ਲੁਧਿਆਣਾ: ਦਿੱਲੀ ਦੀ ਤਿਹਾੜ ਜੇਲ੍ਹ ਵਿਚ ਨਜ਼ਰਬੰਦ ਸਿਆਸੀ ਸਿੱਖ ਕੈਦੀ ਭਾਈ ਜਗਤਾਰ ਸਿੰਘ ਹਵਾਰਾ ਨੂੰ ਥਾਣਾ ਕੋਤਵਾਲੀ, ਲੁਧਿਆਣਾ ਦੇ ਇਕ ਕੇਸ ਵਿਚੋਂ ਜੁਡੀਸ਼ਲ ਮੈਜਿਸਟ੍ਰੇਟ ਪਹਿਲਾ ਦਰਜਾ, ਵਰਿੰਦਰ ਕੁਮਾਰ ਵਲੋਂ ਜ਼ਮਾਨਤ ਦੇ ਦਿੱਤੀ ਗਈ ਹੈ।
ਭਾਈ ਹਵਾਰਾ ਦੇ ਵਕੀਲ ਜਸਪਾਲ ਸਿੰਘ ਮੰਝਪੁਰ ਨੇ ਜ਼ਮਾਨਤ ਦੀ ਜਾਣਕਾਰੀ ਸਿੱਖ ਸਿਆਸਤ ਨਿਊਜ਼ (SSN) ਨੂੰ ਦਿੰਦਿਆ ਦੱਸਿਆ ਕਿ ਇਹ ਕੇਸ ਐਫ.ਆਈ.ਆਰ. ਨੰ: 139 ਤਹਿਤ 30 ਦਸੰਬਰ 1995 ਨੂੰ ਤਫਤੀਸ਼ੀ ਅਫਸਰ ਸਬ ਇੰਸਪੈਕਟਰ ਗੁਰਿੰਦਰਜੀਤ ਸਿੰਘ ਨੇ ਦਰਜ ਕੀਤਾ ਸੀ।
ਇਸ ਕੇਸ ਵਿਚ ਪੁਲਿਸ ਵਲੋਂ ਭਾਈ ਹਵਾਰਾ ਦੇ ਖਿਲਾਫ ਅਸਲਾ ਐਕਟ ਦੀਆਂ ਧਾਰਾਵਾਂ 25,54,59 ਲਾਈਆਂ ਗਈਆਂ ਸਨ। ਪੁਲਿਸ ਦੀ ਕਹਾਣੀ ਮੁਤਾਬਕ ਭਾਈ ਹਵਾਰਾ ਕੋਲੋਂ ਚੰਦਰ ਨਗਰ ਇਲਾਕੇ ਵਿਚੋਂ ਪੈਂਦੇ ਬੁੱਢਾ ਨਾਲਾ ਦੀ ਪੁਲੀ ਕੋਲੋਂ ਇਕ ਏ.ਕੇ. 56 ਗੰਨ ਅਤੇ ਏ.ਕੇ. 56 ਦੇ 50 ਰੌਂਦਾਂ ਦੀ ਬਰਾਮਦਗੀ ਕੀਤੀ ਦੱਸੀ ਗਈ ਸੀ।
ਸਬੰਧਤ ਖ਼ਬਰ:
ਰੋਪੜ ਅਦਾਲਤ ਵਲੋਂ 25 ਸਾਲ ਪੁਰਾਣੇ ਟਾਡਾ ਕੇਸ ਵਿਚੋਂ ਭਾਈ ਜਗਤਾਰ ਸਿੰਘ ਹਵਾਰਾ ਬਰੀ …
