੱਤਰ ਡਾ: ਰੂਪ ਸਿੰਘ ਵੱਲੋਂ ਸੰਪਾਦਤ ਧਰਮ ਪ੍ਰਚਾਰ ਵਿੰਗ ਦੀ ਇਸ ਕਿਤਾਬ ਨੂੰ ਭਾਸ਼ਾ ਵਿਭਾਗ ਵਲੋਂ ਅਜਿਹਾ ਪਹਿਲਾ ਸਨਮਾਨ ਪ੍ਰਾਪਤ ਹੋਵੇਗਾ । ਡਾ: ਰੂਪ ਸਿੰਘ ਨੇ ਦੱਸਿਆ ਕਿ 704 ਸਫਿਆਂ ਦੀ ਇਸ ਕਿਤਾਬ ਦਾ ਤੀਸਰਾ ਐਡੀਸ਼ਨ ਹੁਣ ਛੱਪ ਚੁੱਕਾ ਹੈ ਤੇ ਇਸ ਕਿਤਾਬ ਦੀ ਉਕਤ ਐਵਾਰਡ ਲਈ ਚੋਣ 2013 ‘ਚ ਹੋਈ ਸੀ ।
ਉਨ੍ਹਾਂ ਦੱਸਿਆ ਕਿ ਸਿੱਖ ਪ੍ਰਚਾਰਕ ਗਿਆਨੀ ਪਿੰਦਰਪਾਲ ਸਿੰਘ ਵੱਲੋਂ ਇਸ ਕਿਤਾਬ ਦੀ ਤਾਰੀਫ਼ ਕਰਦਿਆਂ ਹਰੇਕ ਸਿੱਖ ਵਿਸ਼ੇਸ਼ਕਰ ਪ੍ਰਚਾਰਕ ਨੂੰ ਪੜ੍ਹਨ ਦੀ ਅਪੀਲ ਕੀਤੀ ਗਈ ਸੀ । ਕਿਤਾਬ ਦੇ ਮੁੱਖ ਸੰਪਾਦਕ ਡਾ: ਰੂਪ ਸਿੰਘ ਪਹਿਲਾਂ ਵੀ ਸ਼ੋ੍ਰਮਣੀ ਐਵਾਰਡ ਨਾਲ ਸਨਮਾਨਿਤ ਹੋ ਚੁੱਕੇ ਹਨ ।
