ਪੰਚਕੁਲਾ (18 ਅਗਸਤ, 2015): ਪਿਛਲੇ ਲੰਮੇ ਸਮੇਂ ਤੋਂ ਗੈਰ ਕਾਨੂੰਨੀ ਅਤੇ ਗੈਰ ਇਖਲਾਕੀ ਕਾਰਵਾਈਆਂ ਵਿੱਚਚਰਚਾ ਵਿੱਚ ਰਹਿਣ ਵਾਲੇ ਸਰਸੇ ਦੇ ਇੱਕ ਡੇਰੇ ਦੇ ਸਾਧ ਗੁਰਮੀਤ ਰਾਮ ਰਹੀਮ ਨੇ ‘ਚ ਮੰਗਲਵਾਰ ਨੂੰ ਪੰਚਕੂਲਾ ਦੀ ਸੀ.ਬੀ.ਆਈ. ਕੋਰਟ ‘ਚ ਸਾਧਵੀ ਨਾਲ ਬਲਾਤਕਾਰ ਕਰਨ ਅਤੇ ਪੱਤਰਕਾਰ ਰਾਮ ਚੰਦਰ ਛਤਰਪਤੀ ਅਤੇ ਡੇਰੇ ਦੇ ਮੈਨੇਜ਼ਰ ਰਣਜੀਤ ਸਿੰਘ ਨੂੰ ਕਤਲ ਕਰਨ ਦੇ ਮਾਮਲੇ ਪੇਸ਼ੀ ਭੁਗਤੀ।
ਸੌਦਾ ਸਾਧ ਨੇ ਸਰਸੇ ਦੀ ਇੱਕ ਅਦਾਲਤ ਵਿੱਚ ਪੇਸ਼ ਹੋਕੇ ਵੀਡੀਉ ਕਾਨਫਰੰਸ ਦੇ ਜ਼ਰੀਏ ਪੰਚਕੁਲਾ ਅਦਾਲਤ ਵਿੱਚ ਹੋਈ ਸੁਣਵਾਈ ਵਿੱਚ ਸ਼ਾਮਲ ਹੋਇਆ।
ਸੌਦਾ ਸਾਧ ਦੇ ਵਿਰੁੱਧ ਲੱਗੇ ਰਣਜੀਤ ਹੱਤਿਆ ਮਾਮਲੇ ਵਿਚ ਬਚਾਅ ਪੱਖ ਦੇ ਦੋ ਗਵਾਹ ਪੇਸ਼ ਹੋਏ ਤੇ ਉਨ੍ਹਾਂ ਨੇ ਬਿਆਨ ਦਿੱਤਾ ਹੈ ਕਿ ਸੀ. ਬੀ. ਆਈ. ਦੁਆਰਾ ਲਾਇਆ ਗਿਆ ਇਹ ਦੋਸ਼ ਝੂਠਾ ਹੈ ਕਿਉਂਕਿ ਇਸ ਦਿਨ ਸੌਦਾ ਸਾਧ ਰਾਜਸਥਾਨ ਦੇ ਜ਼ਿਲ੍ਹਾ ਗੰਗਾਨਗਰ ‘ਚ ਆਪਣਾ ਪ੍ਰੋਗਰਾਮ ਕਰਨ ਗਿਆ ਹੋਇਆ ਸੀ।
ਇਸ ਤੋਂ ਇਲਾਵਾ ਮਾਮਲੇ ਵਿਚ ਤਿੰਨ ਹੋਰ ਗਵਾਹੀਆਂ ਹੋਈਆਂ। ਰਣਜੀਤ ਹੱਤਿਆ ਮਾਮਲੇ ‘ਚ ਹੁਣ ਤੱਕ 20 ਗਵਾਹੀਆਂ ਹੋ ਚੁੱਕੀਆਂ ਹਨ, ਜਦੋਂ ਕਿ ਛੱਤਰਪਤੀ ਹੱਤਿਆ ਮਾਮਲੇ ‘ਚ ਹਾਲੇ ਤੱਕ ਤਿੰਨ ਗਵਾਹੀਆਂ ਹੋਈਆਂ ਹਨ ।ਇਸ ਮਾਮਲੇ ਦੀ ਅਗਲੀ ਸੁਣਵਾਈ 29 ਅਗਸਤ ਨੂੰ ਹੋਵੇਗੀ।
